Rajaei brei ba tabiak Sarak mien thi thuc ka bhap bini 12 taneh ia nan lac:  Vuong quoc Bỉ, Cong hoa Bulgaria, Cong hoa Croatia, Cong hoa Séc, Hungary, Đại Cong quoc Luxembourg, Vuong quoc Hà Lan, Cong hoa Ba Lan, Romania, Cong hoa Slovakia, Cong hoa Slovenia saong Lien bang Thụy Sỹ brei daok dalam 45 harei piah sirah ma-in, oh lac ho chieu halei. Sarak mien thi thuc piah pachreih urang mai sirah rivang ma-in.

Piah kuhria ginup tapuk ka thun bac birau 2025-2026, Gah ngak tabiak tapuk Pato megru Viet Nam hu in tapuk, parabha tapuk, brei pabak ginup tapuk ka anek saih dahlau tuk tame thun bac birau. Gam haong bruk in tapuk piah caga pabak ka dom bhum palei  gaok kan kandah yau bala meng langik tasik, ia ribuk sua…Piah klak blei tapuk ja, tapuk pablei dauk, Gah ngak tabiak tapuk Pato megru Viet Nam kakei dom amaik ame blei tapuk ka anek bik drei di dom labik ngak tabiak tapuk di Gah ngak tabiak tapuk Pato megru Viet Nam.

Tinh Lam Dong daok jhul pasamar bruk padang ngak 2 sang bac akaok meti dalam 5 sang bac di 5 xã bhum taneh taphia negar di tinh. Yaok sa sang bac hu padang ngak 30 bilik bac,  brei ginup  labik bac ka labaih 1.000 aanek saih. Langiu di sang bac  hu buh jien tame ngak labik ndih daok mbang huak saong pato megru di labik bhum taneh taphia negar. Tinh Lam Dong hu 5 xã bhum taneh taphia negar kan kandah dalam nan hu Quảng Trực, Tuy Đức, Thuận An, Thuận Hạnh saong Đắk Wil hu rahra bhap bini hu labaih 40%. 

Urak ini, taneh glai di Dong Nai praong abih di bhum Dong Nam Bo. Kuhra abih tih taneh glai saong taneh glai pala dalam quy hoach 3 janih phun glai lac jaik 349 ribau hecta, meblah hu labaih 27% taong abih taneh glai. Glai di labik ini hu rilo janih athur, phun kayau krih, brei khik caga. Njauk ndem tal lac dom labik glai: Bein pakat negar Cat Tien, Bein Pakat negar Bu Gia Map, Labik khik ramik Alam dunya – Ilamo Dong Nai… Dom thun tapa, meng bruk khik iek glai di tinh Binh Phuoc( klak) saong Dong Nai (klak) hu sangka caga nan ye taneh glai saong bruk phun kayau me-om hijao hu ngak tui. 

Lambaok dom don vi pambuak tal xã Long Phú, ban Cần Thơ hu mai rivang  saong daong ka bhap bini khat lahik kayua bala meng langik tasik. Gam haong nan hu daong jien  ka 5 baoh sang khat lahik trak. Ini lac bruk daong samar, piah dom baoh sang urang  hu lagaih ramik pasiam sang danaok, tani tanat raidiuk. Dahlau di nan, biar harei 10 bilan 8, di palei Nước Mặn 1, xã Long Phú hu hajan praong gam hangin khang, ngak khut tayak 9 baoh sang di bhap bini.

Tong thong Mỹ Donald Trump sanya meda patrauk dom urang daok ban glai ban glo rah labik tabiak truh ban ine saong ba tame guk dom urang hu duis. Sa rajakar My klak rabha, yaom lac bruk ngak di Tong thong Trump oh ka cambaic laic min karja daok caga kuhria peih ngak yaok rituh  urang lin Ve binh negar mai Washington piah piah caga bruk trun jalan  ka bruk urang tame negar, oh huac bruk cagar veik di karja bhum palei. Di mang xa hoi Truth Social, Tong thong Trump cih vak: “Urang oh ka hu labik daok brei nao labik karei, chip samar. Khol dahlak brei ka dom urang nan labik daok, min atah di ban ine.”

Hajan praong dui atah mon di melam 10 bilan 8 ngak ia dauk saong glut jaleih trak di tinh Kumamoto, Nhật Bản ngak lahik rilo urang. Rayo papar bunguk pak ini mboh hu rilo baoh sang, kuan pablei sakih saong radaih dauk dalam ia labaih 1m, dalam tuk ia kraong tagok glong ba theik radaih saong ngak khut  jalan mbak. Labaih 3 trieu urang di dom labik gah Pei tỉnh hu panuac kakei dahlau atau brei panduan ba, dalam nan  hu labaih 384.000 urang, brei panduan ba samar chip.

Jabat Khi tuong Israel khan lac langik pandiak catang daok me-om tagok taneh ia ini meda tagok glong abih kuhria meng lavik mai di kreh adit. Pandiak di labik danao ia Galilee tagok tal 490C. Dalam tuk nan, Thung lũng Jordan langik pandiak meda tagok tal 510C. Yaom lac pandiak catang, min labik ini hu takik pandiak jang kayua yawa la-ar meng di Địa Trung Hải. Langiu di nan, thu lagu di gah Meraong Israel ngak mbuan rah tabiak hajan hangin, gam hangin khang tagok tal 100km sa tuk./.