Phaok Thu thuong Mai Văn Chính gam haong kapul ngak bruk bahrau hu mbaok di Harei peih bruk “Jalan ngak Quang Trung” samar chip padang, pasiam sang daok ka dom baoh sang khut tayah, jaleih kayua bala di tinh Lam Dong. Mbang hajan ia sua bahrau blaoh tinh Lam Dong hu 23 baoh sang di rahra jaleih, ia theik taong abih njauk brei hu padang sang bahrau; 206 baoh sang khut tayah brei pasiam. Dom bruk njauk padang bahrau hu tinh daong 120 trieu dong; bruk pasiam, yaok baoh sang hu daong meng 20 tal 40 trieu dong.

Mentri Pato megru birau ba tabiak dự thảo Thong tu ka tanut chuan, quy trinh salih saong peih bruk pasang iek tapuk bac dien tu vak tui danak dak pato megru pho thong piah duah thau mek panuac rik tame di dom jabat, dom gah, dom urang. Tui Mentri Pato megru, bruk vak tapuk dien tu rik tame ngak brei hu rilo kadha bac megru pagam haong dom lagaih di Viet Nam saong lagaih haong bruk pato megru tui ilamo birau di dunya, khik hu kein laba ka urang bac da-a. Dahlau di nan, dom urang jakar Quoc hoi caong khin ramik ngak tapuk dien tu, lagaih haong bruk salih taka so dalam bruk pato pakai. 

Bol lin Bien phong Ban raya Ho Chi Minh peih mbang tabung glaong pacang caga kol duas tapen tasik, kaoh pulao saong pabah lamnghe di dahlau saong hadei Tet nethak Asaih Waw 2026. Hu makna abih lac kol duas jru phil, rilo meng lac pabah lamnghe; pataom tame pasang duah, ngak tantu dom jalan talei pajeng jru phil pambak tame bruk pablei tabiak blei tame, jirah rivang… Meng akaok thun tal ini Bol lin Bien phong Ban raya Ho Chi Minh hu duah mboh 325 mbang ngak duas hu 540 urang. Ndap nda pataom khik hu labaih 157 kg jru phil, labaih 137.000 lit menyek, yaok rituh paok pakao hala pablei dauk tame…

Mikva pala bingu di palei bingu Mỹ Phong, tinh Dong Thap, daok thuvi thuvar haong bruk pala drak, oh lac hajan ribuk min daok ndam gam haong bruk pala bingu saong iek glang piah brei tabiak bingu njauk pablei tuk Tet, asar siam. Tet thun 2026, palei binguk Mỹ Phong pablei tabiak darak pasar  jaik tha trieu yot binguk dom janih. Langiu di nan, urang pala bingu Tet daok ba darak pasar  binguk bilan pataih  di Mblang bein Hùng Vương saong dom labik karei piah pablei.

Di Bhum taneran kraong Cuu Long, hatai caong pablei bamao pong glaong di bingun Po Rami dalam tuk bruk pabak di rilo bhum palei hu patrun. Dalam labaih 1 bilan tapa, yaom bamao pong tagok meng 5.000 – 15.000 dong sa kilo saong urak ini hu khik tani tanat di tanut glaong. Di dom bhum pala, bamao pong vil hu pablei haong yaom 60.000 – 75.000 dong sa kilo. Tui dom baoh sang urang ngak nong di ban Can Tho yaom bamao tagok kayua oh ka tame yuak padai, dom bhum njauk dauk dalam ia nan jaik yau oh hu pong piah ngak bamao. Di Can Tho, thun 2024 hu labaih 2.248ha taneh ngak bamao pong. Bruk pandar kinh te payeng meng pong nerang hu daong ka urang ngak nong parilo jien mek tame 25-35% dut saong bruk tok pala padai yau bhian.

Thong doc Bangkok caong khin dom jabat karja saong doanh nghiep brei adat ka urang ngak bruk di sang meng harei paguh 4/12, piah trun thak nerak di radaih saong dhur mur klik PM2.5 daok haduh hatai. Urak ini, ban ine Bangkok daok dalam dhur mur, bhian dui atah meng bilan 11 tal bilan 2 yaok thun, langik la-ar takik hangin, thauk di radaih saong bruk cuh pui athak meng dom taneh ia jaik taphia. Bhap bini hu kakei  brei cuh pataih pacang idung PM2.5 saong takik tabiak gah langiu.

Dom urang metai kayua hajan ia sua saong jaleih taneh di Sumatra, Indonesia hu tagok 631urang, 472 urang jeng lahik. Dom jitvu y te gaok rilo kan kandah kayua yaok rituh labik y te oh ka hu ngak gilac. Anak bruk jit ruak hadei bala bahrau rah tabiak, rilo meng lac di uranaih. Kapul Pacang caga ruak AIDS hu pandar rajaei negar ini samar chip khan brei thau bruk bala jit ruak di negar, piah hu dom jalan patakik bruk mbuan gaok kanjah jhak ngan haong prein yava di rahra.

Mỹ  brei padeih pasang iek taong abih dom harak likau tame negar, dalam nan hu the pakat hijao saong langyah harak gal likau tut angan taneh ia, ngan haong harak meng 19 taneh ia, kayua huac kandah bruk lahik salamat taneh ia saong khik siam ka manuac sia. Kuhria meng tuk gilac veik mai Nhà Trắng, Tổng thống Donal Trump brei ngak tui hukum tame negar, brei ka urang jakar lien bang tal dom ban raya piah pasang iek saong oh taduan harak likau daok ti nan./.