Taneh oh ka hu sổ hồng min tamuh tabiak bruk meriak gauk mboh hu rilo kayua blei salih meng harak tangin, oh njauk adat hukum. Dalam bruk ini, rilo rahra oh thau taih pabah mbang jabat halei piah hu langyah bruk meriak gauk.

Urak ini, Hukum Taneh riya thun 2013 tabiak adat lac tuk hu bruk meriak gauk, dom gah meda likau UBND pakat xã labik hu taneh peih bruk langyah.

Meyah langyah oh jeng di UBND pakat xã ye urang oh hu sổ hồng atau oh hu sa dalam dom janih harak gar tui Paka 100 di Hukum Taneh riya (Harak gar ka quyền pandar taneh) ye tok hu pilih ruah 1 dalam 2 jalan langyah bruk meriak gauk taneh riya:

+ Nộp đơn likau langyah bruk meriak gauk di UB bhap bini pakat hu thẩm quyền tui quy định di khoản 3 Paka ini.

+ Pathau tabiak toà.

Meyah bhap bini pilih ruah jalan nộp đơn di UBND ye meyah bruk meriak gauk di sang ini haong sang daih, di urang ini haong urang daih, di menuac sia dalam puk palei haong gauk, Chủ tịch UBND pakat huyện langyah, meyah oh njauk hatai haong bruk langyah ye hu quyền khiếu nại tal Chủ tịch UBND pakat tỉnh atau pathau tabiak toà án. Meyah meriak gauk bo sa gah lac tổ chức, cơ sở tôn giáo, urang Việt Nam daok di taneh ia langiu, doanh nghiệp hu phun jien buh tame meng negar langiu ye payua đơn tal Chủ tịch UBND pakat tỉnh langyah, meyah oh njauk hatai haong bruk langyah ye hu quyền khiếu nại tal Akaok Mintri Tài nguyên saong Môi trường atau pathau tabiak Tòa án.

Langiu di nan, meyah urang caong khin pathau tabiak toà án ye meda nộp đơn pathau di UBND pakat huyện labik hu taneh.

Min njauk caik hatai thau lac, dalam bruk meriak gauk urang halei lac menuac hu quyền pandar taneh bo oh ka hu langyah di UB bhap bini pakat xã ye lac oh ka hu ginup paka khởi kiện. Nan ye, bruk thau cambaih mblang taneh nan lac di urang halei ye brei hu tapa langyah dahlau di tuk pathau./.