Angaok drak pasa hu rilo kit test mik va brei sangka tuk blei 

Kit test samar COVID-19 lac pandap y tế njauk brei thau cambaih yaom, tauk harak brei thau yaom song oh hu pablei salih glong jang yaom hu ba tabiak angaok Cổng thông tin điện tử di mintri  Y tế di tuk pablei salih. Bruk kapul nyaom, menuac urang eng jhul yaom kit test samar glong jang yaom brei thau atau oh brei thau cambaih yaom, piah duah laba mangaok pandik harao, huac kanda ka ruak kik di urang blei lac bruk duhsa saong njauk duas.

Bruk ngak nan, iek tui bruk ngak suan meda njauk tong phạt hành chính tui paka 78a Sarak ka  124/2021/NĐ-CP (pasiam, pabak sarak  ka  117/2020/NĐ-CP ka bruk tong phạt vi phạm hành chính dalam gah y tế) saong yaom tong phạt meng  15 - 20 triệu đồng.

Tui nan, khoản 3 Paka 196 BLHS ka duas “padauh pandap piah tagok yaom” hu tanut tong phạt glong di abih tal  15 thun guk. Langiu di nan, urang ngak suan dok meda njauk phạt jien meng  20 triệu tal  200 triệu đồng, brei padeih pan bruk, oh brei ngak bruk  meng  1 thun tal  5 thun.

Tui  khoản 2, Paka  2 sarak ka 98/2021/NĐ-CP harei 8/11/2021 hu batabiak pandar meng harei  1/1/2022, kit test samar COVID-19 lac dok dalam janih pandap  chẩn đoán. Ngan song pháp nhân thương mại ngak suan adat hukum njauk phạt jien glong di abih  tal  9 tỷ đồng. Langiu di nan, pháp nhân thương mại ngak suan adat hukum dok njauk phạt jien  meng 100 triệu đồng tal  300 triệu đồng; oh brei pablei salih, oh brei ngak dom bruk atau oh brei ieu pataom phun jien  meng  1 thun tal 3 thun.

Urak ni, kit test samar  COVID-19 oh dok dalam angan jru taong ruak pandar di labik iek ruak, tong ruak. Nan ye, kit test samar oh daok dalam angan pandap panda, pablei salih tani tanat yaom tui  Paka 15 - Hukum yaom kaom 2012. Kayua yau nan ye, bruk khik ramik yaom  kit test samar hu khik ramik tui jalan: “Khik ramik yaom pandap y tế tui bruk drak pasa, iek prong quyền eng drei tabiak yaom, meriak gauk gah yaom kaom di kapul nyaom , menuac urang pablei salih pandap y tế tui adat hukum” min, jeng brei “tantu cambaih laih yaom pandap  y tế tuk pablei tabiak di drak pasa” song “Khik caga quyền, kein laba njauk adat hukum di kapul nyaom, menuac pablei salih, urang pandar song kein laba di karja ” (Paka 43- Sarak ka 98/2021/NĐ-CP)./.

Urang lang: Hanipha- 15/3