Tui Kục Đăng kiểm, tukwak masa meng blaoh jabat karja ini mada hu roh duah thau, pok ja panuac brei salih pabak dom harak gal hukum, janih taka tanut njauk, tanut taka kỹ thuật brei ka kiểm định, pasiam brei ka radaih jammariak tabak nduac di jalan…

Gam song buh prein tame ka gah phần mềm, ndap nda kaya ngui, kaya kan gah ngak kong khao tin piah kuria patabiak harak tong yaom brei angan kiểm định siam makre brei ka kỹ thuật jeng ye caga môi trường meng harak điện tử brei ka radaih jammariak song radiah bhian pandar meng harei 1-3-2026.

Bruk patabiak harak brei angan tong yaom jammariak radiah meng harak điện tử mada peih lagaih ka bhap bini, urang ngak mbang blei salih dalam tuk pandar nyu (oh mada khut lahik); klak hu harak patabiak harak brei angan tong yaom jammariak radiah ja jeng ye palagaih brei ka urang taong yaom ieik glang nyu.

Langiu di harak brei angan tong yaom jammariak radiah meng harak điện tử jeng pakurang hu ralo jien kayua in yaok triệu hala baa patabiak harak brei angan tong yaom jammariak radiah ka abih gauk dalam nagar. Kayua yau nan ye meng harei 1-3 jaik mai tal, dom labik taong yaom đăng kiểm dalam nagar mada ngak tui bruk peih ngak patabiak harak brei angan tong yaom jammariak radiah meng harak điện tử.

Daok tui po radiah khin hu harak meng baar ye labik đăng kiểm jeng brei in tabiak harak (oh meng phôi) phần mềm dan song mboh tra brei angan ka po radaih. Di angaok harak brei angan tong yaom jammariak radiah nan hu brei thau tanut ia nerat di radaih pruh tabiak, hu tanut mã QR pagam song harak brei angan điện tử angaok hala web di Kục Đăng kiểm. Po radaih mada dut ieik harak tong yaom jammariak radiah meng harak điện tử angaok hala web di Kục Đăng kiểm jeng ye in tabiak mayah khin.

Kục Đăng kiểm daok brei thau, urak ini janih kadha brei patabiak harak brei angan tong yaom jammariak radiah, radaih brei pandar dreih samu gauk di majam ieik glang di Kục Đăng kiểm tame dalam hu bik dalam kadha di majam jammariak khaotin di Mintri Padang.

Tui jalan ba abih tame harak gal janih kadha parabha harak gal dữ liệu di Mintri Padang jeng mada brei parabha song Mintri Polis piah mada ba tame majam khaotin piah hu pandar VNeID song VNeTraffic. Tapimin, harak gal dữ liệu ini oh ka ganap tantu njauk harei masa jeng ye njauk tame biak lektaka di nyu. 

Dalam bruk pandar harak brei angan tong yaom điện tử mada caga dom janih chung suan di nyu, khip kajap karo dữ liệu kiểm định radaih jammariak, radaih daok pandar tame bruk mek hu tanut "đúng - njauk, đủ - ganap, sạch - hacih, sống – diuk tamo, thống nhất - pahasa dan song gam pandar - dùng chung".

Kayua yau nan ye Kục Đăng kiểm pok panuac tagok Mintri Padang ieik glang, hu harak payua tagok Mintri Polih brei peih ngak bruk gam ngak patabiak harak brei angan tong yaom jammariak radiah meng jammariak, radiah daong pandar tame gam dom bruk pandar nyu dalam VNeID song VNeTraffic piah khik siam tantu lagaih brei ka bhap bini, urang ngak mbang blei salih jeng ye ka urang jaka daok ngak bruk gah ini./.