Pathau mikva saong taong abih gauk! Dalam van lisei, alak di bhap bani Thái Tây Bắc, hu sa adat bo mikva daok khik meng rai ini tal rai diah, nan lac bruk tuh nao dom kanjaoh alak akaok meti dahlau di tuk menyum, tuh 2 panjen alak caik padang angaok talam salao lisei tuk payak tuai. Saong adat ini hu jeng kadha ilamo tâm linh biak karei di bhap bani.

Urang Thái saneng lac, manuac daok diuk tuk halei jeng hu suan yava di urang metai. Dom gauk gar metai bloh hu nao gam, sraong daong ka drei yaok tuk, yaok labik, abih di nyu nan lac tuk nao atah sang, nao rivang adei sa-ai, gauk gar, ayut sahabat, jeng yau dalam dom ndam likhah caga, metai lihik… Kayua yau nan ye, meng urang taha tal uranaih, likei kumei dahlau di tuk mbang menyum, dom urang nan oh van tuh dom kanjoh alak di panjin, ly akaok meti (sap Thái iew lac xia hính, xia háng) ngan haong hatai saneng tuk halei jeng kanar hadar tal urang metai nao daok pak labik halei nan vin taom dhar drei. Tuk hu mbang menyum jeng oh khin pandar dahlau, bo daa dom urang nan mbang menyum dahlau, piah ka dom urang nan sraong daong ka drei, hadei di nan manuac urang meng mbang menyum tadhau ayuh gauk. 

  Ong Tòng Văn Xôm, daok di palei Mòng, xã Hua La, bal sit Sơn La, sa urang thau cambaih laih ka adat ini brei thau: Tui hatai saneng di urang Thái, tuk halei, pak halei jeng hu suan yava di urang metai nao tui drei, tuk drei mbang menyum ye dom urang nan jeng ndok mbang menyum, meyah drei oh ngak yau nan, dom urang nan oh mbang hu. Dahlau di tuk mbang menyum ye njauk tuh alak trun sàn sang piah ka suan yava di dom urang metai nao daok nao tui drei menyum dahlau. Ngak yau nan, dom urang nan mbang blaoh, ye dom urang nan tuk halei jeng daong ka drei, ngak hagait jeng mbuan laghaih, gaok ralo patuah jamo”.

  Oh lac tok tuh dua klau kanjoh alak akaok meti dahlau di tuk mbang menyum, ralo urang daok mek hasit lisei, sa klaih ralaow saong sa panjin alak dalam salao, parah tuh tabiak langiu sang ka urang matai mbang dahlau. Dom urang ngak adat ini bhian lac hu ame atau amaik, diuk atau pasang metai blaoh. Daok tuk tagok hamu apuh, tame glai kaoh phun, yaom lac oh hu alak, min tuk mbang huak ye manuac sia bhian mek hasit lisei, klaih ralaow parah tabiak langiu, piah daa dom po yang mbang dahlau, ngak yau nan dalam hatai drei mboh chreih bui jang, ngan haong hatai caong khin yang kraong yang ceik daong ka drei, ngak bruk hagait jeng siam laghaih, plaih hu kadha kanjah jhak, gaok ralo patuah jamo. Ini lac sa dalam dom adat tui hatai di yaok urang biak mbuan mbiah, oh khat lahik ralo, oh thei pandar mek ngak, bo jeng oh hu thưởng, phạt, bo hu makna biak nhân văn hu khik ramik meng rai ini tapa rai diah.

  Sa-ai Quàng Văn Hưng, daok di bản Hìn, phường Chiềng An, bal Sơn La, tỉnh Sơn La lac: “Yaom lac rai ranaih yau khaol dahlak, min yaok mbang hu menyum alak, ye dahlak jeng kanar tuh trun dom kanjaoh alak akaok meti tui adat cambat di bangsa drei, bo oh hu thei pandar drei ngak. Drei ngak yau nan mboh dalam hatai drei nyu  hu chreih bui jang”.    

Abih di nyu nan lac, dalam talam salao lisei daa tuai di urang Thái, atau tuk pak sang hu gah ngoại (lac gah hadiuk)  mai mbang huak gam haong sang drei, ye tuk halei po sang jeng hu 2 panjin alak caik taphia gauk angaok talam salao lisei, brei mboh bruk pachreih tuai damuai, iek prong sang gah ngoại. 2 panjin alak ini tok ba caik dalam salao lisei, bo oh brei ka thei menyum. Tok cang tal tuk padeih bruk mbang menyum, tuai likau drei nao sang, ye dua panjin alak nan meng hu po sang pok tagok daa tuai quý menyum.

Tuk nan, urang hu daa meda menyum abih, atau tuh rabha ka manuac urang hu mbaok pak nan gam menyum, mong nan yau panjin alak patuah jamo klah rabha ka manuac urang gam menyum. Ong Tòng Văn Xôm, daok di palei Mòng, xã Hua La, bal Sơn La, tỉnh Sơn La brei thau: “Tuk tuai quý mai tal sang, abih di nyu lac urang tuai nan lac gah ngoại (gah hadiuk), meng adei hadiuk tal ame hadiuk jeng njauk hu dua panjin alak ba caik akaok talam salao lisei. Bo dua panjin alak ini, dahlau di tuk menyum alak ye kalaok alak drei khin menyum hlin akaok mereip tame dua panjin nan, oh ka thei menyum, piah iek prong urang tuai nan lavik thun, lavik harei, atau tuai quý mai rivang gauk, tuk tuai mai rivang jeng hu suan yava di po sang nan mai gam, piah ka suan yava jeng hu daok saong hu menyum 2 panjin alak thờ di kieng bàn nan ” .

Adat tuh dom kanjoh alak akaok meti dahlau di tuk mbang menyum, atau adat tuh 2 panjin alak dalam talam salao lisei tuk payak tuai jeng daok hu mikva urang Thái khik ramik tal harei ini. Nyu hu jeng ruk ilamu gheih mekre dalam hatai sahneng di bhap bani./.