Urang F0 hu iek ruak pak di sang ie ruak

Tui paka 24, paka 25 hukum Bảo hiểm xã hội (BHXH) thun 2014, tuk prein yava oh siam, njauk ruak kik, urang ngak hu blei BHXH hu mbang tui sarak  ruak kik  meyah pabak dom bruk yau ini:

- Njauk ruak kik, gaok bala , bo oh lac bala dalam tuk ngak bruk min njauk padeih bruk.

- Hu harak xác nhận di labik iek ruak, taong ruak hu thẩm quyền.

Tui nan, meyah oh patuah njauk njom ruak COVID-19 dalam bhap bini, urang ngak dok blei BHXH lac  F0 iek ruak di sang jeng hu jalan mbang tui sarak ruak kik, meyah hu  harak xác nhận di labik y tế hu thẩm quyền.

Ngan song urang njom COVID-19 lac urang ngak, hu iek ruak di bilai Y tế nao mai (labik taduan urang ruak tame taong ruak) ye y, bác sĩ iek glang, taong ruak tapak  ka urang njom COVID-19 mbaoh tangin tame labik “urang ngak bruk iek ruak, taong ruak”, jabat dang akaok lac Pasak Y tế quận, huyện, ban sit  mbaoh tara tame harak  chứng nhận atau  ủy quyền meng harak văn bản  ka bilai y tế xã, phường, ban sit  mbaoh tangin saong mbaoh tara tame.

Dom bilai  Y tế pabak khaw tin di urang ruak COVID-19 hu barei harak  chứng nhận padeih bruk mbang  BHXH tagok  Cổng thông tin pasang iek  BHYT di jabat  BHXH.

Tuk vak langyah bayar jien dong ka urang ngak rilo di abih lac 6 harei ngak bruk kuhria meng di harei jabat  BHXH taduan ginup harak gar.

Yaom jien dong hu kuria yau ni: Yaom jien hu mbang tui = 75% x jien bilan blei  BHXH di bilan dahlau di tuk padeih /24 harei x dom harei padeih.

Yau nan, meyah ayut lac F0 taong ruak di sang, ye dalam tuk vak padeih iek ruak, hu mbang tui sarak padeih ruak song meda mbang hu  75% jien bilan kayua BHXH bayar. Harak gar piah hu mbang jien, brei ngak tui tacei pato yau nan./.

Urang lang: Hanipha- 15/2