Tui hukum Căn cước, hu dom menuac njauk salih tapa thẻ căn cước, kuhria meng harei 1.7 tal, lac: thẻ CCCD abih harei pandar, urang Việt Nam umo meng ginup 14 thun tagok ngak thẻ mbang camereip, chứng minh nhân dân (daok harei pandar) hadei di harei 31.12.2024…

Daok dom menuac oh njauk salih chip tapa thẻ căn cước lac dom menuac hu ngak blaoh CCCD saong daok harei pandar. Min tal harei salih thẻ (tui umo thun), dom urang ini brei salih tapa thẻ căn cước, kayua tuk nan mẫu thẻ CCCD oh daok hu ngak tabiak tra.

Sa kadha karei hu rilo menuac caik hatai sangka, nan lac urang Việt Nam umo mangaok 60 thun njauk salih thẻ căn cước halei oh?

Pambuak tal bruk ini, meng hukum CCCD thun 2014 saong hukum Căn cước jeng tacei lac: thẻ CCCD (atau thẻ căn cước) brei salih tuk rahra umo ginup 25 thun, ginup 40 thun saong ginup 60 thun. Yau nan, umo 60 thun lac umo thun puac abih rahra Việt Nam brei salih thẻ căn cước (atau thẻ CCCD). Hadei di mbang salih ini, thẻ hu pandar oh hu tuvak.

Tui nan meda ndom lac, rahra umo mangaok 60 thun hu the CCCD ye oh cang salih tapa thẻ căn cước, langiu di bruk lac thẻ lahik atau khut.

Min tui đại tá Vũ Văn Tấn, Phaok akaok Cục Cảnh sát khik ramik harak gar gah trật tự xã hội (C06 - Bộ Công an), rahra njauk nao pabak dữ liệu sinh trắc học ka ADN, mống mắt saong sap ndom biai tame cơ sở dữ liệu căn cước. Dom kadha ini, abih di nyu lac thông tin ka mống mắt, lac kadha bahrau di hukum Căn cước duk haong hukum CCCD. Bruk pabak ini meda ba mai biak rilo kein lagaih.

Kayua halei urang umo mangaok 60 thun oh cang salih thẻ căn cước?

Dalam tuk padang ngak hukum Căn cước, hu dom panuac lac hukum oh hu labik lac salih thẻ căn cước ka dom urang umo mangaok 60 thun ye bruk salih angan thẻ căn cước oh hu makna ngan saong dom urang ini.

Min UBTVQH brei thau, hadei di tuk hukum Căn cước hu ba tame pandar (meng harei 1.7), thẻ CCCD pagam chip saong thẻ căn cước jeng hu pandar yau gauk, oh hu bruk karei gauk halei.

Daok urang umo mangaok 60 thun,  đặc điểm nhân dạng di urang meda lac hu tani tanta, takik salih karei nan ye oh cang salih thẻ ngan saong dom menuac urang di umo thun ini.

Yaom lac yau nan, hukum jeng tacei lac rahra hu ngak, hu salih tapa thẻ căn cước tuk caong khin. Kayua yau nan ye, dom menuac umo mangaok 60 thun hu thẻ CCCD pagam chip, meyah caong salih tapa thẻ căn cước ye hu ngak tui adat hukum.

Piah ngak harak likau ngak thẻ căn cước, rahra meda nao tal jabat khik ramik căn cước di cong an labik drei daok, atau nao tal jabat khik ramik căn cước di Mintri Công an (ngan saong dom menuac tui quy định).

Jabat khik ramik căn cước di Mintri Công an (Cục Cảnh sát khik ramik harak gar gah trật tự xã hội) lac labik hu quyền ngak bahrau, ngak veik thẻ căn cước. Jabat khi iek căn cước di công an pakat huyện atau pakat cấp tỉnh tok taduan mek harak gar, thông tin blaoh payua tagok jabat khik ramik di Mintri Công an, piah ngak thẻ căn cước./.