Tui sarak thong tu di Mentri Kong an, urang hu harak brei peih nduac radaih oto daok hu tukvak masa pandar ye hu brei pakacah pasang iek ilamo peih nduac radaih pakat A1 oh mek jien (yung tit praong tal 125cm3 atau hu jammariak khang meng 11kW). Saong pakat A (praong labaih 125cm3 atau hu khang labaih 11kW).

Thong tu 12/2025 jeng tabiak adat hukum, asal kadha peih nduac radaih lek taka pakat A1, A, B1 dalam nan hu ganap thau paham saong thau peih dalam thaik thaot. Langiu di nan lac, urang oh hu ginup asal kadha pasang iek ilamo gam thau paham gam thau peih radaih yau dalam thaik thaot binguk. Urang hu ginup asal kadha atau peih nduac radaih yau dalam thaik thaot binguk ye hu khik peih nduac radaih di dalam 1 thun.

Dalam tuk nan, asal kadha brei pasang iek bruk peih nduac radaih dom pakat di oto dalam nan hu ly thuyet paham thau, mo phong, peih nduac radaih yau dalam thaik binguk saong peih nduac radaih di jalan. Banah oh ka mek hu ye brei tut angan pakacah ka truh gah. Dom asal kadha mek hu ye brei khik piah dalam tukvak 1 thun. Urang halei ba phone atau pandap brei khau tin tame bilik pakacah ly thuyet, bilik pakacah mo phong dom taka janih bruk radiah rah tabiak di jalan mbak, pakacah angaok radaih atau hu bruk bleik salih karei ngak karei bruk pakacah ye brei padeih, atau yah klak tanut mbang pakacah nan.

Tui pakat B1 brei tapak bruk pasang iek ilamo peih nduac radaih, urang ieik pakacah oh daok di angaok radaih pakacah. Urang pakacah brei peih nduac radaih tapa tui binguk huroh akhar jeng ye brei kadun gilac. Dom pakat B, C1, C, D1, D2, D pakacah meng bruk pandar pandap eng brei tanut, oh hu urang pakacah daok angaok radaih brei pakacah.

Urang tame pakacah brei pandar radaih tapa dom kadha pakacah hu srap gap di pasak pasang iek ilamo peih nduac radaih dalam nan hu: peih nduac, padeih radaih caga jalan ka urang tabak takai, brei padeih dang saong peih nduac radaih angaok tambok haneik, tapa inem baoh radaih saong jalan vaih radaih, tapa canah pak hu gom jalan mbak, tapa jalan kandah, pagam radaih tame labik pataok (pakat B saong C1 ngak bruk pagam radaih kanuai; pakat , B, C, D1, D2 saong D ngak bruk pagam radaih cagar), brei padeih di labik hu jalan pasei nduac tapa, dom janih hu bala tamuh rah tabiak, salih lek taka peih radaih di angaok jalan ndaok tapak, abih…

Sarak Thong tu bahrau di Mentri Kong an jeng brei adat hukum: Kuk Polih jalan mbak brei harak adat brei peih nduac radaih ka urang mek hu jak jeng mbang pakacah dalam tukvak 7 harei, kuhria meng di harei pakacah blaoh. Harak brei peih nduac radaih ndien tu hu pataom ba tame majam he thong ndien tu, tai khoan brei angan ndien tu dalam tukvak 3 harei ngak bruk, kuhria meng harei tamat blaoh abih mbang pakacah.

Di dalam bruk harak adat brei peih nduac radaih abih tukvak brei pandar mala 1 bilanmblaoh urang hu harak brei peih nduac radaih oh ngak jeng dom bruk salih harak peih nduac radaih kayua ruak hakik, bala langik, apui khuah, jit ruak ye urang nan oh brei cap mek pakacah ly thuyet paham thau.

Bruk harak adat peih nduac radaih abih tukvak brei pandar mala 1 thun (meyah tapa 1 harei abih tukvak brei pandar) ye brei pakacah ly thuyet paham thau tui adat hukum piah karja brei harak peih nduac radaih. Langiu di nan, bruk harak peih nduac radaih abih tukvak brei pandar meng 1 thun ba tagok ye brei pakacah ly thuyết paham thau, peih nduac radaih yau dalam thaik thaot saong angaok jalan mbak piah pabak harak peih nduac radaih tui adat hukum (oh cang mek pakacah tui binguk iek)./.