Pahadar 78 thun Harei Thuong binh - Liet si dom don vi di Bol lin Bien phong TP.HCM hu peih ngak dom bruk pahadar ndung bak makna. Đồn Bien phong Phước Tỉnh mai rivang saong alin brei 5 paok pandap ka dom baoh sang dalam sarak karja, urang ngak bruk daong karja dalam tinh. Di Đặc khu Côn Đảo, Chi đoàn Đồn Biên phòng Côn Đảo pambuak haong dom don vi bol lin ayut ramik ngak pagheih veik  dom Kubo kanum Hàng Dương. Rilo bruk ngak nan brei mboh jalan diukrai “Menyum ia hadar tal halau ia”, lac bruk hadar dhar phol  di dom urang jakar, urang lin Bien phong TPHCM hu ngak rilo bruk daong taneh ia di dom rairah nao dahlau.

Tinh Gia Lai meda daong bruk ngak dom urang jakar, kong chuc, vien chuc saong urang ngak bruk salih labik ngak bruk birau meng pasak ngak bruk karja klak ( Ban Pleiku, tỉnh Gia Lai klak) mai pasak hanh chinh birau (Ban  Quy Nhơn, tỉnh Bình Định klak) saong gilac veik hu daong jien abih tih 6 trieu dong sa bilan. Ini lac sarak ngak brei sami samar saong lagaih haong raidiuk, piah ba mbuan lagaih ka raidiuk hu tani tanat, daong urang ngak sahanang hatai ngak bruk, sumu haong bruk gam tinh, ban di karja. Sarak brei ngak tui meng ini tal abih harei 30-6-2027.

Hadei jaik 3 adit peih ngak, jit vu radaih pajeng ba oh mek jien ka labaih  5.000 mbang urang jakar, kong chuc mai meng Binh Duong saong Bà Rịa - Vũng Tàu (klak mai TPHCM) ngak bruk. Urak ini, yaok harei hu labaih 300 urang jakar  hu pandar jit vu ini. Tukvak anak tal, So Padang ngak TPHCM pambuak haong dom so, dom gah piah yaok kuhria saong pasang iek ka njauk bruk caong khin nao mai piah ba tabiak jalan ngak hu lagaih.

Hajan praong gam hangin khang dalam dom harei tapa ngak glut jaleih, par tabung 30 baoh sang di Ban Can Tho, kuhria khat lahik jiak 400 trieu dong. Hadei bala rah tabiak, jabat chuc nang saong karja palei jak ba dom gah daong ka bhap bini ramik pasiam veik, tani tanat raidiuk, khik brei salamat manuac urang saong drap ar, takik khut khat. Gam haong nan brei daong tapak tal tangin urang 31 trieu dong ka dom baoh sang gaok khat lahik.

Di Dong Thap, hajan praong gam hangin khang di page harei 23 bilan 7 ngak jalei 28  baoh sang, par tabung 12 baoh sang gam var ro manuk di xã Ba Sao. Abih di nyu lac bala meng langik tasik ngak 8 urang njauk rambuac hu ba tame Pasak Y te xa saong sang iek ruak piah jru ruak. Dalam page ini, karja pak ini samar jak ba bol lin hu mbaok di labik rah tabiak bala piah ramik pasiam dom jalan mbak. Tui nan, ramik pasiam sang danaok, pajeng ba kaya mbang daong ka bhap bini rahra gaok kan kandah.

Tong thong  Donald Trump khan lac, tui ginum biai njauk gauk dua taneh ia, Indonesia peih pabah mbang darak pasar ka dom pandap nda kong nghiep, kong nghe saong kaya nong di My tapa bruk lang talaih 99% paga pacang jien je di taneh ia. Mỹ pablei kaya di drei tapa Indonesia ngan haong jien je 0% dalam tuk Indonesia bayar 19% jien je ka ndap nda blei tame Mỹ, darak pasar siam abih di dunya.

Thái Lan pathau khan bruk daok jhul pakhang bruk chap mek ndap nda ja, pataom tame dom pasak pablei salih saong balh website pablei ndap online praong. Dalam  6 bilan akaok thun, dom jabat chuc nang duah mboh saong chap mek 1 trieu 300 ribau ndap ja, ndap ngak mblak. Dom ndap nda chap mek hu gam khan ao, kaya ngak radaih saong kaya iek pabah prein yawa. Dom pandap kaya nan oh lac hu ginup tanut chuan salamat, meda hu asar jru mek, ngak jhak tal prein yawa urang pandar.  

Karja saong gah daong urang gaok bala tỉnh Gyeongsang Nam, Hàn Quốc daok kham merat duah urang lahik saong pasiam veik raidiuk hadei hajan ribuk khang oh ka bhian mboh meng lavik mai. Urak ini, daok 4 urang lahik, dalam tuk khat lahik rilo drap ar kayua hajan ribuk. Tui kuhria mboh dahlau, kahat lahik tal 130 ti won ( labaih 100 trieu USD), hu rilo baoh sang, jalan saong danak dak duh ka bhap bini khut tayak atau khut abih. Kuhria tal tuk ini, daok labaih 540 baoh sang di 7 ban sit  dalam bhum oh ka hu dien pandar./.