Pho Thu tuong Trần Hồng Hà birau mai rivang, alin ndap nda ka Amaik VNAH, liet si, thuong binh di tinh Dong Nai, pahadar 78 thun Harei Thuong binh - Liet si. Di dom labik mai rivang, Phó Thủ tướng caong khin dom Amaik VNAH, dom thuong binh, urang ngak bruk daong taneh ia dahlau diah prein yawa karo kajap, tuk halei jeng lac urang yau janu kareih piah ka anek taco pasang tame bac megru ngak tui, rik tame pato megru bruk ngak cach mang, hatai ranam taneh ia ka uranaih. Urak ini, tinh Dong Nai daok khik iek 83.260 harak gal ho so urang ngak cach mang dahlau diah saong gauk gar di dom urang nan.

Tui BHXH Viet Nam, 6 bilan akaok thun ini, dalam negar hu jaik 96 trieu mbang urang iek ruak tui BHYT, kuhria jien buh tame labaih 76 ribau ti dong, meblah labaih 52% kuhria tui jien piah taong ruak yaok thun. Kuhria tal abih bilan 6 thun ini, dalam negar hu labaih 12.600 balai y te hu peih bruk taong ruak BHYT ngan haong labaih 2.700 balai hu mbaoh tangin dut iek ruak.

Bao hiem xa hoi TPHCM ba tabiak paok jien daong taong abih jien blei pakat the BHYT ka urang umo ginup 60 thun tal 75 thun langiu urang padeih hưu, hadei pagam tinh, ban. Langiu di nan, dom nyaom karei jeng hu ba tabiak daong nan lac: urang ruak kan dhit, urang abih tukvak mbang jien daong lahik bruk ngak min hadei 3 bilan oh ka duah hu bruk ngak; uranaih metui, urang jaoh jo; anek saih kathaot, jaik kathaot; dom urang lin hu mbaok tame khik iek brei salamat bhum palei.

Tinh Ca Mau ngak salah blaoh Danak dak abih baoh sang oh daok taik tahal dalam tinh (hadei pagam) thun 2025. Kuhria tal tukvak ini, tinh Ca Mau hu padang ngak birau saong ramik pasiam hu labaih 9.670 baoh sang ka urang ngak bruk daong cach mang dahlau diah, gauk gar di liet si, baoh sang kathaot, jaik kathaot ka sang daok kuhria abih tih abaih 470 ti dong.

Yaom baoh la-u xiem di tinh Dong Thap daok trun  khang kayua “ ngak tabiak rilo takik urang caong blei”. Urak ini, yaom li-u that trun meteh jien dut saong thun dahlau, daok labaih 40.000 dong - 60.000 dong sa pluh. Oh lac trun yaom, bruk pablei la-u di urang pala daok gaok rilo kan kandah. Dong Thap daok pataom tame peih praong taneh pala la-u xiem, njauk ndem tal la-u balut, piah duah jien tame ka bhap bini saong salih taneh ngak padai oh lagaih. Tukvak jaik ini, urang ngak nong caik hatai pala phun la-u tui jalan pala hasa janih atau pala pablak, piah taneh pala li-u oh padeih pambak praong.

Rajaei Thai Lan iew Đại sứ taneh ia ini di Campuchia mai veik saong patrauk Đại sứ Campuchia di Thai Lan chip hadei bruk sa bol lin Thai Lan njauk rambuac trak kayua juah gaok mìn tuk ngak bruk pasang iek di labik bhum tapen negar tinh Ubon Ratchathani di biar harei 23 bilan 7. Rajaei taneh ia ini daok peih ngak dom jalan hu lagaih njauk tui bruk rah tabiak di tapen negar, gam kakei lac bruk ramik pasiam bruk pambuak talei rohim haong Campuchia njuak brei iek veik.

Gah Y te dunya (WHO) iew da-a brei ngak chip piah pacang caga bruk tamuh gilac veik di jit ruak kayua virus Chikungunya njom mbak, tuk dom mbang tamuh ruak birau njom mbak dalam thun. Ruak kayua virus Chikungunya hu mboh di 119 taneh ia, ba tal 5 ti 600 trieu urang mbuan njom ruak. Virus kayua jamoh kaik ngak pandiak, tagok baoh saong pandik talang biak trak, meda dui atah dalam rilo adit atau ba tal ruak suai lavik di 40% urang ruak.

Gah Pato megru, Khoa hoc saong Ilamo di LHQ (UNESCO) khan lac mboh biak damen anak bruk  Mỹ tabiak. Dahlau di nan, harei 22/7, Mỹ brei thau tabiak truh  Gah Pato megru, Khoa hoc saong Ilamo di LHQ ( UNESCO) kayua hu mbaok tame oh hu kein laba hagait ka taneh ia ini. Bruk Mỹ tabiak UNESCO ngak kan kandah ralo tal dom danak dak yau Drap ar dunya, pato megru  di dunya saong ilamo cak rok patagok./.