Page ini 11/6, Quoc hoi pang pathau khan harak pasang iek saong ginum biai dom harak du thao Sarak, danak dak Hukum, dalam nan hu Danak dak ramik jabat karja pakat tinh thun 2025. Tui Danak dak, Rajaei padang ngak 23 jalan ramik pagam ngan haong 52 jabat karja pakat tinh piah padang 23 tinh, ban birau. Hadei ramik pagam, dalam taneh ia meda hu 34 tinh, ban dalam nan hu 6 ban pakat negar saong 28 tỉnh. Kuhria abih tih urang jakar kong chuc, vien chuc tui sarak hu jao brei ka yaok jabat, kapol nyaom, don vi pakat tinh lac labaih 447 ribau urang.

Mentri Kong an daok mek panuac  ngan haong danak dak pasiam veik, pabak dom paka di 10 hukum pambuak tal bruk kong an, dalam nan hukum Salamat jalan mbak. Tui du thao, Mentri Kong an likau brei atah klak “ tukvak di urang peih radaih oto oh tapa 48 mon dalam sa adit” bo brei ramik pasiam tui tukvak ngak bruk di urang peih radaih dalam sa adit hu ba tabiak dalam hukum Ngak bruk; tui nan khik tamo tukvak di urang peih radaih oto 10 mon dalam sa harei min oh brei peih radaih luac 4 mon.

UB bhap bini TPHCM birau hu brei panuac ka 479 urang jakar ngak akaok, pho akaok HĐND saong UBND phuong, xa padang birau. Langiu di nan, UBND TPHCM yaih khan ba urang tame ngak bruk di 31 labik kurang manuac piah ngak akaok, pho akaok HĐND saong UBND phuong, xa padang birau. Mbiah tal ini, UBND TPHCM hu likau veik urang jakar ngak praong piah ba tame quy hoach piah palih ruah ngak pho akaok HĐND saong 2 pho mban chuyen trach HĐND.

Tinh Kon Tum daok ramik samar ngak brei salah bruk sap pagap piah 40 xa, phuong birau tame ngak bruk di harei 1 bian 7 anak tal. Piah urang jakar dom xã, phuong harei ramik pagam ngak bruk hu lagaih, sumu gauk, siam mekre, oh gar tavak dalam bruk ngak, oh klak saoh labik, dom bruk ngak, Mban Thuong vu Tinh uy saong Dang uy UBND tinh Kon Tum daok padang rilo kapol nyaom pasang iek bruk ramik pagam jabat karja di dom bhum palei. Dalam nan bruk praong lac urang jakar xã, phuong birau njauk manuac, njauk bruk.

Tinh Dong Nai brei pasang iek, langyah catang dom kapol nyaom, urang pambuak tal bruk ngak tabiak, pablei salih, yaih khan, pablei ndap ngak mekre, ndap ja. Dalam nan, Akok UBND tinh caong khin dom don vi pambuak tal pasang iek dom labik ngak tabiak, pablei salih; samar thau, mek veik ndap oh siam saong langyah catang dom bruk ngak suan hukum. Tui nan, jhul khang bruk pathau khan, paglong jalan sahaneng di bhap bini, juai blei pandar dom ndap yaih khan angaok mang xa hoi.  

Hadei harei ginum biai pakat glong di London (Anh), Mỹ saong Trung Quoc hu njauk gauk dalam bruk praong, peih tabiak jalan ngak birau dalam bruk langyah dom kan kandah dalam pablei salih di duah taneh ia praong di dunya. Bruk hu makna praong di mbang ginum biai lac njauk hatai gauk ngak tui dom sarak ginum biai blaoh di dua urang ngak po dua negar ini hu biai tapa phone harei 5 bilan 6 saong di var taom mbaok di Geneva (Thụy Sỹ) dahlau di nan.

Rajaei Thai Lan khan lac urang jakar pakat glong Thai Lan saong Campuchia khik bruk pambuak nao mai piah trun bruk cuang kandah, pasang iek saong langyah ba siam bruk meblah gauk di taphia negar. Dom mbang ndem biai nao mai, ginum biai daok hu peih ngak di taong abih dom pakat saong dom jalan lagaih haong hukum dunya. Dua gah daok pambuak bruk khang kajap piah khik hu salamat saong tani tanat kinh te, sanya langyah bruk bruk tapak hatai saong iek praong, oh brei kan kandah gauk.

Mentri Quoc phong My khan lac My brei cakak trun kadung jien daong bol lin Ukraine dalam du thao sarak kadung jien quoc phong anak tal. Yau nan min, oh brei thau cambaic laic cakak trun hadom. Karja Tong thong Donal Trump mboh lac sa jalan sron mbon ginum biai meda ba mai kein laba siam abih ka Nga gam Ucraina, jeng yau kein laba di Mỹ./.