Bruk jak ba pilih ruah hu peih ngak dân chủ, cambaih laih, samu gauk, njauk hukum

Paka 63, hukum pilih ruah urang ka QH, urang ka HĐ bhap bini hu tacei bruk jak ba pilih ruah yau ini:

1. Bruk jak ba pilih ruah hu peih ngak dân chủ, cambaih laih, samu gauk, njauk hukum, khik hu sron mbon, salamat xã hội.

2. Urang ứng cử  QH, ứng cử HĐ bhap bini di labik halei, peih bruk jak ba pilih ruah di labik nan.

3. Dom kapul iek bruk pilih ruah saong urang dalam kapul ni oh brei jak ba ka urang ứng cử.

Daok tukvak peih bruk jak ba urang pilih ruah, paka 64 di hukum ni tacei lac: tukvak jak ba pilih ruah hu peih tabiak meng harei brei thau angan di dom urang ứng cử saong tamat dahlau tukvak buh phiếu 24 maong.

Bruk jak ba urang pilih ruah di urang ứng cử hu peih ngak tui dom jalan yau  ni:

1. Taom gaok, ndom biai nao mai haong cử tri di nyaom biai taom gaok cử tri di labik drei ứng cử tui paka 66 di hukum ni;

2. Tapa dom jalan thông tin đại chúng hu tacei tabiak dalam paka 67 di hukum ni.

Dalam Paka 68, hukum pilih ruah urang ka QH, urang ka HĐ bhap bini hu tacei tabiak dom bruk njauk pakauk dalam jak ba pilih ruah.

Tui nan, dom bruk: pagam pambak tame jak ba pilih ruah piah pathau khan suan haong Hukum negar saong adat hukum, atau ngak jhak tal mbaok meta,  angan je, quyền, kein laba njauk adat hukum di kapul nyaom, menuac urang karei; pagam pambak tame bruk ngak, quyền hạn piah pandar dom jalan pathau khan dalam jak ba pilih ruah, pagam pabak tame jak ba pilih ruah piah jak ba urang daong, rik pataom di dalam taneh ia saong negar langiu brei kapul nyaom di drei, brei ka rup di drei.

Bruk pandar atau sanya alin, hadiah, brei, daong jien, drap ar atau pandap panda piah katung dui, blei hatai cử tri jeng lac bruk njauk pakauk dalam jak ba pilih ruah../ 

Urang lang: Thu Thảo – 18/05