Tui paka 30 Hukum Nghĩa vụ quân sự 2015, bhap bani ginup 18 thun hu iew tame bol lin; thun umo iew tame bol lin meng ginup 18 thun tal abih 25 thun.

Dalam nan, urang likei hu bac megru cao đẳng, đại học hu brei padeih iew tame bol lin dalam tukvak bac megru di drei ye hu palih ruah saong iew tame bol lin tal abih umo 27 thun.

Bhap bani daok dalam umo iew tame bol lin, hu ginup kadha gah chính trị, pren yava, ilamo ye meda hu palih ruah nao tame bol lin.

Ndom ka tiêu chuẩn chính trị, ngan haong dom jabat, đơn vị saong labik prong, kandauk dalam bol lin; gah Tiêu binh, Adat cambat; gah Vệ binh saong Kiểm soát quân sự chuyên nghiệp ye palih ruah njauk tui adat hukum di Mentri Quốc phòng.

Daok gah tiêu chuẩn pren yava, tok palih ruah dom bhap bani hu pren yava janih 1, 2, 3 tui Thông tư liên tịch 16 di Mentri Y tế - Mentri Quốc phòng harei 30-6-2016. Ngan haong dom jabat, đơn vị saong labik prong, kandauk dalam bol lin; gah Tiêu binh, Nghi lễ; Vệ binh saong Kiểm soát quân sự chuyên nghiệp, peih bruk palih ruah karei tui adat hukum di Mentri Quốc phòng.

Abih di nyu lac, oh iew tame bol lin dom bhap bini hu pren yava janih 3 tật khúc xạ gah meta (cận thị 1,5 diop tagok, viễn thị dom mức độ); nghiện jru phien ma túy, njaom HlV, AIDS.

Ndom ka tiêu chuẩn ilamo, palih ruah saong iew tame bol lin dom bhap bani hu bac da-a meng tal 8 tagok, mek meng glaong trun tal biar.  

Dom xã atah bayah, bhum kan kandah tui adat hukum di karja; bhap bani bangsa takik ala 10.000 menuac ye hu palih ruah oh tapa 25% bhap bani hu bac tamat tiểu học, daok veik lac meng trung học cơ sở tagok.

Yau nan, urang likei dalam umo thun iew tame bol lin, hu ginup dom kadha gah chính trị, pren yava, ilamo saong oh daok dalam dom bruk brei padeih iew atau oh iew tame bol lin  ye njauk nao ngak nghĩa vụ quân sự thun 2023./.

Urang lang: Jasi