

Danak dak tatua Rạch Miễu 2 nao tapa kraong Tiền, pambuak tinh Tien Giang saong Ben Tre, tal ini patui veik tapa jalan ba tabiak. Dom gah dang ngak daok ngak samar chip piah salah blaoh saong ba tame ngak di akaok bilan 8 anak tal saong brei peih nduac radaih dahlau harei Negar 2/9. Yaok harei, di labik padang tatua, dom gah dang ngak salih gauk ngak “luac harei melam” ngan haong 30 gah njauk brei ngak, labaih 150 thiet bi, jaik 600 urang ngak saong urang ilamo gah ky thuat. Taong abih jeng kham marat salah blaoh danak dak tui pato tacei di Thu tuong Rajaei.
Jabat ngak bruk Thanh uy Bien Hoa saong jabat ngak bruk di UBMT negar Ban Bien Hoa, tinh Dong Nai hu ba tame ngak bruk, salih talaoh angan blaoh blai piah tal harei 1 bilan 7 anak tal tame ngak bruk. Tui nan, jabat ngak bruk di Thanh uy Bien Hoa hu jeng labik ngak bruk di Dang uy - UBMT Negar phuong Trấn Biên. Daok jabat ngak bruk di UBMT negar Ban Bien Hoa hu jeng labik ngak bruk di HĐ bhap bini - UB bhap bini phường Trấn Biên. Pasak Ngak bruk hanh chinh karja phuong Trấn Biên di labik UBND phuong Trung Dũng (klak). Phuong Trấn Biên hu jaik 200.000 bhap bini, hu iek yau sa phuong praong abih di dalam negar.
So Bangsa saong Agama tinh Kon Tum khan brei thau, bruk brei abih baoh sang oh daok taik tahak di tinh mek hu 97% dalam taong abih labaih 2.700 baoh sang. Min, tapa pasang iek, dom huyen, ban hu likau mbaoh tangin brei ka taong abih 1.312 baoh sang oh daok taik tahak. Dalam dom baoh sang njauk brei oh daok taik tahak dalam nan hu 1.034 baoh sang brei hu padang bahrau saong 278 baoh sang brei pasiam sang daok. Kon Tum kham merat salah blaoh bruk brei abih baoh sang oh daok taik tahak karei dahlau harei 31/10 thun ini.
Urak ini, kuhria taong abih taneh raong hadang kong nghe glong di tinh Ben Tre labaih 4.130 ha, sumu 103% bruk ba tabiak. Dom huyen tapen tasik yau Bình Đại, Thạnh Phú saong Ba Tri lac sa dalam dom bhum palei ngak dahlau bruk raong hadang tui kong nghe glong. 6 bilan akaok thun ini, hadang kong nghe glong dalam tinh Ben Tre kuhria hu labaih 38.400 tan, kuhria rah tapa hu 50 tan sa hecta. Jaik abih, dom danao raong mek hu kein laba glong saong tani tanat. Rilo urang raong hadang hu jeng urang kaya meda…
Hadei bruk jak jeng di sang mac cuh hareik ngak tabiak ndien 5MW akaok meti, Binh Duong bahrau patui veik hu sang mac ndien cuh hareik ka dua hu cong suat praong jang, mek hu 12MW. Danak dak hu yaom 45 trieu USD ini daong langyah bruk hareik tathuak tabiak di labik ban, patakik bruk ngak kanjah jhak tal alam langik. Sang mac brei langyah 500 tan hareik/harei saong ngak tabiak 12 MW ndien. Ngan haong ilamo kong nghe hu brei thau bahrau abih, dom bau hadei cuh di sang mac mboh trun oh tapa tanut 12%.
Hadei 41 thun kuhria meng mbang akaok meti par tagok langik di urang peih haok Rakesh Sharma, negar Ấn Độ sa mbang tra brei mboh labik di ban ndo dunya tuk Đại tá Lin kapal ahaok Shubhanshu Shukla lac urang Ấn Độ kadua par tagok langik. Mbang par ini lac hu makna biak praong caga dahlau ka danak dak par tagok langik hu manuac peih di An Do, kuhria peih ngak di thun 2027 saong atah jang anak tal lac padang balai ahaok ta-eng di taneh ia Nam Á ini.
Trieu Tien bahrau salah blaoh bruk padang sa labik nao rah rivang praong di ban tapen tasik Wonsan, di ar tasik gah Pur piah jhul khang bruk rah rivang. Labik padeih padei ilamo rah rivang pakat dunya ini brei peih pambang raok tuai damuai dalam negar meng harei 1/7 anak tal, min oh ndom tal tuai damuai negar langiu. Rah rivang lac sa dalam dom bruk hu jien mek tame di Trieu Tien oh daok dalam harak angan taong bhat di Lien Hop Quoc./.
Sa dalam dom bhum palei di Nhat Ban daok hu rilo mbang hajan praong karei, ba tal ia dauk, ngak jaik 1.000 urang njauk nao daok labik karei. Dalam nan, trak abih lac tinh Gifu - gah Bhum kreh Nhật Bản. Dalam 72 mon, ia hajan tuh trun bhum taneh ini tagok tal 411mm, ngak ia kraong tagok glong saong sre tapa ar pacang. Hajan praong ngak rilo jalan raya saong jalan dalam tỉnh glut jaleih, ba tal gar jalan./.
Viết bình luận