Bahrau blaoh ini hu sa ong angan Tô Văn Công, daok di phuong Lê Lợi, ban Hưng Yên mek hu phone di sa urang mek angan drei ieu lac sa urang Kong an khin da-a ong mai tal labih dhua di kong an phuong piah pabak dom khau tin panuac kadha di dalam harak panjauk angan dinh danh online. Hadei di dom tuk wak nyu ieu, ong daok mek hu phone di sa urang kamei jeng mek angan Kong an ieu ong peih app mayit công jaka nagar piah taeng drei taong dom khau tin di drei tame. Ong Tô Văn Công brei thau, kayua hu caga dahlau, ong oh ngak tui dom kon bleih nan.

“Oh thau yau habar bo urang ieu phone ka hulin dahlak meng tuk 1h15 blaoh tal tuk 1h30 nyu ieu phone ka diuk dahlak jeng ndom mayai yau gauk. Jeng lac tai khoan VneID oh ka tagok hu pakat 2 kayua daok Kanda kandah.”

Oh lac thei thei jeng hu thau caga dalau yau ye ong Công. Hu sa urang kamei lakau padauk angan, lac gait hu taduan mek phone di sa urang mek angan brei lac urang kong an ieu mai pandar peih app VneID pakat 2 angaok he thong di sa-ai nyu oh njauk. Kon nyu ieu pandar sa-ai peih veik gac, meyah abih harei pandar bih tuk wak njauk cap taong phạt gah harak gar hanh chinh. Blaoh tantu gait ngak tui taka patacei tui zalo.

“Hadei di tuk cuak gauk tame zalo, urang nan pato patacei ngak dom bruk dan haong peih app VNeID l. Hadei di tuk ngak salah blaoh nyu ieu bayar jien 12 ribau dong. Hadei dom vak patui nan adei thau lac drei lahik abih jien paje.”

Kayua thau mbiah mikwa drei oh thau cambac tantu tani tanat dom khau tin pambuak tal bruk peih app VneID, oh cambac lac tantu kadha janih peih tai khoan paangan dalam online di dom manuac urang, kon bleih, kon pachot pacuh mbuan si mayai ndom lau dalam phone, blaoh payua jalan link tapa Zalo, Facebook… pacuh pachriot peih VneID ja (brei mbaok meta cambac lac dreih yau urang daok pandar VneID biak). Piah tui di nan, thau cambac jalan pandar angan banking jeng ye bruk pandar bayar jien di phone urang gaok chot pagat piah blah mek jien. Thượng tá Bùi Huy Nguyên, Akaok Kong an ban Hưng Yên, tinh Hưng Yên brei thau, jabat kong an ngak sa janih peih paangan dinh danh online tapak brei ka rahra sahaja, kong an oh pato tacei peih app tapa ieu phone.

“Urang pandar internet Banking brei njauk caik hatai brei paglaong bruk pacaga. Juai taeng drei peih tame jalan link online halei hu payua mai. Juai taong OTP tame link kayua urang drei oh thau cambac mai meng halei jeng ye majit mayai nao mai haong bruk bayar jien online. Bien halei mboh mboh dom bruk bayar jien chot pagat njauk capat brei khan tal jabat kong an piah pasang iek, duah mek kon nan.”

Tui Pasak Angan negar ka gah rah ra, Kuk Kong an gak kik caga karo siam dalam bhap bini rahra, Mentri Kong an, langiu di pandar VneID, kon bleih salih daoh hu ralo janih blaih sareih karei karei, bleih mek angan dom website mayit jaka negar piah pacuh pachot urang piah blah mek jien padai. Urak ini, Bahmbang mayit jaka online negar hu pabak hasa tapa tui angan bhum https://dichvucong.gov.vn/. Dom yit online jaka karei pabak tapa angan bhum hu iku “.gov.vn”. Pabah mbang mayit jaka negar urak ini oh ka patagok app ka phone. Kayua yau nan ye, dom kon mbon urang pachot pagat pato tacei peih mayit jaka negar di dalam phone taong abih tih di nyu ieu lac pachot lau lau./.