Dom harei ini, meng bruk diễn viên Ngọc Lan pandik hatai khan lac njauk urang langyah oh cambaih laih ka bảo hiểm, saai Trần Phi Yến, daok di quận Phú Nhuận TP.HCM meng tatuak drei, ba hợp đồng bảo hiểm nhân thọ di drei tabiak piah duah thau cambaih ka dom quyền lợi, bruk njauk ngak…

Saai Yến blei bảo hiểm nhân thọ di công ty negar langiu daok di Việt Nam hu 5 thun, tapa panuac langyah di urang krein randap haong yaom blei 18 triệu đồng sa thun. Dalam nan, saai hu urang khan lac hu biak rilo quyền lợi, abih di nyu nan lac hu biyar jien veik hadei di tuk anek di saai ginup umo 18 thun, gam haong yaom jien laba samu haong gilang paraik. Saai mboh takre kayua bruk kak jien bảo hiểm gam hu khik caga, gam hu jien laba.

Min, dom bruk sarau kadhau di mangaok mạng xã hội meng blaoh ngak ka saai Yến puac veik harak hợp đồng saong sahaneng tal bruk padeih hợp đồng, suak jien mai:“Hu dom paka dalam hợp đồng vak oh cambaih laih, pagap yau “tui adat di công ty pak di tukvak nan”. Dahlak jeng mboh haduh hatai lac paok jien kak tame hadei di ini suak tabiak hu halei oh, mayah suak tabiak ye lahik hadom jien”.

Daok saai Nguyễn Thị Thủy, daok di ban Thủ Đức, TP.HCM oh caik hatai hagait tal dom urang pablei bảo hiểm nhân thọ hadei di tuk mbaoh tangin tame blei 2 hợp đồng bảo hiểm. Tui saai Thủy, dom urang ngak bruk langyah kayua njauk kateik greik gah doanh số nan ye dom urang ini yaih khan tapa biak rilo jang dom quyền lợi di tuai damuai. Hadei di bruk di drei, saai Nguyễn Thị Thủy kakei rilo menuac pataom jien tame blei Bảo hiểm y tế juai blei bảo hiểm nhân thọ: “rilo ayut saabat di drei jeng sahaneng yau dahlak, mayah dahlak thau yau nan, ye oh blei bảo hiểm nhân thọ. Rilo urang mek jien gilac veik bo mboh biak pandik hatai. Drei mboh aih oh kayua buh tabiak pok jien biak rilo jang dut saong kein laba bo drei taduan hu, ka 2 veik lac bruk sangka di bảo hiểm nhân thọ oh hu, ka 3 lac lahik hatai jia tame dom urang langyah.”

Luật gia Phan Thị Việt Thu – akaok kapul khik caga quyền lợi urang pandar TP.HCM brei thau: amuk gaok biak rilo tuai mai yak bak bo makna lac kayua dahlau daih urang langyah oh ginup, tuai oh thau cambaih dom asal kadha dalam hợp đồng, ba tal lahik quyen loi di urang blei.

Luật gia ini ndom lac, kayua oh njauk lac thei bac jeng thau cambaih chip dom paka dalam hợp đồng bảo hiểm nan ye dom công ty bảo hiểm hu ba tabiak dom paka njauk caik hatai. Urang blei bảo hiểm hadei di tuk mbaoh tangin tame hợp đồng saong kak jien mbang camriep ye dalam 21 harei jeng hu quyen ieu padeih hợp đồng saong ieu biyar veik paok jien hu kak tame (kaoh tabiak jien sahui pasang iek prein yava, meyah hu).

Luật gia Phan Thị Việt Thu kakei lac:“Urang blei bảo hiểm oh iek veik cambaih laih hợp đồng, oh mboh dom paka hu quyen iek gilac veik saong biyar hợp đồng mayah drei oh njauk hatai, meyah dom paka dalam nan, mayah mboh oh hu kein hagait ka drei saong khat lahik quyền lợi di drei. Hợp đồng bảo hiểm bhian hu dom panuac chuyên môn oh njauk lac urang halei jeng thau cambaih abih. Drei meda nyim dom urang thau cambaih dalam gah ini puac, roh duah saong langyah daong ka drei”./.