Urang ngak hu palagaih dalam bruk ngak harak gar

Di paka 7 Hukum ini tacei tabiak cambaih laih dom kadha njauk pakauk dalam gah urang ngak Việt Nam nao ngak bruk di negar langiu tui harak pambuak bruk yau ini: pakauk oh katung dui, pagul sanya, meyaih khan, brei thau bruk oh njauk atau pandar dom jalan bleik saleik karei piah pachot urang ngak; pambak tame bruk ba urang ngak nao ngak bruk di negar langiu piah peih bruk ba menuac tabiak negar langiu suan adat hukum, pablei salih manuac urang, kateik greik urang ngak atau ngak dom bruk suan adat hukum.

Pakauk bruk daong ka urang ngak atau dang tabiak ngak harak gar piah ka urang ngak nao ngak bruk di negar langiu tuk oh ka hu adat di jabat karja hu thẩm quyền; kateik gheik, katung dui, pachot urang ngak Việt Nam daok veik negar langiu.

Iek praong urang ini, iek lap urang daih, puac preo, ngak melau mbaok meta urang ngak; kateik greik urang ngak Việt Nam nao ngak bruk di negar langiu tui harak pambuak bruk.

Pakauk bruk ba urang ngak Việt Nam nao ngak bruk di negar langiu tui harak pambuak bruk bo oh hu harak adat; pandar harak adat di doanh nghiệp karei atau brei ka urang karei pandar harak adat di doanh nghiệp piah ba urang ngak Việt Nam nao ngak bruk di negar langiu.

Jao bruk ba urang ngak Việt Nam nao ngak bruk di negar langiu tui harak pambuak bruk ka dhar di doanh nghiệp oh njauk adat hukum.

Pakauk pambak tame bruk caga urang ngak, palih ruah urang ngak nao ngak bruk di negar langiu piah mek jien di urang ngak suan adat hukum; mek jien môi giới di urang ngak; mek jien dịch vụ di urang ngak oh njauk adat hukum.

Njauk caik hatai, Hukum ini jeng pakauk nao ngak bruk di negar langiu atau ba urang ngak Việt Nam nao ngak bruk di negar langiu ngan haong dom bruk ngak yau: mát-xa di nhà hàng, khách sạn atau di pasak giải trí; bhian taom gaok haong pandap patuh; pandap jhak ka prein yava dalam bruk luyện quặng kim loại sambo màu; khai thác quặng phóng xạ dom janih; bruk liệm, dar urang metai, am cuh urang metai, kuac rok kabo.

Pakauk nao ngak bruk di negar langiu atau ba urang ngak Việt Nam nao ngak bruk di negar langiu di dom labik yau: daok hu mesruh metak atau daok mbuan si rah tabiak bruk mesruh metak; daok njauk nhiễm xạ; njauk njaom mbak jru mek; daok hu jit ruak mbuan ba tal metai lahik.

Taphia di nan, Hukum jeng pakauk dom bruk yau daok veik negar langiu suan adat hukum hadei di tuk abih tukvak pambuak bruk ngak, pambuak bruk pato bruk ngak; ngak kan kandah tal urang ngak atau doanh nghiệp, kapul nyaom, manuac urang Việt Nam dalam gah urang ngak Việt Nam nao ngak bruk di negar langiu tui harak pambuak bruk./.

Urang lang: Jasi -8/2