Anek saih daok bac

Hukum Pato megru thun 2019 hu 9 chương, 115 paka, salih ka Hukum pato megru thun 2005 saong Hukum pasiam veik, pabak dom paka di Hukum Pato megru thun 2009. Dut haong Hukum pato megru urak ini, Hukum pato megru 2019 hu rilo kadha bahrau. Sa dalam dom kadha bahrau nan lac dalam paka 99 ka jien bac, jien buh tabiak brei ka bruk pato megru, Hukum tacei lac: 

- Pato megru tiểu học lac bruk mek ngak, Karja peih bruk phổ cập pato megru mầm non ka urannaih umo 5 thun saong phổ cập pato megru trung học cơ sở. Karja dang tabiak peih bruk pato dalam negar, ba tabiak jalan ngak, khik kajap dom jalan ngak piah peih bruk phổ cập pato megru.

- Anek saih tiểu học bac dalam dom labik công lập oh daok đóng jien bac. Di labik oh ginup sang bac công lập, anek saih tiểu học bac dalam dom labik tư thục hu karja daong brei jien bac, yaom jien daong kayua Hội đồng bhap bani pakat tỉnh ba tabiak.

- Uranaih mầm non umo 05 thun daok di palei, xã biak kan kandah, bhum urang bangsa takik, bhum atah bayah, bhum tapen tasik, pulao kaoh oh mek jien bac.

Langiu di nan, labik pato dân lập, tư thục hu quyền ba tabiak yaom jien bac saong dom dịch vụ karei piah pabak jien buh tabiak saong hu patak pataom siam lagjhaih. Brei thau cambaih laih yaom jien di dịch vụ pato pakai saong saong yaom jien mek tame tui sanya dalam danak dak padang sang bac, brei thau cambaih ka yaok khóa bac, pakat bac, thun bac tui njauk adat hukum di karja.

Hukum pato megru 2019 daok hu tacei tabiak jalan ngak ka bruk oh mek jein bac ka dom anek saih karei. Tui nan, uranaih mầm non 05 thun oh lac oh daok dalam bruk di angaok nan saong anek saih trung học cơ sở hu : oh mek jien bac tui jalan ngak kayua Raja-ei ba tabiak./.

Urang lang: Jasi-7/7