Ikan pa-ban lac sa janih ikan mboh ralo di bhum glaong Bình Liêu, hu bhap bini dalam bhum jeng yau tuai du lịch takre. Meng janih ikan ini meda ngak tabiak ralo kaya mbang yau ikan suối rán cuốn lá lốt, ikan bai bung metham, ikan am hala patei. Abih di nyu nan lac ikan metham biak bingi, hu hương vị biak karei. Ini oh lac pandap mbang meng kan mai bo daok lac ilamu mbang menyum biak gheih di urang Tày.

     Ikan theik tui craoh (sap Tày iew lac pa-ban) hu mboh ralo di kraong craoh dalam 2 xã Lục Hồn saong Húc Động. Janih ikan ini hu bhap bani di ini meyaom lac biak bingi, mbang njauk cambuai saong biak siam ka pren yava. Amuk Vi Thị Nũi, xã Lục Hồn brei thau ka ikan ini: “Ikan ini meng livik mai biak bhian randap haong khaol dahlak. Ikan ini ralo nyu yamen mbang haong sara, lisei la-ar saong hala ổi, bingi ralo. Tuai daok  atah mai thei jeng meyaom. Hu tuai meng atah mai ye po sang ngak  món ini piah payak”.

      Ikan metham hu ngak meng 4 janih nan lac: ikan pa-ban, sara, lisei la-ar saong hala ổi. Tui ilamu di bhap bani Tày labik ini, ikan metham meyah khin bingi njauk palih ruah ikan  daok dalam craoh. Ikan ini rilo nyu dai, catang, mbang mboh yamen, oh mbau hanjin.

      Hadei di tuk ngak saong rao hacih, urang mek tanjak hacih uak ka nyu thu ikan, ciak tabiak jeng yaok khúc. Bloh mek brah nao tahanek jeng lisei, saok tabiak caik la-ar. Lisei la-ar nyu ngak brei ikan metham, ngak jeng hương vị biak karei di kaya mbang ini. Yaok klaih ikan hu rao meng sara mbong blaoh srau haong lisei la-ar. Ikan hadei di tuk hu srau samu đều haong lisei la-ar saong sara ye hu caik tame kalaok thuỷ tinh atau kalaok nhựa blaoh kateik hala ổi tagok angaok pabah kalaok, gum ka nyu sil. Amuk Vi Thị Nhàn brei thau: “Tuk ngak metham njauk úp ngược kalaok veik, aia meng ikan  nduac cagar trun oh ngak ka ikan khut, nhão. Bruk ngak metham ikan meda abih meng 7 tal 15 harei atau suai jang, tui langik pandiak atau li-an saong tui hatai takre di  urann mbang”.

       Tui takai bhap bani di labik ini nao mong iek cảnh đẹp ceik glai "Sapa di Quảng Ninh", tuai damuai meda hu mboh bruk mek ikan theik tui craoh di labik ini, maong iek  bruk ngak ikan metham. Ong Nguyễn Văn Thắng, mai meng Hải Phòng bui sambai tuk mbang nao công tác ini hu nao haong bhap bani daok pak ini mek ikan mai ngak kaya mbang: “dahlak hu mbang món ikan ini mbang akaok meti tuk mai công tác pak Bình Liêu di bilan hè thun dahlau. Dahlak oh var hu ikan ini nyu yamen, bingi, biak pahe. Meng nan, mbang halei mai pak ini, dahlak jeng iew món ini piah mbang. Mbang ini, hu mbaok tame mek ikan di craoh mai piah ngak kaya mbang mboh biak  bui sambai”.

      Ikan metham  lac janih pandap mbang bhian hu urang Tày ngak piah payak tuai daok  atah mai ma-in. Tuk mek ikan tabiak mbang, ikan metham hu samboh màu mbong,  pahe, bingi. Món ini hu mbang haong hala lốt saong ratak lo hana, tut haong aia mesil baoh amariak, rabung metham meng thau hu  abih độ bingi di ikan.

      Hương vị mbak carak di món ikan methram gam haong vị mbak di sa-ra, vị yamen gam haong metham di ikan, vị bùi di ratak lo hana saong hương vị di hala lốt hijao. Taong abih ngak jeng jeng sa hương vị biak kan van hu, mbang sa mbang ye hadar miat. Meyah hu mbang nao tal Bình Liêu, duah thau  adat cambat tanarakun di bhap bani labik ini, tuai damuai juai van mbang món mbang biak karei ini./.