Rabuk ka 3 (angan dunya lac Yagi) tuh tame Việt Nam harei 7/9/2024, ngak khut tayah tapak tal dom bhum Taneran kraong Hồng saong Đông Bắc Bộ, ba tal hajan praong, angin khang. Di rilo tỉnh, rabuk ngak brei phun kayau tabuac gha, ngak brei menuac matai saong khat lahik drap ar, rilo radaih ô tô njauk phun kateik, gheng ndien jaleih tame atau dauk dalam ia. Rilo po radaih duh hatai oh thau lac bala ini gah bảo hiểm bayar yau habar?

Maong tui gah adat hukum, tui Luat sư Nguyễn Văn Kỹ, Kapul Luat su tỉnh Bắc Ninh, bruk radaih khut tayah kayua rabuk ia sua atau ia dauk lac bruk meng langik tasik, oh lac kayua menuac ngak, nan ye oh lac trách nhiệm bayar jien di urang halei dalam bruk ini. Yaom jien bayar iek tui dom paka dalam harak pambuak bruk bảo hiểm hu mbaoh tangin di po radaih haong kong ti bảo hiểm. Kayua yau nan ye, dom urang hu bảo hiểm ô tô njauk khut tayah brei pasang iek tani tanat harak pambuak bruk piah thau bruk di drei hu daok dalam bảo hiểm halei oh.

Meyah dalam harak pambuak bruk hu ndom lac khut tayah kayua bala meng langik tasik lac jalan piah hu bayar jien, ye tuai hu quyền ieu kong ti bảo hiểm bayar jien tuk bruk nan rah tabiak.

Bhian di nyu, bảo hiểm pandap panda radaih ô tô hu khik ka po radaih anak dom khat lahik drap ar kayua dom bruk langiu di hatai caong, yau ye: paoh, gaok, tableik radaih, laik; apui khuah, patuh, bala meng langik tasik, cok klaik atau lahik taong abih radaih…

Tui adat bayar jien dalam bruk mbaoh tangin saong ngak harak pambuak bruk bảo hiểm ye jien bayar bo urang hu bao hiem taduan hu oh tapa khut tayah dalam bruk bảo hiểm. Min, adat ini jeng hu bruk langiu lac hu sanya karei dalam harak pambuak bruk bảo hiểm. Nan ye, jien bayar bo urang hu bảo hiểm taduan hu yam tapa bruk khut tayah dalam bảo hiểm meyah hu sanya karei dalam harak bảo hiểm.

Langiu di bayar jien khut tayah, bảo hiểm rup kanduh radaih ô tô daok meda hu daong bayar ka dom janih jien yau: jien pacang caga tamuh veik dom khut tayah, jien daong saong pajeng ba ô tô nao tal gara jaik abih piah pasiam veik, bayar taong abih jien meyah radaih ô tô oh pasiam hu.

Meyah ô tô khut tayah kayua phun kayau jaleih kateik, dauk ia sua…brei hu bayar jien, po radaih atau urang hu brei quyền brei caga dom harak gar hu dom janih harak brei mboh quyen ngak po radaih: căn cước công dân atau hộ chiếu di po radaih, harak tut angan radaih, harak adat brei nduac radaih; harak chung nhan / harak pambuak bruk bảo hiểm; harak gar pambuak tal bruk khat lahit ka menuac: harak tabiak sang iek ruak, harak blac raih, harak rambuas atau harak chung tử; harak khan yaom jien, harak pasiam veik, salih bahrau dom janih pandap radaih ô tô, atau dom jien karei bo po radaih buh tabiak piah patrun patakik khat lahik, tui tacei pato di kong ti bảo hiểm./.