Page ini 15/12, BCH Dang bo TPHCM vaktu 2025 -2030 peih Nyaom biai mbang ka 2. Bi thu Trung uong Dang, Bi thu Thanh uy TPHCM Trần Lưu Quang dang akaok nyaom biai. Bi thu Thanh uy caong khin dom urang lambaok vakil brei caik hatai sangka, biai gauk ka dua nyaom bruk praong. Ka sa nan lac langyah dom tavak tavaiy bo Ban raya dang anak, abih di nyu lac pak bruk  praong bo Tong Bi thu hu ndem tal dalam Nyaom roya Dang bo Ban raya, dalam nan hu bruk gal tavak jalan mbak, ia dauk, njom neral yawa langik saong kham merat padang sa ban raya oh hu matuy. Langiu di nan lac bruk pasang iek langyah dom danak dak daok tavak kandong, dom bruk yakbak gauk dui tah suai lavik di bhap bini  kayua meng kan caik mai…

Salam uan raok Nyaom roya Dang pakat negar mbang XIV, harei 19 bilan 12, tinh Dong Nai padang rilo danak dak, ba tame ngak bruk saong brei peih radaih 7 danak danak praong. Kuhria abih jien buh tame dom danak dak nan tagok jaik 26.000 ti dong, dalam nan hu jalan mbak, khu cong nghiep saong sang daok ka rahra. Makna praong abih di mbang ini lac brei adat peih radaih ky thuat Danak dak binah 3, di Danak dak Jalan Vanh dai 3 – TPHCM, jalan tapa tinh Dong Nai. Ini lac jalan mbak praong, caong khin takik gal jalan saong pakhang pambuak hu rilo bhum.

So Ngak nong saong Moi truong Ca Mau ba tabiak jalan ngak brei patagok bhum taneh raong aring tathik, di taneh praong labaih 50.000 ha, piah pablei ka Trung Quoc tui sarak pambuak bruk. Min ngan haong bruk peih praong taneh, tinh Ca Mau jeng jhul pakhang cakrok patagok saong pambak praong dom bruk raong caong khin mek hu rilo aring yau raong 2 tal 3 mbang; raong palameh aring dalam pa-op nhua…piah duah hu rilo jien tame piah pablei tabiak negar langiu.

Tui muk Nguyễn Thị Ngọc Điệp, Pho akaok UBND, Akok mban jak ba alain brei darak Ban Can Tho, Mban Tacei ba pakat Negar jak ba alin brei darak halan hatian pasiam bruk jak ba, taduan darah thun 2025 di don vi Cần Thơ (birau) lac 65.500 don vi darah. Kuhria tal bilan 8 thun 2025, Ban Can Tho jak ba, taduan hu labaih 40.000 don vi darah, sumu 62% tanut ba tabiak. Meng ini tal puac thun 2025, Ban Can Tho  ba tabiak bruk kham merat jak ba, taduan labaih 25.000 don vi darah piah ngak hu bruk ba tabiak di Mban tacei ba pakat negar jak ba urang halan hatian brei darah.

Apui khuah rah tabiak trak di Kong ty TNHH I.T di jalan Tân Hiệp 14, TPHCM di TP. Tân Uyên, tinh Binh Duong dahlau diah, di page ini 15/12, apui mbang abih 1.000 m2 sang xuong. Gah chuc nang peih ngak rilo jalan, kham pruh ia piah padam apui. Mbiah tal labaih 8 mon, apui khuah hu padam. Apui khuah  oh hagiat tal manuac min sang xuong, drap ar dalam nan apui mbang jeng bau abih.

Indonesia daok jhul pakhang bruk pandar ngak dom kong nghe, abih di nyu nan lac bruk pandar tri tue nhan tao (AI) piah patrun khat lahik kayua bala meng langik. Bruk ngak nan hu ba tabiak tuk ribuk ia sua saong glut jaleih taneh  rah tabiak jaik ini ba tal labaih 1 ribau urang metai saong lahik, ngak jhak tal labaih 3 trieu urang. Dom urang ilamo mboh lac, AI meda kuhria dut iek ia ribuk sua piah panduan ba urang nao labik karei plaik njiak hu salamat samar drah. Ban ine Jakarta ngak blaoh saong daok ngak patagok he thong pandar AI kuhria dut iek ribuk ia sua di gah kraong Ciliwung.

Labaih 1.000 urang ngui cuh jeng dom ong taha Noel ndih radaih juah tapa pasak ban ine London, Anh, brei mboh thun ka 11 di bruk Santa Cruise piah ja ba urang rik jien daong ka uranaih ruak baoh hatai hu jeng bruk bhian ngak yaok thun di ban ini. Ngui cuh  atagok ruo khan ao sambo bhong, ndik radaih juah  BMX hu ngak veik, dom ong taha Noel bui sambai cheih chrai juah radaih tapa dom labik sajarah dakrai  di London yau Tu viện Westminster saong Cung điện Buckingham piah rik jien daong ka uranaih ruak baoh hatai.

Tay Ban Nha hu 4 sruh jit ruak kum manuk ada di cim glai pak pasak Madrid, min  oh ka mboh urang halei njom ruak. Dalam dom adit tapa, gah khik iek glai di Madrid ramik yaok rituh anek kaok metai kayua kum manuk ada, hu harei tal labaih 100 drei. Dom sruh jit ruak nan di Madrid  daok dalam tuk tamuh jit ruak manuk ada biak praong oh ka bhian mboh di chau Au thun ini. Tui Jabat khik iek kaya mbang di chau Au, 29 taneh ia khan brei thau hu yaok ribau cim glai njom ruak./.