Di Nyaom roya brei duah thau hatai caong khin ka dom harak ka Nyaom roya mbang 14 di Ndang saong harak pathau khan chinh tri Nyaom roya Ndang bo Ban raya Ho Chi Minh mbang ka I, vaktu 2025 -2030, ong Đỗ Ngọc Huy, Phaok Akaok Kapol urang ngak nong Ban raya Ho Chi Minh mboh lac harak pathau khan takik yaik khan, oh ka taong yaom hu abih bruk ka rahra palei pala. Yau nan ye njauk brei pabak tame dom asar kadha cambaic laic jang, abih di nyu nan lac bruk salih bahrau hadah krah, jitvu karja, bruk njuak hatai di bhap bini; gam ba nyaom kadha ka palei pala birau paglong, palei pala birau kieu mau dalam vaktu 2025 -2030, pamong tal 2045.

Tui iek di UB Bhap bini tinh Dong Nai ka bruk ngak tui dom srak di Quoc hoi ka dom danak dak hu makna praong pakat negar saong bruk ngak brei cakrok patagok kinh te - xa hoi, ong Vũ Hồng Thanh, Phaok Akaok Quoc hoi caong khin tinh Dong Nai njauk ngak birau dom bruk patagok, dalam tuk dom danak dak ngak jalan mbak praong di Trung uong brei buh jien tame ngak jiak blaoh hu ba pandar. Daok danak dak mblang kapal ahaok Long Thành, hadei vaktu ka 1 hu ba tame ngak bruk ye brei kuhria peih ngak samar tukvak anak piah klak tavak tavaiy tal mblang kapal ahaok.

Ndang bo phuong Tăng Nhơn Phú, Ban raya Ho Chi Minh bahrau peih Nyaom roya mbang ka I, vaktu 2025 - 2030. Hu labaih 208.000 bhap bini rahra, Tăng Nhơn Phú lac sa dalam dom phuong hu bhap bini rahra ralo abih diBan raya Ho Chi Minh. Lagaih abih di phuong lac hu Labik Kong nghe glong gam rilo sang bac Dai hoc, cao dang, sang iek ruak jaik labik bhap bini di Ban raya Ho Chi Minh.o Chic Yau nan ye urang jakar di Ban raya Ho Chi Minh “kakei dahlau” phuong Tăng Nhơn Phú samar ngak salah bruk peih taneh  ka Labik Kong nghe glong, rik daong pachreih urang buh jien tame ngak mbang diBan raya Ho Chi Minh.

 Nyaom roya Ndang bo xa Khánh Hưng, tỉnh Tay Ninh mbang ka I, vaktu 2025 -2030 peih ngak hu jak jeng siam mekre. Dalam vaktu ini Ndang bo xã Khánh Hưng ba tabiak 15 kadha, hu 3 bruk ngak samar saong 4 nyaom bruk hu makna praong. Dalam nan, pataom tame jhuk pakhang bruk ba pandar ilamo - kong nghe, salih birau saong pandar taka so; patagok kinh te tu nhan samar, khang kajap, pambuak bruk ngak nong gam haong patagok hijao; saong padang ngak  palei pala birau paglong…

Kong an phuong Tân An, thành phố Cần Thơ birau daong hu ka sa urang kumei njauk dom urang pachot pagat tapa online “ chap manuac tapa online”, ndok jien. Dahlau di nan, harei 18/8 sa-ai N.M.L ( ndih tapui thun 2007) taduan hu tin nhan, iew phone taka so oh bhian randap, min khan lac kong an lac sai L. ngak suan hukum, meyah oh ngak tui bruk ba tabiak kaoh tui hukum, chap mek…Hadei di nan, kol nyu pandar sa-ai L. padam ung dung phone tangin, iew video, iew ba drap ar di sang drei nao padang mek jien piah payua tame tai khoan kol nyu. Kuhria abih atih jien sa-ai L payua tame lac 446 trieu dong.

Trung Quoc peih bruk pasram duyet binh bol lin di harei 3 bilan 9 dalam tuk pahadar 80 thun Dunya mesruh metak mbang ka II. Bruk ini kuhria jak ba yaok pluh ribau urang, gam rilo janih phao ndao birau mbang akaok meti mboh. Taong abih phao ndao saong mac jamraih karei  dalam tuk duyet binh hu palih ruah meng dom radaih mesruh metak khang kayua Trung Quoc ngak tabiak. Dom phao ndao mesruh di taneh, di tathik saong angaok langik mbang akok meti hu ba tabiak parang iek.

Dom gilang pariak Thai Lan meda mek jien tuk payua jien tapa online yaok harei lac 50.000 baht (labaih 1.500 USD) ngan haong rilo bruk meyao meyit, piah pakhang bruk khik siam ka tuai damuai anak bruk pachot pagat jien padai dak harei dak kan thau dahlau. Kuhria dalam 6 bilan tapa, hu 24.500 mbang pachot pagat payua jien tame hu khan brei thau, ngak khat lahik tagok tal 2 ti 800 trieu baht , sumu 86 trieu dola My.

Tapa sa mbang kuhria iek birau di Reuters, urang Mỹ huac kanda ka dom bruk pandar tri tue nhan tao AI ba tal rilo urang di My lahik bruk ngak. Dalam nan 71% dom urang hu tangi sua lac huac AI ba tal lahik bruk ngak dhit. 77% ye huac bruk pandar AI ngak srau kadau chinh tri./.