Tinh Gia Lai daok pataom paglaong bruk pato megru tapa pato pakai gru pato, abih di nyu nan lac sap bahsa Jrai, Bahnar; patagok bruk pathau khan ka bruk ngak, pato megru ilamo diuk rai saong khik ramik ilamo bangsa. Urak ini Gia Lai hu 17 sang bac gam bac gam daok saong 23 sang bac gam bac gam daok meteh harei ngan haong 14.000 anek saih. Bruk ini biak hu makna dalam bruk dui pachreih anek saih, khik tani tanat anek saih nao bac saong paglaong bruk pato megru. Anek saih sang bac gam bac gam daok hu tamat blaoh THPT hu 100%; labaih 80% hu tame bac dai hoc, cao dang.

Biar harei kabroi, Ban raya Ho Chi Minh brei thau tanut chuan tame bac tal 10, sang bac THCS -THPT Trần Đại Nghĩa mek tanut diem glong abih lac 24,5 dalam taong abih 30 diem. Ini lac sang bac hu tanut diem chuan tagok tal 4,5 diem dut saong thun dahlau. Langiu di nan, dom sang bac hu tanut chuan glong yau sang bac THPT  Nguyễn Thị Minh Khai mek tame 23,75 (glong 0,5 ndiem dut saong thun dahlau), THPT Lê Quý Đôn (22,25 diem), THPT Nguyễn Hữu Huân (23,5 ndiem ), THPT Phú Nhuận (22,5 ndiem),…Njauk caik hatai lac, tanut ndiem dom saong bac biar abih lac 10,5 ndiem, kuhria tabiak yaok mon tok 3,5 ndiem.

        Tok labaih 75 harei, tinh Binh Duong padang ngak bahrau hu 137 baoh sang saong pasiam 266 baoh sang ka urang hu ngak bruk katmang meng kal, ka urang kathaot haong taong abih jien buh tabiak labaih 26 ty dong. Jien daong lac 100 trieu/baoh sang padang bahrau. Bruk padang di angaok mbaok taneh laman glut, jien daong veik glaong abih lac 20 trieu dong, saong 50 trieu dong/baoh sang pasiam. Binh Duong daok daong 90 ty dong ka 2 tinh Bac Lieu saong Nghe An ngak bruk brei abih baoh sang oh daok taik tahak ka urang baoh sang kan kandah.

          Mbiah tal ini, tinh Tien Giang hu ngak brei salah bruk padang ngak saong ramik pasiam sang daok ka urang hu buh prein tame ngak bruk cach mang, gauk gar urang lin plang lahik dalam tuk mesruh metak. Taeng sang daok ka urang kathaot, jaik kathaot ngak hu 400 baoh sang saong 72 baoh sang daok ngak. Yau nan, tinh Tien Giang ngak hu blaoh 536 dalam 608 baoh sang, sumu tukvak ba tabiak saong daok kham ngak brei hu blaoh abih dom baoh sang hu kuhria brei ngak blaoh  dahlau harei 30 bilan 6 anak tal.               

Tui khau tin kayua Pasak Pasang iek ruak hakik Ban raya Ho Chi Minh (HCDC), adit blaoh, di Ban raya Ho Chi Minh hu 507 urang njauk ruak pandiak tabiak darah, tagok labaih 50% dut haong kuhria rah tapa di 4 adit dahlau. Taong abih urang ruak pandiak tabiak darah hu kuhria meng akaok thun 2025 tal ini lac jaik 9.600 urang ruak. Dom quan, huyen hu dom urang njauk ruak labaih 100.000 urang, glaong abih lac huyen Cần Giờ, Củ Chi saong Nhà Bè. HCDC pachreih rahra ngak tani tanat dom panuac kakei caga di gah y te…

Nyaom biai urang jakar pakat glong ASEAN ka bruk pacang caga kol pachot pagat tapa rilo negar  hu peih ngak di Kuala Lumpur, Malaysia iew brei pakhang bruk pambuak piah pacang kol bleik pagat online. Dalam jaman pandar taka so, dom negar daok anak ralo bruk kol bleih pagat angaok mang;  meng bruk pagat jien padai online tal dom bruk pandar phan mem tame piah mek jien padai. Ini lac bruk njauk ngak chip, dom taneh ia ASEAN brei pambuak khang bruk ngak saong ngak catang jang.

Yaok treiu uranaih mbuan njauk dom ruak meda pacang caga meng vaccine yau ruak uốn ván, bại liệt, lao,…Ini lac bruk kuhria hu brei thau meng harei kabroi tapa angaok Harak Y Khoa Lancet dalam bruk dom kham merat klauk jru caga ka uranaih dalam dunya daok ngak suai. Tui dom urang roh duah, hadei ia hacih sa-at, klauk jru caga jeng lac sa jalan ngak siam lagaih abih piah pacang khik prein yava uranaih. Meyah bruk klauk jru caga biar dui tui bruk mbuan tamuh ruak njom mbak meda pacang caga.

Hang radaih ndien Tesla di urang kaya meda Mỹ Elon Musk birau peih bruk ngak iek dahlau jitvu taxi oh hu manuac peih akaok meti di ban Austin, bang Texas, Mỹ. Bhap bini di labik ini khan brei thau bui sambai gam huac kanda dalam hatai. Angok mang xa hoi X, urang kaya meda Elon Musk khan lac jitvu taxi  peih ta-eng camereip hu pandar radaih the thao Model Y hu pagam phan mem “ Peih ta-eng” hu pagam 8 camera cam bien, ngak bruk meng 6 mon tuk page tal kreh melam.