Đảng đoàn QH ngak bruk haong Mban Thường vụ Thành ủy Ban raya HCM di biar harei 19/12 ka bruk padang ngak “Danak dak dự thảo Sarak jalan ngak, sarak ngak iek brei pabak prein patagok Ban raya HCM” salih Sarak 54 di Quoc hoi, Akok QH Vương Đình Huệ njauk hatai brei tapa dự thảo Sarak nan saong brei ba asar kadha nan tame danak dak mbang nyaom QH bilan 5 thun 2023. Akok QH ndom lac danak dak padang ngak sarak ka jalan ngak, sarak ngak iek piah pabak prein patagok TPHCM lac bruk njauk ngak chip; piah ba tame ngak brei cambaic laic jalan tacei ba di Đảng, Karja, daong Ban raya cak rok patagok samar, khang kajap, tui jalan tacei ba di Ban raya HCM daong ka taneh ia, taneh ia daong ka TPHCM.

Thủ tướng Rajaei bahrau hu harak tacei khik kajap siam mekre, sron mbon, salamat bruk nao mai angaok jalan dalam tuk Tết Dương lịch, Tết Nguyên đán thun sak tapai saong dom rija roya akaok thun 2023. Tui nan Thủ tướng ieu UB selamat pakat negar ka bruk nao mai angaok jalan mbak, dom mintri, dom gah, akaok UB bhap bini dom tinh ban, dom puk palei, jak ba bhap bini eng drei ngak njauk saong pang tui tacei pato di gah chức năng; daong brei ka gauk tuk nao mai angaok jalan; khik kajap siam mekre, salamat saong ngak njauk tui asal kadha lac "Menyum alak mbia bloh ye oh peih radaih"; oh nduac samar, oh tapa mbaok suan hukum, oh pajeng menuac rilo jang adat brei pajeng…

 Yaom lac gaok rilo kan kandah min rilo D.N di Đồng Nai pambuak saong công đoàn cơ sở iek glang ka urang ngak kong piah bruk daong meng 50 tal 100% harak vé radaih, pajeng ba  urang ngak nao pablei mbang Tet.  Liên đoàn Lao động Đồng Nai brei thau ngan haong kadha: “ Taong abih urang đoàn, urang ngak thei jeng hu Tết”, Tết Nguyen dan 2023, công đoàn  dom pakat meda peih bruk rivang, jak ba, alin pandap ka urang ngak hu raidiuk kan kandah, urang ruak trak, urang ngak gaok bala, urang lahik bruk ngak dalam tuk jaik Tet…

Sở Công Thương Cà Mau daok padang jalan ngak piah khik kajap bruk pabak, pablei, tani tanat darak pasar puac thun 2022 saong tuk Tết Nguyên đán thun sak tapai 2023, yaom abih tih labaih 1.222 tỉ đồng, dalam nan hu dom pandap khik piah, caga pablei tuk Tết. Langiu di nan, Mban Tacei pato 389 Cà Mau jeng hu panuac ieu dom sở, ngành, puk palei tacei pato peih ngak hu siam bruk pacang pablei salih pandap pakauk, bleik saleik dalam pablei salih saong pandap ja di tukvak dahlau, dalam saong hadei Tết Nguyên đán.

 Dalam rilo thun tapa, tỉnh Tiền Giang hu taong yaom lac bhum palei peih ngak biak siam  bruk brei phun jien meng ka dung karja tame  ngak brei patagok jalan mbak. Dalam nan, bruk buh jien tame ngak brei cak rok patagok jalan mbak 5 thun ( 2021-2025) Tiền Giang brei labaih 9.870 tỷ đồng, meblah jaik 41% dalam taong abih tih phun jien buh tame ngak di karja. Langiu di nan yaok thun, tỉnh daok buh tabiak labaih 100 tỷ đồng meng phun jien ngak brei pasiam jalan mbak piah ramik pasiam dom jalan khut, tayah. Yau nan min, kayua bruk nao mai, pajeng ba pandap  dak harei dak rilo; dalam tuk nan hu rilo jalan pajeng trak oh tapa truh, khut tayah, kurang jalan tathuak ia…njauk brei pasiam, peih praong, brei ngak pasiam dom labik khut.  

Thủ tướng bharau di Malaysia, ong Anwar Ibrahim hu yam tapa bruk buh phiếu tín nhiệm camereip abih dalam nhiệm kỳ dalam mbang nyaom di Hạ viện Malaysia khóa XV. Brei panuac di Hạ viện, Thủ tướng Ibrahim ndom lac, ong ngak tui njauk bruk di sa urang lambaok hu bhap bini pilih ruah, caik kein laba di taneh ia, di bangsa tagok dang akaok.

 Akok  Mentri Năng lượng dom taneh ia Liên minh châu Âu njauk gauk brei tabiak yaom khí đốt 180 euro/ MWh piah pacang yaom khí đốt tagok saong pacang cakak bruk kurang năng lượng dui atah. Ini lac lac dom jalan ngak birau abih, saong jeng lac kan njauk gauk abih, bo dom taneh ia di Liên minh châu Âu ba tabiak dalam kham merat pacang tagok yaom khí đốt, tapa nan samar padeih bruk kurang năng lượng.

Rajaei Ấn Độ daok kuhria padang ngak jaik 1.748 km jalan cao tốc rah tui bhum taphia negar haong Trung Quốc di bang gah Đông Bắc Arunachal Pradesh dalam 5 thun tal. Jalan hu 2 jalan radaih, Ấn Độ caong lac jalan cao tốc ini hu makna biak praong, pacang cakak menuac tame negar suan hukum di bhum taphia negar. Jalan ni jeng hu daong ka bruk nao mai di bol bala saong pandap pada di gah quốc phòng tal bhum taphia negar./.