1.Hasa, tanah ngak nông brei pandar tame bruk kein raba brei ka bhap bani rahra di xã, phường, ban yau ye dom sang ilamu, sang pasram pahit rup, sang main brei ka rahra, darak pasar, kut, ghur, sang anit ranam, sang ieik ruak, sang bac, sang yakyum jumpataom, sang danaok UB bhapbini xã dang akaok, eik glang, brei pandar mada oh brei harak marah.

2.Ka dua, taneh Karja nagar jao piah ieik glang, oh brei harak marah, hu ye taneh di dom sang danaok bhap bini rahra, taneh breik khik caga ka dom sang danaok nan; taneh hu ia di dalam kraong dan haong taneh hu mboak ia drei daok pandar; taneh karja nagar mek pan; taneh brei ngak danak dak, taneh brei ngak bruk nagar; taneh ka oh jao, ka oh brei papah di palei; taneh ka oh pandar di pulau; taneh daok jao ka bhap bini khik ieik.

3. Ka klau, taneh pah, papah di urang pandar taneh, jeng oh brei harak marah, langiu di pah, papah taneh di po urang buh padang ngak mbang lagaih haong danak dak daok brei ngak.

4. Ka pak, taneh daok ngak khoán oh hu brei harak marah, langiu taneh ngak hamu apuh, taneh pala glai hu asal di taneh brei jao, jao khoán, khoán abih, taneh pah, taneh nyim nyim di nong, lâm trường dalau di harei 1/2/2015 tui jalan Karja nagar jao taneh oh mek jien pandar taneh.

5. Ka lima, taneh hu harak dui mek di karja nagar oh brei harak marah, langiu di taneh tapa 3 thun kuria meng harei brei adat dui mek taneh min tapi oh ngak tui danak brei.

6. Ka nam, taneh daok mariak gauk, taneh dak yah bak, brei pandar tui janih ngak tui taong hukum nagara tau tui adat brei pandar taneh ngak tui cara capat drah, jeng oh hu brei harak marah.

7. Ka tujuh, jabat hu karja nagar jao taneh oh mek jien pandar taneh piah brei pandar tame bruk di bhap bini rahra oh brei ka blei salih, oh brei harak marah.

Hukum taneh barau jeng brei thau 5 taka kaya gam haong taneh oh brei harak marah.

1. Dalau abih di nyu, ndap nda kaya kan gam haong taneh tui yau 7 janih bau di angaok, oh brei harak marah.

2. Ka dua, sang daok, sang tadai tuan ngak meng gai huei hala gak, meng pon haluk; sang danaok padang oh karo langiu, oh  di sang padang asal, jeng oh brei sang danaok padang oh karo langiu sang padang asal, oh brei harak marah.

3. Ka klau, ndap nda kaya ngui di taneh daok di mbaoh taneh daok lang yah, taneh hu harak dui mek di karja nagar, langiu taneh labaih 3 thun min tapi oh ngak tui danak dak.

4. Ka pak, sang daok, sang danaok padang hadei di masa tuk wak hu adat hukum brei pakauk padang; taneh hua tapa talei taneh jaga kỹ thuật, taneh inem krung jarrah – ilamu hu brei angan; kaya gam haong taneh hadei di danak dak hu brei adat oh njauk tui danak dak.

5. Ka lima, taneh hu kayakan di karja pan, jeng oh brei harak marah, langiu di kaya kan nan ieu lac kaya hu phun di Karja buh tame ka urang ngak mbang blei salih./.