Kuk Karo salamat khau tin (Mentri Khau tin saong Truyen thong) bahrau pachreih rahra caik hatai caga tal rilo bruk pachot blaik gat. Cambaih laih, meng bruk tame website di gilang pariak saong tame chung rilo mbang, dom kol bleik ngak ka tai khoan di urang njauk gam kareik. Tuk nan, kol nyu mek angan urang di gilang pariak taong phone mai, plue urang tame jalan link piah mek trun ung dung ja lau. Tuk njauk kareik tai khoan, urang pandar oh thau ka bruk ini mbuan njauk duh hatai blaoh pang tui kol bleik.

Tuk nan, urang pandar meda pabak ka kol bleik dom khau tin ta-eng drei, khau tin piah tame, atau njauk palue mek trun dom phan mem jhak. Dom taka jhak ini hadei tuk taong tame mac meda pandar tame thiet bi dalam jang, meng nan bo kol bleik blah mek quyen pandar thiet bi saong ngak rilo bruk jhak, yau co klaik du lieu, pasang iek thiet bi saong urang pandar meng atah. Gam haong nan kol bleik co klaik khau tin yau mat khau, taka OTP, gaok mai meda cuh jien meng mbaok meta sinh trac hoc angaok phone di urang.

Ini lac sa janih bleik biak karei di biasa, bruk lek taka tai khoan saong taka phone bhian hu brei mboh tapak, meda pandar dua taka atau email piah tame. Langiu di nan, khau tin ini jeng hu khan pablei dauk di darak du lieu saong hu rilo bruk piah mek.

Kuk Karo salamat khau tin pachreih urang pandar brei caik hatai, tuk hu asal kadha ka tai khoan gilang pariak, brei tabiak kadai meyao meyit di gilang pariak piah ngak bruk tapak atau taong phone ka gah sangka tuai damuai di gilang pariak. Oh tame dom jalan link oh krein atau mek trun bo oh thau nyu meng halei mai. Oh brei kanyu khau tin ta-eng drei, khau tin tai khoan gilang pariak, taka OTP yaom lac meng tuk halei.

Langiu di nạn bruk pachot bleik gat mek angan ngak ja lau gah mạng jeng rah tabiak biak rilo. Dom kol bleik ngak ja urang ngak di dom gah mạng praong, taong phone pathau khan ka urang ndom meyai lac urang daok tavak sraiy jien cước viễn thông. Hadei di nan kol bleik pandar urang brei bayar jien samar meyah oh ngak tui ye kareik taka so phone, anak meta padeih taong phone saong yak tagok gandi. Meyah tuai damuai oh njauk hatai, kol bleik nyu likau khau tin labik daok, tai khoản ta-eng urang haong makna piah pasang iek gilac piah mek khau tin ta-eng di tuai damuai (angan, thun umo, labik daok, taka CMND, harak baoh sang, tai khoan gilang pariak, taka OTP…). Hadei dom harei dom kol bleik taong phone gilac saong pathau khan tai khoan ta-eng urang di urang pandar taka phone angaok kaya pandar piah ngak dom bruk chung hukum saong pandar cuh abih jien dalam tai khoan piah pasang iek atau kol nyu taong phone piah gham saong meblah jien di dom urang pandar taka phone…/.