Mentri Pato megru ba tabiak tanut diem kuhria sumu dom to hop palih ruah tui tanut diem pakacah THPT 2025. Dalam nan hu 7 to hop palih ruah mboh ralo tui tanut diem pakacah THPT thun 2025 nan lac: A00 (Toan, Ly, Hoa), A01 (Toan, Ly, Anh), B00 (Toan, Hoa, Sinh), C00 (Van, Su, Dia), D01 (Toan, Van, Anh), C01 (Toan, Ly, Van), D07 (Toan, Hoa, Anh). Ini lac piah ka dom sang bac dai hoc kuhria salih tanut diem chuan samu dom to hop mon, gam lac piah anek saih kuhria iek tani tanat tuk palih ruah tame dai hoc.

Hoi dong bhap bini tinh Gia Lai bang XII, vaktu 2021-2026 birau peih mbang nyaom ka 2. Mbang nyaom ini, HDND tinh pasang iek rilo kadha hu makna praong, abih di nyu lac dom sarak jien padai, kadung jien, phun jien di karja saong padang kapol urang jakar ngak bruk hadei pagam tinh. Mbang nyaom hu makna praong dalam bruk ngak, jalan ngak, sarak piah bruk ngak di karja dua pakat hu siam lagaih.

Mban Thuong vu Tinh Doan An Giang birau padang kapol nao Kakuh cuh gilau, truac dien pahadar dhar phol di Kubo liet si Dốc Bà Đắc, pahadar 78 thun Harei Thuong binh – Liet si. Di var nan, dom rairah dam dara An Giang hu cuh gilau, truac dien  thau dhar phol dom anh hung liet si var klak rup drei daong ka taneh ia, halan hatian patui veik bruk ngak dahlau, abih hatai ngak bruk daong taneh ia, kham merat yam tapa dom kan kandah, khik ramik dom bruk salih birau, padang bhum palei dak harei dak trei sir, kaya meda, ilamo, njauk haong bruk var klak rup drei di rairah ong muk drei dahlau diah. Bingun ini, Kubo liet si Dốc Bà Đắc taduan 80 talang atau di liet si halan hatain mesruh di taneh Campuchia ba mai veik bhum palei drei.

Thanh Doan TPHCM birau peih ngak Harei ngak bruk tabung glong “Halan hatian rik daong padang palei birau” saong “Harei Adit hijao” di rilo phuong xa. Dom bruk ngak hu makna peih tabiak, siam abih yau danak dak “Truac hadah bhum palei”, padang jalan ilamo - hacih - hacih sa-at, hu labik ka uranaih ma-in. Bingun ini, dom pakat Dam dara jhul pakhang bruk yaih khan danak dak “Yaok sa xa sa kaya OCOP” saong pambak praong bruk ngak di dam dara bhum palei  naih gheih.

TPHCM daok samar pacang caga ribuk ka 3. Di bhum tasik Can Gio, jaik 1.600 kapal gilai pataok tame labik salamat. Dalam nan di Đặc khu Côn Đảo, yaok bruk di tasik brei padeih ngak. Ban raya brei padeih ba tame ngak bruk di dua kapal gilai peih drah samar  meng taneh riya  tabiak Đặc khu Côn Đảo tal abih harei 25 bilan 7. Dom po kapal gilai  khan lac, tuai damuai hu blei harak ve dalam tukvak ini meda hu bayar veik abih jien blei ve atau salih harak ve oh abih jien tapa dom harei karei. 

Thu tuong Australia Anthony khan lac, dalam adit akaok meti di mbang nyaom Quoc hoi birau,  Rajaei di ong hu yaih khan 3 hukum piah dom nghi si ginum biai saong brei tapa. Nan lac hukum cakak trun 20% jien mesre nao bac di anek saih. Meyah brei tapa, kuhria rah tapa, jien sre di labaih 3 trieu urang bhian mesre jien di rajaei piah kak jien bac meda trun 5.500 AUD. Hukum ka dua lac salih bruk iek glang kuhria ka uranaih piah pachreih ka urang ngak payua anek saong nao ngak bruk. Hukum ka klau lac tagok jien ngak bruk langiu tukvak saong ngak dom bruk trak mbuan gaok bala ka urang ngak.

Rajaei Iran khan lac brei padeih padei samar di tinh Tehran di harei 23 bilan 7, dalam tuk taneh ia ini dang anak bruk kurang ia saong nang luong kayua langik pandiak dui atah, nhiet do labaih 40 do C. Tui nan iew rahra brei piah tukvak pedeih padei, nao ma-in atau pataom mbaok haong urang dalam baoh sang, brei ngak njauk tui tacei pato ka bruk hu siam saong patak pataom nang luong. 

Anh saong 24 taneh ia karei gam haong dom taneh ia di Lien minh chau Au (EU) ba tabiak panuac iew da-a brei padeih chip bruk mesruh metak di Dải Gaza, dalm tuk urang metai saong njauk rambuac daok rilo veik. Tui yaok kuhria mboh di Lien hiep quoc, adit dahlau hu takik abih lac 875 urang metai tuk taduan mek pandap mbang di Kadung Pahala Gaza./.