Bruk ngak di kol nan, lac sraw matuy dalam ahar keo, ia menyum, pandap pabak ka prein yawa, pakao hala điện tử saong papaok gah langiu biak mekre, mbau pahe mbuan pachreih uranaih. Dom janih matuy nan meda ba tal ao giac, ngak brei handok rup saik, var drei jan…saong dam dara meyah oh thau bo pandar dom janih ini, pandap mbang hu lai sraw nan mbuan ba tal njauk jru mek, gaok mai lac ba tal metai.

Piah plaih njuak urang duah mboh, kol nan bhian pablei salih tapa dom nyaom kandauk, tapa mang xa hoi negar langiu saong pandar dom đơn vị karei piah pajeng ba. Langiu di nan, darak pasar hu dom janih matuy haong angan ieu lac “socola bay”, hu pablei dalam dom kapul nyaom yau: Kapal par chat (labaih 6.000 urang); Socola Monkey Chill - pablei sỉ lẻ dalam negar (labaih 6.000 urang); Socola bay Luxury (hu labaih 1.000 urang). Dom janih dalam “socola bay” lac cần sa tổng hợp.

Tapa duah thau, gah kong an mboh lac kol nan daok blei matuy tapung suan hukum meng negar langiu tame Viet Nam piah ngak, tame paok, ngak jeng matuy asar, parabha sit matuy piah mbuan pandauk tame dom janih pandap panda saong pah sang, chung cư piah ramik pasiam, ngak jeng labik pandauk, pablei blei, pandar matuy suan hukum…

Kong an kakei bhap bini, abih di nyu nan lac dam dara urang ranaih brei caik hatai, piah thau dom bruk lac urang hu pandar matuy, tui iek dom khaw tin ka kanjak jhak di matuy, abih di nyu lac dom janih matuy birau…

Dom amaik ame brei sangka, pato pakai, kaei anek bik juai khik piah, pandar pakao hla điện tử, dom pandap chức năng, jru kinh thich akaok oh thau meng halei mai.  

Quy I/2024, gah Kong an duah mboh, langyah 813 bruk, ngan haong 2.000 urang ngak suan hukum gah matuy. Jabat pasang iek chap mek labaih 15 kg haroin, labaih 64 kilo cân sa saong jiak 249 kilo matuy karei yaok janih…

Jabat Y tế hu panuac kakei, ADB-Butinaca saong dom janih hu dalam “Socola bay” dalam dom janih cần sa tong hop saong lac asar matuy, nyu ngak brei ảo giác, kinh thich than kinh yau jru THC hu dalam cần sa.

Urak ini, nyaom cần sa tổng hợp hu dalam yaok ratuh  janih karei di gauk saong ADB- Butinaca lac sa dalam dom janih yau nan. Dom janih nan njuak pakauk di jaik abih dom taneh ia di dunya.

Tui dom bac si, urang pandar janih ini nyu ngak brei ảo giác khang;  biak jhak ka prein yava, oh daok thau hagait, oh thau lac drei ngak hagait, meng nan ba tal dom bruk oh daok pasang iek hu, oh daok lac manuac urang, ngak suan hukum, ngak sraw kadauk puk palei./.