Tui Hukum ka 13/2022 Quốc hội mbang 15 ka pacang caga taong paoh, ngak pap dalam sang hu dom bruk yau ini:

Ngak pap, taong paoh, ngak brei huac atau ngak jhak tal prein yava, meda ba tal metai lahik

Puac, pareo atau ngak melau mbaok meta, angan je di urang karei;

Kateik greik urang maong iek bruk taong paoh, ngak pap anek menuac, athur raong piah ngak brei urang mboh huac.

Klaak, oh caik hatai tal, oh raong, oh iek glang urang dalam sang lac uranaih, urang kumei metian, urang kumei daok raong anek sit mala 36 bilan, urang taha, praong thun, urang jaoh jo, urang oh daok prein iek glang rup drei eng, oh pato pakai menuac dalam sang di drei lac uranaih.

Pacang menuac dalam sang taom gaok gauk gar, but pajaih atau hu dom bruk ngak karei piah pacang oh brei taom gaok menuac sia, bhian kateik greik ngak brei mboh huac.

Pacang cakak oh brei taom gaok ong, muk haong taco, amaik ame saong anek, diuk haong pasang, adei sa-ai haong gauk;

Ba tabiak brei thau ka raidiuk, ka bruk kandauk – dalam di urang dalam sang piah ngak pamelau mbaok meta, angan je.

Kateik greik mbang ndih haong drei oh tui hatai khin di diuk atau pasang. Dalam nan hu kateik greik ngak bruk khiêu dâm; kateik greik pang sap, maong iek thaot binguk, puac asal kadha khiêu dâm, pachreih bruk taong paoh, ngak pap.

Kateik greik tok diuk tok pasang tuk daok sit, ngak lakhah, luai klaak gauk atau pacang bruk lakhah, pacang urang luai gauk tui hukum.

Kateik greik urang metian anek, klaak anek, pilih anek kamar dalam tian lac likei atau kumei;

Meblah mek, palai pajoa drap ar haong gauk di sang atau drap ar di urang karei dalam sang.

Kateik greik urang dalam sang bac ta-a, ngak bruk tapa prein, rik jien padai tapa prein di urang; pasang iek drap ar, jien mek tame di urang dalam sang piah ngak brei urang pagam pambak tame gah pandap panda, hatai sahneng atau dom gah karei.

Pacang cakak, kreik urang dalam sang.

Kateik greik urang dalam sang tabiak truh labik daok njauk adat hukum.

 Dom bruk tacei tabiak angaok nan hu peih ngak di urang klaak gauk, urang daok haong gauk yau diuk pasang, urang lac ame, amaik, anek, adei sa-ai di urang luai klaak gauk, di urang daok haong gauk yau diuk pasang; urang dahlau daih lac amaik ame raong saong anek raong haong gauk jeng hu maong lac bruk taong paoh, ngak pap tui adat di Rajaei./.