Tui yaok pataom di Cục An ninh mạng saong pacang caga tội phạm pandar công nghệ glaong Mintri Công an, dom tin nhắn ini hu asal lac: “Khan brei thau, tuai hu tut angan, peih dịch vụ jien padai dunya hu yaom pandar meng 3.000.000 đồng tal 6.000.000 đồng, mayah khin klaak, tame jalan https://vietinbank.com.vn-vp.top atau https://vpbank.com.vn-vb.top...”.

Biak di nyu, ini lac tin nhắn ja bo kol pachot pagait ngak tabiak piah urang pandar tame blaoh klaik khau tin, meblah mek quyen khik ramik tài khoản gilang paraik di urang pandar, hadei di nan meblah mek abih jien hu dalam tài khoản.

Gah công an brei thau, ini lac jalan ngak di kol tội phạm chuyên nghiệp pakat dunya kayua dom urang negar langiu par akaok, pambuak bruk khang kajap haong dom urang Việt Nam peih ngak.

Kol nan nyu pandar dom pandap công nghệ glaong piah padang ngak ja bilai thu, phát sóng di động di dom doanh nghiệp viễn thông Việt Nam, pataom mek khau tin laik phone par tangin saong khau tin thiết bị piah payua dom tin nhắn ja mek angan gilang paraik piah pachot pagait meblah mek drap ar.

Dalam tuk ngak bruk, kol nyu bhian salih jalan nao, labik caik thiết bị, saong pandar rilo jalan ngak piah pacang kandauk. Yaok mbang ndem biai nao mai di kol nan jeng hu ngak tapa ứng dụng Telegram, Zalo saong palahik dữ liệu chip hadei di tuk ngak blaoh.

Kuhria rah tapa yaok harei, kol nyu payua hu meng 40.000 tal 80.000 tin nhắn/1 jamriak, thiết bị. Dom jamriak meda ngak ja mek angan laik phone tin nhắn di  jabat, kapul nyaom, manuac urang halei jeng hu.

Tal urak ini, công an mboh hu 7 bruk, cap mek hu 10 urang di Hà Nội saong TP.HCM, Quảng Ngãi, Đồng Nai; pataom mek 16 jamriak, thiết bị ngak ja bilai BTS.

Piah plaih njauk pachot pagait, công an kakei bhap bini njauk paglaong hatai sangka, oh tame dom jalan link, angan miền lạ hu payua tal email, phone par tangin, oh pabak mã OTP, mã xác nhận ka urang halei karei, kuhria gam urang ndem lac menuac ngak di gilang paraik piah plaih njauk lah pachot pagait.

Tuk mboh dom bruk ngak suan, bhap bini njauk samar drah pathau khan saong pambuak bruk haong dom jabat chức năng piah mesuh pacang hu siam lagaih haong kol tội phạm ini./.

Urang lang: Thu Thao – 01/11