Ngak iek bruk iek ruak Bảo hiểm y tế meng căn cước công dân pagam chip

Tukvak tapa, Bảo hiểm xã hội Việt Nam hu pambuak bruk haong Mintri Công an ba tame dữ liệu negar ka bảo hiểm haong dữ liệu negar ka menuac sia, padang dom jalan kỹ thuật piah duah thau ka bảo hiểm y tế tapa thẻ căn cước công dân hu pagam chip. Rilo rahra hu pataom mek thông tin ka bảo hiểm y tế dalam dữ liệu căn cước công dân.

Tui nan, Mintri Y tế hu panuac ieu dom gah kuhria caga jalan ngak saong jien padai prein yava piah taduan raok, peih bruk iek ruak ka urang ruak hu căn cước công dân hu pagam chip pambuak haong mã thẻ bảo hiểm y tế atau tapa ứng dụng VNEID.

Mintri Y tế tacei pato dom labik iek ruak khan brei ka urang ruak thau cambaih bruk iek ruak, taong ruak bảo hiểm xã hội meng căn cước công dân hu pagam chip atau tapa VNEID, pandar ka rahra hu tut angan blaoh tài khoản định danh điện tử kayua Mintri Công an pabak brei.

Meyah pasang iek căn cước công dân (quét mã QR) atau tapa ứng dụng VNEID mboh njauk bruk blei bảo hiểm xã hội, labik iek ruak pasang iek, mboh njauk menuac, njauk urang, brei taduan raok urang ruak njauk tui adat daok hu pandar urak ini.

Gam haong nan, khan brei ka urang ruak thau lac meng mbang hadei, meda padar căn cước công dân pagam chip salih ka thẻ bảo hiểm xã hội atau meng ứng dụng VNEID.

Meyah tuk pasang iek căn cước công dân pagam chip min mboh oh njauk ka bruk blei bảo hiểm xã hội, urang jakar langyah brei thau lac thẻ bảo hiểm xã hội oh ka peih ngak hu angaok căn cước công dân. Hadei di nan, brei taduan raok, iek ruak meng thẻ bảo hiểm y tế haong harak gar pambuak tal urang nan.

Daok meyah urang ruak oh ka hu căn cước công dân hu pagam chip, dom labik iek ruak jeng brei taduan raok urang ruak tui njauk bruk iek ruak bảo hiểm y tế yau adat daok hu pandar urak ini./.

Urang lang: Mousa Phương – 08/03