Dalam mbang nyaom 48, peih tabiak harei ini Uy ban Thuong vu Quoc hoi brei panuac ka danak dak Hukum ramik pasiam, pabak dom asar kadha Hukum Pato megru, danak dak Hukum Pato ndai hoc (pasiam veik); danak dak Hukum Pato megru bruk ngak (pasiam veik). Ginum biai ka bruk tapuk bac pho thong, UBTV mboh lac, njauk brei hu sa bo tapuk bac yau gauk kayua Mentri Pato megru ngak tabiak, gam haong dom bo tapuk karei piah hu hasa danak dak bac yau gauk. Akok Quoc hoi  ong Trần Thanh Mẫn kakei lac, njauk brei pasang iek, roh duah tani tanat sarak nan piah hu dom bruk ramik pasiam, njauk tui bruk bac, lagaih haong raidiuk. Anak tal khol drei njauk pandar hasa tapuk bac yau gauk.

Pho Thu tuong Hồ Đức Phớc birau tacei ba lang talaih dom kan kandah, tavak tavaiy tuk peih ngak dom danak dak pakat negar dalam tuk peih ngak karja palei dua pakat. Dalam nan caong khin urang jakar dang akok dom jabat pataom tame langyah tantu dom bruk tavak tavaiy ka sarak, ngak njauk tui dom danak dak pakat negar gam gam, oh klaih klaoh, kham merat ngak salah blaoh, bruk ngak tui yaok danak dak kayua Quoc hoi jao ngak.

Di Nyaom roya lambaok Ndang bo mbang ka I, phuong Vũng Tàu ba tabiak kham ngak hu jeng “labik khang gah sirah yulit”pakat negar saong dunya. Ong Nguyễn Tấn Bản, Bi thu Dang uy phuong sahaneng yaom lac birau dak padang hadei pagam, phuong Vũng Tàu hu taduan angan je yulit biak praong, nan lac angan “ Ban yulit hacih sa-at ASEAN” dalam rilo thun gam gam.

Danak bruk kuac, ramik pasiam ribong Kênh Đôi (Quận 8 klak) hu padang ngak. Bruk ini yau brei mboh makna praong di danak dak ramik pasiam saong patagok ndo thi suai lavik di TP.HCM. Bruk danak dak padang ngak njauk hatai caong khin di rahra bhap bini di labik ini meng dom thun tapa. Danak dak praong labaih 40.000 baoh sang. Bruk padang ngak rah tabiak njauk harei salam pahadar 80 thun Harei negar- harei 2 bian 9 saong Nyaom roya Ndang bo TPHCM mbang ka I.

Dom ruak di manuac pak tinh Lam Dong daok rah tabiak dalam kan kandah. Dom urang ruak sởi, ruak panjiak tabiak darah, ruak tangin takai cambuai parilo, mbuan tamuh jit ruak. UBND tinh Lam Dong caong khin Sở Y te saong karja palei, kham merat tacei ba, peih ngak siam dom jalan pacang caga jit ruak; brei ginup urang ngak bruk, jru tavao, mac jamraih y te saong ndap nda. Caga urang ngak bruk gah langiu piah pacang cakak jit ruak di dom labik mbuan hu ruak, langyah dom bruk tuk jit ruak rah tabiak.

Dom mbang ruak panjiak kayua virus chikungunya daok parilo tagok di dom taneh ia chau A, yau di Trung Quoc saong Singapore. Ruak kayua virus chikungunya njom mbak kayua jamoh vằn kaik nan lac janih pambak ruak panjiak tabiak darah saong Zika. Dom ruak kayua virus chikungunya bhian mboh meng 3 tal 7 harei, hadei tuk jamoh kaik. Urang ruak pandiak dalam rup glong labaih 38,5 do C, pandik talang, pandik akaok, barah rak, pandik meta, glaok ta-ok, atau tagok baoh.

Kanja ban ine Phnom Penh - Campuchia birau tabiak sarak brei pakauk njuk pakao di labik “ Pho nao tabiak” danei angan di ban ine piah jhul pakhang bruk sirah rivang main yulit dalam siam mekre salamat jang. Karja Phnôm Pênh kakei lac, bruk pakauk nan piah jhul pakhang bruk sirah yulit di ban ine saong dalam negar dalam hacih sa-at, siam mekre saong salamat. Negar ini kham merat pachreih hu 7,2 tal 7,5 trieu tuai damuai dalam saong langiu negar dalam thun ini.

Thai Lan cadu veik hukum pakauk padar janih ahaok peih eng, brei pandar dalam gah ngak nong gam haong rilo asar kadha tani tanat. Puac bilan 7 meng blaoh, Thái Lan pakauk pandar mac jamraih ahaok peih eng piah khin brei salamat taneh ia. Meng harei 2 bilan 8, bol lin saong canh sat Thai Lan ngak bruk pacang cakak saong ba am cuh klak mac peih eng oh cang khan thau dahlau./.