Mengkan mai, padai Cu Prêng, daok ieu lac padai apuh, lac janih phun kak kajap saong raidiuk di urang Pa Kô - Vân Kiều di huyện bhum ceik Hướng Hóa, tỉnh Quảng Trị. Dalam rilo thun tapa, bhapbini bangsa takik libik ini kham merat khik pajaih padai quý ini. Dalam kadha “ dom bangsa adei saai” harei ini, daa mikva saong grauk yut pang kadha vak di Hoàng Hùng- urang pambuak bruk haong rayo sap ndom VN ndom ka phun padai apuh mengkan dalam raidiuk di bhapbini Pa Kô – Vân Kiều:

-Jaik 10 thun ini mai, lingiu di pala dom janih phun barau brei năng suat glaong, sang amuk Kăn Bên, daok di palei A Sói, xã A Túc, huyện Hướng Hóa, tuk halei jeng caik 1-2 mẫu taneh piah ngak padai apuh. Amuk Kăn Bên brei thau, pajaih padai ini năng suất oh glaong, min biak mbuan si pala saong lac phun lương thực livik rai di yaok sang:

-"Yaom lac taneh pala darak oh daok rilo, min ini lac pajaih padai mengkan di muk kei caik veik. Yau nan ye, yaom lac oh hu taneh min yaok thun jeng njauk pala, kayua ini lac pajaih padai quý piah ngak pandap alin, piah paling yang dalam tuk lễ tết di bangsa drei".

-Padai apuh tamuh hu dalam lingik pandiak, dahlau diah urang bhapbini bhian pala di takai ceik, tukvak cakrok jaik 8 bilan. Padai yuak bloh hu pandar piah ngak alak, tahanek ndiuk ieu yang ndua dhar phuan dom po yang. Urak ini meng taneh pala jaik 500ha, pajaih padai apuh ini daok hu takre di darak pasal, hu jeng đặc sản.

-Ông Hồ Quốc Trung, Phó trưởng phòng ngak nong saong patagok palei pala huyện Hướng Hóa, brei thau: "padai apuh tui thun bilan taneh pala takik nao kayua takik hu cuh glai ngak apuh. Min, kol dahlak jeng kham merat khik nguồn gen jeng ye lai tạo pajaih saong patagok năng suất; pathau khan bhapbini khik pajaih padai ini".

Tapa dom rai khik ramik, pajaih padai apuh di urang Pa Kô – Vân Kiều di huyen Hướng Hóa hu rilo siam mekre jang bo dom janih padai cao sản kan si hu yau nan./.