Tui Google dalam labaih sa bilan, Play Protect hu caga labaih 360.000 ndap nda caga brei tabiak labaih 1,5 trieu pak dak bla gao gam saong 8.000 janih pandar jhak kanyah di Viet Nam. Patui di ini hu 5 gigah cara bleik pachot bhian mboh bahrau di ini jeng ye janih caga brei plaih.

1. Mbang tui kadha praong

Kol bleih bhian mbang tui kadha praong, ngak tui ilamu (AI) piah padang dom kadha bleik salih jeng ye pok glaong janih bleik palua pachot di drei. Dom kon nyu drah samar mbang tui dom bruk kadha praong piah ngak ja atau mek angan dom kapul ngak dhar ngak phon, dom harei main ragam ragu, main sukan pahat rup, dom harei ilamu tal dom bala kayua langik tasik. Google kakei brei thau tal urang pandar njauk blei harak atau rik daong tui jalan mboh tapak njauk.

2. Kon bleik salih caik hatai tui urang hu angan padang jeng kayua AI

Kon bleik salih pandar AI piah padang video dan saong rup binguk ja lau, dalam nan mek angan urang hu angan piah yaih kadha palua bleih di drei. Dom deepfake ini gam tui dom kadha harak palua pachot di angaok mang xa hoi, bhian yaih khan dom jien brei buh tame oh njauk tui hukum, dalam nan hu di dalam janih jien ndien tu saong tui gah mayit mayao.

Google pakakei urang pandar brei caga dom panuac brei kakei buh jien tame di dom urang hu angan, ralo dam nan hu di mạng xã hội. Caik hatai ieik brei cambac mbok mata oh bhian di nyu di dalam video. Mayah jien buh tame pang biak chreih, ye njauk cambac sa janih bleik salih pachot lau piah bleik di nyu.

3. Pachot lau jak nao jirah saong blei salih blaik ja

Kon bleik salih ngak jeng dom hala web dreih hala web biak di dom hala web blei salih, nao jirah rivang saong pablei njauk hukum, paluo urang blei tui yaom biak chreih. Dom hala web nan biak dreih yau biak, meng mbaok mata hala binguk website tal dom hala isi brei ngak di dalam nan, ngak ka mik wa oh thau biak atau ja.

Google kakei urang padar njauk ieik tantu janih cara caga nyu, caik hatai caga tui yaom kaom biar jeng ye panuac pacuh blei samar capat. Pandar dom janih “Brei thau tui yau ini” brei ka dom hala web oh bhian. Tui tapa Pasak Yaih khan di google, duah dom khao tin brei ka gah baoh sang yaih khan saong khan brei thau tal dom ayaih jhak.

4. Pachot lau tapa bruk ngak ja lau jitvu daong ilamo ky thuat meng atah

Kon bleik bhian mek angan urang daong ilamo ky thuat di dom kongti, gilang pariak saong jabat karja. Kon nyu padang jeng dom janih yau ye brei drah capat samar, pagap ye brei thau lac jammariak, janih ndap nda, lek tài khoản atau janih kandauk di drei mada hu reing kadha. Kon mbon ini pandar dom panuac jammariak biak naih joi mbuan si palua ngak ka urang jie tui, gam ui di nan hu dom hala web ja lau di nyu. Google kakei urang pandar juai brei ka kon nyu tame tui hatai maya mboh tài khoản oh krein. Dom kongti njauk adat hukum oh mada dang ieu daong ilamo ky thuat.

5. Pachot ja paluo bruk ngak

Kon mbon bleik salih ini bhian maong tapak tame dom urang khin caong duah bruk ngak meng atah dan saong caong hu bruk ngak dalam dunya mek jien bilan glaong chreih. Kon nyu tabiak harak ja duah manuac ngak bruk di dom hala web saong mang xa hoi hu angan, hadei di nan, brei peih harei var brei sua tangi yau ye biak dan saong ngak dom kadha yaih khan, bhian ngak ja dom công ty dunya di dalam mayit mayao gah jien ndien tu atau tiep thi kỹ thuat so. Kayua yau nan ye Google brei kakei tal urang pandar njauk caik hatai tal dom janih brei thau dom bruk ngak “biak siam piah jeng biak”, dalam nan njauk caik hatai tal dom panuac daa pambuak saong bruk payua jien./.