Luac dom harei rah tabiak bruk pataom tapuk ban Cần Thơ  mbang ka 2 di puac bilan 3 meng bloh, di mblang bein Lưu Hữu Phước, quận Ninh Kiều, labik khik radeih lac sa jalan di dom jalan vil val mblang bein, mblang sang ilamu uranaih song gah likuk mblang bein tuk halei jeng hu rilo menuac, song quá tải di tuk beir harei, melam song harei padeih. Tuai damuia mai rivang iek, me-in sambai, blei pandap biak rilo. Ong Đỗ Hoàng Trung – Giám đốc Sở Thông tin – Truyền thông ban sit Cần Thơ, Phó mBan padang ngak Harei pataom tapuk brei thau : bruk pathau khan, jak ba bhap bini hu mbaok tame harei pataom tapuk hu kuhria caga siam, harei pataom tapuk jeng hu pambak tabiak dom tỉnh, ban dok jiak tapen yau Cà Mau, Vĩnh Long…song dui pachreih hu 7 đơn vị xuất bản langiu negar yau Oxford, Efuture, Pearson, Cambridge, Macmillan…:

Ngan song dom labik ngoại ô, khol hulin tapa rayo papar sap,  harak mbao pambuak song Sở pato megru, kapul dam dara peih rilo bruk pathau khan, jak ba tal cơ sở ka mik va, abih di nyu nan lac anek saih, sinh viên, uranaih thau piah nao riavng iek song blei tapuk . Tong yaom ka bruk ảnh hưởng ye dom hu dom labik hu urang caik hatai sangka, cang maong, dom tỉnh urang jeng sangka.

Hu mbaok di Harei pataom tapuk Cần Thơ mbang ka II – 2017, rilo menuac samar duah hu dom ấn phẩm drei takre, dom tapuk roh duah quí song yaom trun meng 40 atau 50%,  rilo gian hàng hu labaih 30 tal 50% dom tapuk bahrau xuất bản...Abih di nyu nan lac, rilo boh sang mong ini lac jalan piah ba gauk ngak iek dom kadha me-in sambai song anek yau vẻ tranh,  tô màu, nặn tượng tui nhân vật tapuk, vak hatai sahneng ka 1 baoh tapuk atau pang, iek dom danak dak doh tamia biak gheih. Rilo nyaom ayhut jak gauk nao blei tapuk song klah rabha hatai sahaneng ka tapuk .

Tapuk adei takre lac janih chuyên môn di gah  adei dok bac atau lac tapuk ka kỹ năng sống. Puac tapuk ka kỹ năng sống dong ka drei tom gaok menuac urang  thoải mái, tự tin jang. Kayua yau nan ye, dahlau di abih rup drei, boh sang, adei saai brei paglong ilamu ka dom adie sit njauk puac tapuk biak kein lagaih ka harei dei ni. Di labik ni, adei mboh trun yaom rilo, adei palih tapuk halei biak gheih ka adei.

Bruk hagaih jeng  njauk bac megru, bo ilamu camereip lac  tapa harak tapuk, hulin sahaneng lac tong abih amaik ame drei diuk suai damuai veik, min anek drei hu sangka rilo jang, thau rilo janih, rilo ilamu jang song rilo bui sambai jang. Nan lac bruk haniem phol bo drei brei kham merat dalam rai duik ni, oh lac hu rilo jien, kayua tuk metai bloh oh thei ba tui hu , min tuk dok duik drei dok habar ka nyu hu makna.

Gah xuất bản song pablei salih tapuk ndom lac:  bruk peih Harei pataom tapuk Cần Thơ  định kỳ hu dong ngak brei patagok hatai sangka tal bruk puac tapuk dalam dam dara song pachreih ba anek kamuan puac tapuk di dom amaik ame dalam bhum. Lambaok rilo đơn vị hu mbaok di Harei pataom tapuk Cần Thơ mbang ka 2 brei thau: Ni lac tuk brei mboh thị phần, angan je song rik dong ka bruk puac tapuk, pablei salih tapuk. Kayua yau nan ye, urang ba tal ni dom danak dak dong  siam di abih ka urang blei tapuk, jang yau peih rilo bruk karei piah dui pachreih bruk sangka di urang puac tapuk .

2 thun sa mbang, Harei pataom tapuk ban sit Cần Thơ  hu peih tabiak piah pahadar harei tapuk song bản quyền dunya  (23/4), hu  dong pabak ilamu siam gheih dalam bhap bini bhum Tây Nam bộ. Harei pataom tapuk jeng sa labik mai taom gaok di dom urang sangka tal tri thức song padang jalan diukrai siam mekre, khang kajap ka rup drei song dom rai rah harei hadei./.