Dang bo phuong Sai Gon – Ban raya Ho Chi Minh birau peih Nyaom roya mbang ka I, vaktu 2025 -2030. Brei panuac  saong tacei ba jalan ka Nyaom roya Pho Bi thu Thanh uy, Akaok UB Bhap bini Ban raya Ho Chi Minh Nguyễn Văn Được, kakei lac phuong Sai Gon njauk ngak habar piah pandar veik hu siam abih dom bruk lagaih di drei, kaya drap ar piah rik daong hu ralo jang ka Ban raya. Piah ngak hu dom bruk caong khin nan, phuong Sai Gon  brei padang ngak ban do thi “ilamo, salih birau, njauk diukrai, siam mekre saong anit ranam”; salah siam jang saong paglong bruk ngak karja bhum palei dua pakat.

Lien doan lao dong tinh An Giang pambuak haong kong ndoan co so dom doanh nghiep birau ngak var huak lisei kong ndoan di 6 doanh nghiep ka labaih 11 ribau urang ngak, yaok paok lisei meng 37.000 tal 100 ribau đồng. Bingun ini, dom kapol kong ndoan peih var pataom biai, khan ka bruk daok rah tabiak, peih flim tulieu, yaih khan tapuk ka bruk ngak Cach mang Bilan 8, Harei Negar, harei 2 bilan 9. Tapa nan, pabak prein khang ka urang ngak chreih chrai ngak bruk.

Muk Ngô Thị Minh Trinh, Bi thu Ndang uy xa Ea Knuêc, tinh Dak Lak hu mbaok gam haong urang nong pablei durian online di bein. Tui kuhria mboh dahlau, labaih 50 tấn  durian hu yaih khan tal urang blei. Muk Ngô Thị Minh Trinh khan lac, hu mbaok tame pablei kaya online gam haong urang ngak nong, gam lac ngak tui bruk pagol sanya haong bhap bini, hu pambuak bhap bini di karja palei dua pakat, gam piah salih pandar kong nghe so dalam bhap bini, tui nan brei mboh yaom kaom angan je di baoh durien Dak Lak.

Muk Mạc Thị Thanh Bình, 56 umo thun, Akok Kapol Urang kumei ban sit Chơn Thành, tinh Binh Phuoc klak, urak ini tinh Dong Nai, birau taduan hu 400 trieu dong meng sarak daong urang jakar padeih huu dahlau umo thun. Salih ka bruk khik veik ka rup drei, muk buh tabiak 300 trieu dong blei mac massage, talei nang luong saong jru glai pabak siam ka prein yava urang taha. Taong abih dom urang kumei saong urang umo praong labaih 80 thun oh mek jien. Dom urang karei, muk Bình mek jien takik piah ngak bruk. Karja pak ini taong yaom glong bruk ngak nan di baoh sang muk Bình.

Ban raya Ho Chi Minh daok mek jien tapen jalan, rah jalan kayua dom sarak daok pandar oh ka atah klak atau salih karei. Dahlau di nan, Ban raya Ho Chi Minh mek jien pablei pandap di tapen jalan rah jalan meng harei 1/1/2024. Urang jakar ngak praong Ban raya Ho Chi Minh rilo mbang kakei lac, bruk mek jien pandar taneh tapen jalan, rah jalan, piah jalan hu ramik pasiam, lagaih jang; urang nao tabak hu mbuan lagaih, salamat jang. Yau nan min, tuk peih bruk oh ka catang, ba tal bruk pablei salih, khik radaih suan hukum rah tabiak, sraw kadau.

Rajaei Tong thong Donald Trump brei atah klak thi thuc di labaih 6.000 sinh vien kayua daok tapa tukvak saong ngak suan hukum, dalam nan hu sa nyaom sit hu ngak suan “nao tui bruk khung bo”. Bruk ini lac sa binah dalam dom jalan taom gaok dalam dom urang negar karei tame mai, paglong bruk pasang iek ngan haong sinh vien negar langiu di karja Tong thong My.

Mentri Thuy loi Trung Quoc peih bruk pacang caga samar chip pakat 4 piah pacang caga ia ribuk sua di rilo tinh ban. Tui kuhria mboh, rilo tinh, ban di Trung Quoc meda gaok kan kandah kayua hajan praong meng harei ini mbiah tal puac adit, meda ba tal ia di dom kraong praong saong sit tagok glong, ba tal mbuan rah tabiak bala. Yau nan ye, dom bhum palei brei paglong dom jalan pacang caga ribuk ia sua, dauk do thi saong samar panduan ba bhap bini di dom labik ia ribuk sua saong drap ar nao labik karei hu salamat.

Labaih meng 30 tal 50 uranaih Palestine njauk rambuis atau ruak trak meda hu panduan ba meng Dải Gaza tapa Anh piah taong ruak. Dom uranaih ruak hu dom bac si di Dai Gaza tavak angan tame, hadei nan dom adei gam urang dalam baoh sang uranaih  hu payua tal taneh ia ka klau dahlau tuk tal negar Anh. Mentri Noi vu Anh khan lac bruk pasang iek sinh trac hoc ngan haong taong abih uranaih saong urang iek dom uranaih nan dahlau tuk tame negar. Meyah urang halei gaok kan kandah tuk gilac veik mai Gaza, dom uranaih ruak meda pasang iek piah ba tame ti nan hadei tuk jru dhit ruak./.