Daong ka urang kan kathaot nao ngak bruk di taneh ia langiu

Di Thông tư ka 46 kayua Mintri Jien padai bahrau patabiak hu bruk khik ramik, ba pandar saong quyết toán kinh phí sự nghiệp meng kadung jien pakat negar peih ngak danak dak bruk ngak negar patrun kathaot khang kajap vaktu 2021-2025.

Dalam nan Thông tư tacei cambaih ka bruk daong urang ngak nao ngak bruk di taneh ia langiu tui harak pambuak bruk. Tui nan, urang ngak daok dalam sang kan kathaot, sang urang bangsa takik daok di huyện kan kathaot, xã biak kan kandah bhum tapen tasik saong kaoh pulao langiu tasik hu hatai caong khin nao ngak bruk di taneh ia langiu ye yaom jien daong brei hu ngak tui quy định di Điểm a Khoản 1 Paka 25 Thông tư ka 15 di Mintri Jien padai. Dalam nan, hu daong pato sap negar langiu: rilo di abih lac 4 triệu đồng sa urang sa khóa bac; daong jien mbang huak dalam tukvak pato pakai lac: 50 rabau đồng sa urang sa harei;  daong jien daok dalam tukvak pato pakai: 400 rabau đồng sa urang sa bilan; daong jien blei pandap pandar cá nhân 600 rabau đồng sa urang; daong jien radaih nao mai saong jien ngak harak gar ngan saong urang ngak nao ngak bruk di taneh ia langiu.

Daok urang ngak lac sang jaik si kan kathaot, sang bahrau tabiak truh kan kathaot di dalam huyện kan kathaot, xã biak kan kandah di bhum tapen tasik saong pulao kaoh di tasik caong khin nao ngak bruk di taneh ia langiu hu daong jien pato bruk ngak, pabak ilamu ngak bruk tui yaom jien buh tabiak, glaong di abih tui tanut ba tabiak di Sarak ka 46 di Thủ tướng rajaei, daong jien pato sap negar langiu tui yaom jien buh tabiak bac, rilo di abih samu 70% saong daong dom janih jien karei tui yaom daong hu tacei tabiak di Điểm a mangaok nan.

Langiu di nan, urang ngak karei daok dalam huyện kan kathaot, xã bãi ngang, tapen tasik haong kaoh pulao di tasik caong khin nao ngak bruk di taneh ia langiu hu daong jien pato bruk ngak, pabak ilamu ngak bruk tui yaom jien buh tabiak, glaong di abih tui tanut tacei tabiaik di Sarak ka 46 di Thủ tướng rajaei, daong jien pato sap negar langiu tui yaom jien buh tabiak bac, rilo di abih samu meteh yaom daong hu tacei tabiak di Điểm a./.

Urang lang: M. Phuong – 23/08