Harei kabroi, ong Phan Đình Trạc, Uy vien Mentri Chinh tri, Bi thu Trung uong Ndang, Akaok Mban Noi chinh Trung uong ngak bruk haong Gah Thuong vu Tinh uy Dong Nai saong Binh Phuoc ka bruk ngak Sarak di Nyaom roya mbang ka 11 di Trung uong. Kuhria iek veik di mbang ngak bruk, ong Phan Đình Trạc pandar tuk padang harak Nyaom roya Ndang, brei pabak dom jalan ngak bahrau di Trung uong, brei mboh hu kein lagaih, kan kandah di tinh dong Nai bahrau piah ba tabiak jalan ngak, jalan langyah patagok njauk lagaih. Hadei tuk pagam pakat xa, tinh sangka iek praong bruk pato pakai, pato megru, pasram bruk ngak ka urang jakar pakat xa, langyah samu bruk di sarak ka urang jakar daok dalam bruk njauk ramik radak jabat karja.

Tui harak pathau khan di dom tinh, ban kuhria tal harei 24/5/2025, dalam negar hu daong gauk ngak brei taong abih baoh sang oh daok taik tahak hu jaik 200.000 baoh sang, dalam hu padang blaoh labaih 137.000 baoh sang saong padang ngak birau, padang ngak jaik 62.000 baoh sang. Dalam negar nan hu 19 dalam 63 tinh, ban oh daok baoh sang taik tahak. Dalam adit ini, dom bhum palei brei ramik bruk piah peih ngak; brei kuhria iek veik daok hadom baoh sang khin daong lac: Ninh Thuan, Ben Tre, Dong Nai, Tra Vinh, Lai Chau, Thanh Hoa, Phu Tho.

Kong an 3 bhum palei Ban raya Ho Chi Minh, Ba Ria – Vung Tau saong Binh Duong harei harei kabroi hu mbang ngak bruk ka dom asal kadha ngak bruk brei peih ngak hadei tuk pagam, piah padang jabat karja Ban raya Ho Chi Minh bahrau. Di var ngak bruk, Kong an 3 bhum palei hu ndom meyai ka dom asal kadha di dom bruk daok peih ngak; dom kan kandah, tavak tavaiy dalam bruk ngak. Kong an 3 bhum palei jeng sa hatai ka bruk srap gap ka Nyaom roya lambaok vakil ndang bo Kong an Ban raya Ho Chi Minh tukvak 2025 - 2030 hadei tuk pagam.

Danak dak Đăk Pokei hu padang ngak di xa Đăk Ruồng, huyen Kon Rẫy, tinh Kon Tum hu ngak salah blaoh saong daok ngak salah harak gal piah jao brei ba tame pandar. Danak dak Binek ia Đăk Pokei duh ka bru pruh ia ka 2.000 ha phun pala, dalam nan  hu 200 ha padai daok veik lac 1.800 ha phun kong nghiep, njam patam. Langiu di nan, daok brei patrun ia sua saong pabak ia pandar ka labaih 35.000 bhap bini di 2 xã huyen Kon Rẫy saong ban Kon Tum.

Bien chung NB.1.8.1 di COVID-19 hu duah mboh di Ban raya Ho Chi Minh. Janih ruak ini, hu rah tabiak di rilo negar saong medil lac rik daong tame bruk tagok rilo di Ban raya Ho Chi Minh jaik ini. Urak ini Kapul Y te Dunya oh ka ramik radak NB.1.8.1 tame kapul bien chung njauk duh hatai. Pasak Pasang iek Ruak hakik Ban raya Ho Chi Minh patui veik pasang iek catang bruk rah tabiak di jit ruak saong dom bien the  SARS-CoV-2. (VOV)

Canh sat Singapore harei kabroi khan lac, kuhria ta-eng bilan 4 thun 2025 mbiah tal ini, hu jaik 190 mbang pagat pambuak ayut saong angan ja di mạng, ngak khat lahik  tagok tal labaih 650.000 dola Singapore ka dom urang, sumu labaih 500.000 dola My. Urang pachot pagat ndem meyai, palua njauk hatai urang piah ngak randap atau ayut klak gaok bruk khin ngak samar chip khin mesre jien atau njim payua jien.

Tui dom urang ilamo, dom thun jaik ini, Trung Quoc saong Han Quoc hu dom jak jeng patagok praong glaong dalam gah ngak kapal gilai saong hu dak harei dak “tapa” Japon. Dalam bruk nan, Rajaei Japon kham merat jhul tagok gah bruk ngak kapal gilai, ngan haong dom bruk ngak cambaih laih yau patagok bruk buh jien tame saong dui pachreih buh jien tame dalam negar, daong dom gah ngak mbang pablei salih ngak kapal gilai hu jien padai saong ilamo ky thuat, jhul khang bruk roh duah patagok ilamo ky thuat ngak gilai bahrau, pakajap, peih praong saong padang bahrau dom pabah lamnge ngak kapal gilai./.

Tuk dom taneh ia chau A daok gaok kan kandah kayua tamuh jit ruak COVID-19 veik, Rajaei Indonesa khan haong bhap bini lac gah y te Indonesia hu tamik caga siam piah caga bruk ruak rah tabiak anak tal. Mentri Y te Indonesia khan lac brei salih jalan ngak saong caga siam jang ka dom labik y te, urang ngak bruk saong bilik dut iek ka bruk ruak srau kadau anak tal, bac megru hu tapa dom mbang rah tabiak jit ruak COVID-19 dahlau diah.