Akok UBND tinh Lam Dong Hồ Văn Mười caong khin dom so, dom gah brei lang talaih dom kan kandah, tavak tavaiy dalam bruk peih taneh, abih di nyu lac yaom taneh, ka dom KCN praong di bhum tapen tasik birau di tỉnh (dahlau diah lac tinh Binh Thuan) piah jhul pasamar tukvak ngak dom danak daka praong yaok ti dola My. Ong Hồ Văn Mười tacei ba dom don vi  pambuak tal brei kham pambuak, lang talaih dom kan kandah ka dom po buh jien tame ngak ha tang khu cong nghiep huyen Hàm Tân, tỉnh Bình Thuận dahlau diah.

Tinh Gia Lai ngak salah blaoh bruk ngak brei abih baoh sang oh daok taik tahak, hu labaih 12.500 baoh sang hu padang ngak birau saong pasiam veik. Ta-eng  bru daong padang sang ka urang hu ngak bruk cach mang meng kan dahlau saong urang dalam baoh sang liet si, mbiah tal ini tinh Gia Lai ngak salah blaoh hu taong abih ngan haong jaik 2.450 baoh sang. Danak dak  daong padang ngak sang birau saong ramik pasiam veik sang daok ka urang hu ngak bruk cach mang, baoh sang kathaot saong jaik kathaot di Gia Lai, rik daong khik brei tani tanat raidiuk ka bhap bini rahra, rik tame ngak siam dom danak dak pakat negar ka bruk patrun kathaot khang kajap.

Ban raya HCM peih ngak siam dom jalan dinh danh dien tu saong brei inem sinh trac hoc di sang ga T3 mblang kapal haok Tân Sơn Nhất, daong ka tuai damuai ngak harak gal hu samar tapa ung dung VneID, salih harak gal meng dahlau. Ini lac tame ngak vaktu ka 2 dalam bruk  pandar kong nghe taka so dalam taong abih gah di dom mblang kapal ahaok, brei ka tuai damuai peih ngak ngak rilo harak gal an ninh, check-in  saong tagok ahaok tapa tut angan sinh trac hoc tapa ung dung VneID di asar kadha praong di Danak dak 06 piah pambak praong bhap bini pandar taka so saong rajaei so.

Ong Trần Văn Thi, Yam ndoc Mban Khik iek danak dak Mỹ Thuận khan lac, mbiah tal ini, tukvak peih ngak Danak dak tatua Rạch Miễu 2 hu salah blaoh 99%. Akaok tatua, rup tatua hu ngak salah blaoh bruk tuh betong mbaok tatua saong ngak salah blaoh dom bruk praong. Dom don vi daok peih ngak iek dahlau dom bruk yau dut kuhra talei văng, trun takik megei, peih bruk pasang iek tatua brei pajeng trak. Tui kuhria harei 31 bilan 7 anak tal, meda ngak salah blaoh tatua Rạch Miễu 2 piah akok bilan 8 brei pasang iek blaoh ba tame pandar dahlau harei Negar, harei 2 bilan 9.

Bein pakat negar Tràm Chim, tỉnh Đồng Tháp lac labik pataom dom phun kayau, athur, cim brim karei krih dalam nan hu rilo athur daok biak takik oh labik halei hu, gam lac labik sirah rivang ma-in  patagok karo kajap. Ni lac khu Ramsar kadua di Việt Nam saong ka 2.000 di dunya. Bein pakat negar Tràm Chim daok sangka iek glang seu akaok bhong  taduan mai meng Thai Lan, tui nan pamedeih veik phun padai mrieng meng kan, mblang năn kim brei lagaih ka dom cim brim karei krih takik labik halei hu.

Akaok mentri Ngoai giao Mỹ Marco Rubio khan lac, urang jakar di Mentri ini  hu mbaok di Malaysia saong tuk halei jeng jhul pakhang bruk kham merat khik brei sron mbon salamat. Akaok mentri Ngoai giao Mỹ brei thau hatai sahanang di Mỹ cang khin bruk cuang kandah di Thái Lan saong Campuchia hu padeih dak samar dak siam. Tui jalan ba tabiak dahlau di nan, mong 15 tuk harei ini, di Jabat Thu tuong Malaysia di Kuala Lumpur, kapol urang jakar Thái Lan kayua Quyền Thủ tướng Phumtham Wechayachai dang kaok meda mai biai haong gah Campuchia kayua Thủ tướng Hun Manet ba kaok. (VOV)

Di Nyaom biai Tri tue Nhan tao dunya 2025 birau peih ngak di Thượng Hải, Trung Quốc, Tap doan kong nghe Alibaba brei thau ka kaya camin thong  minh hu pagam  kong nghe AI akaok meti kayua hang ini roh duah ngak tabiak saong patagok. Ong Tống Cương, urang dang akaok mang thiet bi di Alibaba khan lac, dalam tuk roh duah bac megru saong ngak tabiak blaoh, kaya camin nan hu ba tabiak dalam thun ini. Ndem ka yaom kaom pablei saong ba tabiak hu Alibaba ar khan tukvak anak tal.

Bein athur Chester di gah barak negar Anh birau khan ka bruk menek sa drei jamngu patih biak takik hu mbang akaok meti di labik ini dalam jaik sa abap tapa. Amaik ame di nyu lac Nubra saong Yashin, umo 3 thun nde gauk, hu pagam tame gauk di thun 2024 tapa danak daka ngak tabiak pajaih dunya. Jamngu patih lac janih athur  mbuan lahik abih ngan haong dua klau pluh drei di alam glai glo. Yau nan min, bruk menek tabiak sa drei jamngu patih di labik raong dalam var meda ngak pajaih pambak praong piah khik janih athur patih ini ka harei hadei.