Tui nan, kaol pachot nyu tuan dom thẻ nhựa hu yaom 30, 50, 100 ribau đồng angaok radaih patuh di bhap bani, atau anak sang di bhap bani.

Kaol nyu pachot meng bruk vak angaok số thẻ, mật khẩu njauk pacang mờ njauk kuah tabiak meng thau thong tin. Angaok thẻ daok tacei pato jalan quét mã QR code piah taom gaok haong gah iek glang tuai, brei thau mật khẩu thẻ blaoh taduan mek yaom jien samu haong yaom vak angaok thẻ.

Tui Công an TP.HCM, tuk mikva quét mã QR code, baoh phone tangin di drei njauk xâm nhập, njauk meblah quyền pandar saong kol pachot mbuan mek jien dalam tài khoản gilang pariak.

Công an TPHCM khan brei thau piah ka bhap bani caik hatai sangka saong khan brei ka rilo urang karei thau ka bruk bleik saleik bahrau ini.

Bruk pachot tui jalan quét QR code ini hu mboh biak rilo, tui dom jalan ngak karei di gauk tuk bruk quét QR code piah ba-yar jien dak harei dak bhian randap di Việt Nam. Cambaih laih nan lac di dom sang iek ruak di rilo tỉnh, ban atau dom kuan pablei salih hu rilo manuac.

Pambak tame bruk urang ruak, tuai damuai biak rilo, kol bleik saleik nyu pameluk tame piah tauk mã QR code di dom cá nhân tagok mã QR code di sang iek ruak,  di kuan pablei salih. Nan ye, tuk urang ruak, tuai damuai quét mã piah ba-yar jien, meyah oh pasang iek cambaih laih angan je di jabat, manuac urang taduan mek ye meda njauk meblah mek jien.

Di TP. HCM daok hu bruk, oh thau meng halei mai taduan hu bưu phẩm pandap alih hadiah 0 đồng saong phiếu cào dự thưởng. Tuk drei kuah, ye njauk giải thưởng hu yaom saong đổi thưởng njauk quét mã QR code. Biak patuah lac, dom bruk ini kayua medhil lac dom pok pandap ini hu payua meng manuac urang, labik oh thau cambaih laih ka angan je di nyu nan ye oh jeng menuac lah pachot di kaol bleik saleik.  

Di dom labik, kaol bleik saleik daok pandar jalan ngak nan lac phat tờ rơi yaih khan dịch vụ tươi mát, massage hu mã QR code piah pachreih urang likei quét, truy cập website, tải ứng dụng piah mong iek thaot binguk nhạy cảm di kamei takai atah, yaom kaom dịch vụ. Biak di nyu dom ứng dụng nan lac phần mềm gián điệp, độc hại, klaik mek thong tin cá nhân, tài khoản gilang pariak.

Urak ini hu biak rilo jalan bleik saleik tapa mạng, mạng viễn thông, abih di nyu lac jaik di ini bruk pachot meng quét mã QR code tamuh khang, tuk ba-yar jien tui jalan ini biak mbuan laghaih, hu rilo urang pandar.

Anak dom bruk yau nan, Mentri Công an, Mentri Thông tin saong Truyền thông, rilo jabat pambuak pagam tal, Công an dom  tỉnh, ban bhian cập nhật, ba tabiak panuac khan brei thau ka bruk bleik, pachot ka bhap bani thau, paglaong hatai sangka.

Dom jabat hu kakei bhap bini, piah plaih lac menuac njauk lah pachot di kaol bleik saleik, tuk quét mã QR code njauk duah thau ka nyu cambaih laih  thong tin giao dịch blaoh ka meng ngak dom jalan ngak payua jien trực tuyến. Tuk  quét mã QR code hu ba tal jalan link lạ, njauk mong iek ka nyu cambaih laih hu peih akaok meng https haong angan miền halei oh, meng njauk ngak dom jalan ngak patui veik./.