# Tapuk giáo khoa daok lac bruk daok hu rilo panuac ndom biai nao mai dalam mbang nyom ka 32 di Ủy ban Thường vụ Quốc hội ka dự thảo Hukum Pato Megru pasiam veik rah tabiak di harei 12-3. Suh sah ka tapuk giáo khoa, akaok Quốc hội Nguyễn Thị Kim Ngân brei thau:  “Sarak  88 tacei cambaih lac “peih bruk xã hội hoá tapuk giáo khoa. Hu dom janih tapuk giáo khoa ka yaok môn bac”. Sarak 29 di Trung ương ye oh ndom cambaih yau nan. Ngak rilo bộ tapuk tantu ba tal bruk “nduac” hadei ini di dom labik ngak tapuk giáo khoa piah ka bộ tapuk di drei hu pandar. Yau nan nyu palai pajoa, njauk ngak halei oh?"

  # Anak bruk jit ruak tả pabui chau Phi saong laka cambuai tapaok kakau daok mbuan pambak praong, rah tabiak dalam kan ndah; dom tỉnh, ban bhum kreh negar daok sami samar peih ngak rilo jalan pacang caga jit ruak. Tỉnh Bình Định nan lac labik raong rilo pabui di abih di bhum kreh negar ngan saong labaih 800.000 drei. Piah pacang caga jit ruak, tỉnh ini hu brei ka dom palei labaih 10 tấn jru sát trùng, saong daok khik piah dalam gilang 5 tấn jru tra piah pabak brei tuk njuak pandar. 

# Piah khik siam mekre salamat bruk par, Cục Hàng không Việt Nam (HKVN) anak meta oh brei adat par bahrau saong padeih adat par hu brei bloh ka dom mabng par meng janih kapal haok Boeing 737 Max dalam bhum langik Việt Nam. Bruk ini hu ba tabiak ngak tui meng 10 tuk harei 13-3-2019 mbiah tal tuk hu quyết định bahrau. Dahlau di nan, Cục HKVN brei thaut, janih kapal haok ini oh ka hu pandar di Việt Nam saong Cục HKVN oh ka pasang iek brei harak chứng chỉ ka kapal haok Boeing 737 Max mbiah tal tuk thau cambaih laih makna laik kapal haok di Ethiopian Airlines. 

# Mentri Y tế birau ba tabiak phác đồ iek ruak ka urang pandar matuy tổng hợp, dalam tuk gam gam rah tabiak rilo bruk trọng án kayua manuac pandar matuy patau ba tal having havang jaik ini. Ini lac mbang akaok meti Viet Nam hu phác đồ ini. Dom thun jiak di ini, urang nghiện matuy tổng hợp tagok glaong, dom urang me-in matuy patau  ngak kanjiak hjak tal xa hoi rilo jang. Rilo urang njuk matuy ba tal dom bruk pametai menuac, dalam tuk di rilo puk palei dom urang nghien matuy đá hu tal 90% urang nghien.

# Page mesup 13-3, dom urang pan akaok Công an tỉnh Lạng Sơn brei thau lac bahrau pambuak bruk haong Cục Cảnh sát hình sự - Mintri Công an saong Công an tỉnh Bình Dương duah thau, cap mek Nguyễn Duy Đồng (palei daok di Bắc Ninh) lac urang pametai menuac di Bình Dương. Dahlau di nan, biar harei 9-3 di sang trọ Tân Phương, khu phố 3, phường An Phú, ban sit Thuận An, t.Bình Dương, kayua methao gauk dalam tuk mbang menyum, sa-ai Lương Đức Q. (35 thun, palei daok di Thanh Hóa) njauk sa urang likei mek to klauk metai.

Patui di ni dom khau tin dunya

# Labaih 7 trieu menuac hu mbaok tame lễ hội hóa trang Carnival danei angan di ban Rio de Janeiro, ba mai ka gah dulich  negar Nam Mỹ ini jaik 995 trieu USD, tagok 26% duk saong thun 2018. Yaom Jien mek hu rilo di abih kuhria meng dahlau mai dalam le hội praong di abih pak Brazil. Rio de Janeiro hu taduan raok  labaih 1,6 trieu tuia damuai  dalm saong langiu negar mai hu mbaok di Carnival 2019 meng harei 1 tal 9-3 meng blaoh.

  # Gah Cảnh sát hình sự dunya (Interpol) brei thau lac cap kreik 560 urang dalam chiến dịch praong hu angan ieu lac Trigger V, meng harei 22 tal harei 28-2, piah pagui mek kol pablei salih lậu phao ndao di 8 taneh ia Mỹ Latinh yau Colombia, Costa Rica, El Salvador, Mexico... 857 mbaik phao dom janih, 40.000 siu phao, 20 baoh patuh, rilo jru patuh, khan ao cảnh sát saong quân đội jeng hu cap mek. Gah cảnh sát, hải quan, xuất nhập cảnh saong quân đội di dom taneh ia nan hu padang 42.000 labik pasang iek angaok taneh, angaok tasik saong angaok langik.

#  Nhật Bản daok hu jalan ngak piah par trun ia bulan di thun 2029 saong piah ka dom phi hành gia di negar ini roh duah ia bulan dalam sa sruh radaih kayua hãng ôtô hu ngan je Toyota ngak tabiak. Radiah roh duah ia bulan jeng pagam dom blah pin ia harei piah pandar ia harei tuk harei di baoh ia bulan bhian hu dalam dua adit yaok bilan./.