Lai ia danko haong ia pandao piah manyum di dah page saong melam

Piah patrun dom mbang patuk, drei meda ngak dom bruk yau ini:

Tuk ndih drei caik patal glaong akaok jang piah plaih labar pataom mai di tarakaong ngak brei patuk atau trun axit dalam tung pruac nduac cagar tagok phổi, tarakaong ba tal patuk.

Kalung pabah meng ia sara sinh lý 0,9% meng 2 tal 3 mbang yaok harei.

Lai ia danko haong ia pandao piah manyum di dah page saong melam.

Gam tui di nan, drei meda ngak dom janih jru taong patuk biak mbuan ngak, hu ngak meng phun jru yau ye: lai ia tea meng baoh la hán piah manyum; mek baoh lê atau bingu hoa hồng patih haong saradang lakhun; kahaong haong ia danko saong baoh tắc (baoh quất) piah kabum. Atau drei meda mek hala cúc tần, rao hacih, saok klik gam haong hasit sara blaoh halang me kia piah kabum.

Bác sĩ Huỳnh Tấn Vũ daok brei thau lac, dom urang mboh patuk di tuk melam saong dah page meda lac kayua njauk phong hàn. nan ye, urang ruak njauk caik hatai khik ka rup drei plaih njauk laar di labik cada, takoi meng bruk mek siuk pacang takoi tuk ndik, plaih caik jamraik laar. Urang ruak jhui luk manyek ngin tame labik takoi, cada kayua manyek mbuan ngak brei kalik padung saong ngak lahik dom triệu chứng di ruak.

Meyah patuk rilo ngak ka urang ruak mboh glaih glar, mbang oh mboh bingi, lahik ndih njauk daong taong ruak meng dom janih jru patuk hu asal meng phun jru atau jru prang. Min, iek tui patuk yau habar piah hu jalan taong ruak ka nyu lagaih. Mayah urang ruak patuk thu ye manyum dom janih jru piah cakak patuk. Patuk hu labar ye jhui manyum jru patuk, bo brei manyum jru ralai labar atau manyum dom janih jru patuk meng phun jru, hu tinh dầu piah pametai anek ruak di jalan suak yava saong ba labar tathuak tabiak langiu.

Urang ruak jhui eng drei manyum dom janih jru pacang caga dị ứng piah taong ruak patuk. Jru pacang caga dị ứng brei hu bác sĩ kê đơn, pato tacei jalan pandar, saong tui iek dom tác dụng oh caong maong. Kayua yau nan ye, urang ruak jhui manyum dom janih jru ini piah taong ruak patuk di sang.

BS Huỳnh Tấn Vũ jeng kakei lac, mayah mboh patuk rilo jang, patuk hu labar kanjik, labar khal, patuk gam haong pandiak dui atah, chỉ số SPO2 trun mala 95%, urang ruak suak yava samar, kan suak yava, mboh glaih glar ye meda lac ruak pambuak tal phổi. Dom urang ini njauk nao tal labik y te piah iek ruak, plaih caik ka ruak trak jang, jhak tal prein yava./.

Urang lang: Thu Thao – 31/03