Urang ngak taduan hu jien dong pah sang dok 

Dalam nan, hu 2 kapul urang hu mbang tui sarak daong jien pah sang nan lac urang ngak daok ngak bruk di dom labik ngak kong, khu chế xuất saong khu kinh tế praong di 24 tỉnh, ban nan lac Hà Nội, Hải Phòng, Quảng Ninh, Hải Dương, Hưng Yên, Vĩnh Phúc, Bắc Ninh, Thừa Thiên Huế, Đà Nẵng, Quảng Nam, Quảng Ngãi, Bình Định, TP.HCM, Bình Phước, Tây Ninh, Bình Dương, Đồng Nai, Bà Rịa - Vũng Tàu, Long An, Tiền Giang, Cần Thơ, Cà Mau, An Giang saong Kiên Giang.

Dalam sarak ni brei daong ka 2 nyaom urang ngak.

Ka sa lac daong ka urang ngak daok ngak bruk saong daok pah sang daok dalam tukvak meng harei 1/2/2022 tal harei 30/6/2022; hu harak pambuak bruk ngak oh hu tukvak atau harak pambuak bruk ngak hu tukvak meng 1 bilan tagok saong meda hu peih ngak dahlau di harei 1/4/2022; daok hu blei bảo hiểm xã hội (hu angan dalam harak angan blei bảo hiểm xã hội bắt buộc di jabat bảo hiểm xã hội) di bilan dahlau di tuk vak doanh nghiệp padang angan urang ngak piah likau daong jien pah sang.

Meyah urang ngak oh njauk lac menuac blei bảo hiểm xã hội bắt buộc ye njauk hu angan dalam harak angan ba-yar jien bilan di doanh nghiệp di bilan dahlau di tuk doanh nghiệp padang angan urang ngak likau daong jien pah sang. Yaom jien daong yaok urang ngak lac 500.000 đồng/bilan, rilo abih lac 3 bilan saong hu ba-yar tui yaok bilan atau pataom mek sa mbang 2 bilan, 3 bilan.

Ka dua lac daong jien pah sang ka urang ngak mai veik ngak bruk. Piah hu mbang tui sarak ini, urang ngak njauk pabak dom kadha yau ini: daok pah sang dalam tukvak meng harei 1/4/2022 tal harei 30/6/2022; hu harak pambuak bruk ngak oh thau tukvak atau hu harak pambuak bruk ngak meng 1 bilan tagok, hu peih ngak dalam tuk vak meng harei 1/4/2022 tal harei 30/6/2022; daok hu blei bảo hiểm xã hội bắt buộc (hu angan dalam haraki angan blei bảo hiểm xã hội bắt buộc di jabat bảo hiểm xã hội) di bilan dahlau di tuk urang pandar urang ngak padang angan urang ngak likau daong jien pah sang.  Yaom jien daong ka yaok urang ngak nan  1.000.000 đồng/bilan, daong rilo di abih lac 3 bilan.

Yau nan, urang ngak mai veik ngak bruk njauk pabak ginup dom kadha hu ndom di angaok nan meda hu daong rilo abih tal 3 triệu đồng./.

Urang lang: Jasi -5/4