Khoản 1 paka 33 Hukum lakhah caga saong baoh sang 2014 tacei lac: Drap ar di dua diuk pasang lac drap ar kayua diuk, pasang ngak hu, jien duah hu meng ngak bruk, meng sản xuất, ngak mbang, pablei salih, hoa lợi, kein laba tabiak meng drap ar saong jien mek tame karei njauk adat hukum dalam tuk daok haong gauk, langiu di bruk hu tacei tabiak dị khoản 1 paka 40 di hukum ini, drap ar bo diuk pasang hu thừa kế haong gauk atau hu alin brei haong gauk saong drap ar karei bo dua diuk pasang njauk gauk lac drap ar haong gauk.

Tui nan, dom jien ndo, ameh pariak dua diuk pasang hu hadei di tuk lakhah lac drap ar di dua diuk pasang. Bruk alin brei jien ndo, ameh pariak ka dua diuk pasang tuk lakhah lac sa jalan di hợp đồng alin, hadiah, brei drap ar hu tacei tabiak di paka 457 Bộ Luật Dân sự 2015. Hợp đồng alin, hadiah, brei drap ar lac bruk thỏa thuận di dom gah, tui nan, gah alin, hadiah, brei drap ar di drei saong ba quyền ngak po ka gah hu alin, hadiah, brei bo oh caong bayar veik, gah hu alin, hadiah njauk hatai taduan mek. Bruk ini hu makna lac bruk alin, hadiah, brei drap ar, ye  urang alin hadiah brei oh daok quyền ngak po dom drap ar nan meng di tuk jao drap ar ka urang hu alin hadiah brei.

Kayua yau nan ye, jien ndo, ameh pariak di dua diuk pasang hu urang alin hadiah brei tuk uan harei lakhah oh daok quyền ngak po di urang alin hadiah brei, nan ye urang oh hu quyền ieu dua diuk pasang bayar veik. Tui nan, dua diuk pasang oh njauk bayar veik jien ndo, ameh pariak bo amaik ame gah pasang alin hadiah brei tuk lakhah.

Bruk alin hadiah brei jien ndo, ameh pariak di harei lakah oh lac bruk alin hadiah hu điều kiện nan ye tuk dua diuk pasang luai gauk, klaak gauk oh njauk bayar veik. Drap ar ini hu maong lac drap ar haong gauk nan ye tuk luai, tuk klaak gauk tok hu pasang iek parabha jeng dua.

Langiu di nan, tuk lakhah caga ka anek bhik, langiu di pandap lakhah tui adat cambat tanarakun, rilo amaik ame daok hu blei taneh ka anek… Meyah oh khin mboh drap ar njauk parabha hadei di tuk anek nyu luai, nyu klaak gauk, amaik ame njauk sahneng kuhria ka nyu tani tanat. Amaik ame meda blei sang caik angan drei saong brei ka anek nyim atau daok suai lavik. Meyah khin brei klaoh, meda tabiak công chứng ngak harak alin hadiah brei saong tok caik angan anek pajeng di drei. Ini lac sa pilih ruah, lac quyền di amaik ame, lagaih haong adat hukum. Tuk nan, meyah anek pajeng oh ba drap ar nan tame drap ar di dua diuk pasang, ye baoh sang nan, lac drap ar di anek, hu adat hukum khik caga./.

Urang lang: M.Phuong - 2/8/2022