Rajaei pok tagok Quoc hoi du thao Sarak di Quoc hoi salih, pabak dom kadha Sarak ka 98 ka bruk ngak iek dahlau dom kadha, sarak karei piah patagok Ban raya Ho Chi Minh. Sa dalam dom bruk hu makna lac du thao Sarak pabak ka asal kadha ka bruk padang labik pablei salih bebas Ban raya Ho Chi Minh. Bruk pabak ini piah ngak jeng labik karei, ngak hu jak jeng ka labik pablei salih tui hatai takre di Ban raya Ho Chi Minh dreih yau Ban Hai Phong saong Ban Da Nang piah dui pachreih buh jien tame siam laong, patagok jitvu bahrau saong jhul tagok salih bahrau hadah krah, daong ba ban raya jeng sa pasak kinh te, jien padai, pablei salih pakat dunya di dalam labik. Rajaei ba tabiak bruk jao thẩm quyền ka UB Bhap bini Ban raya Ho Chi Minh mbaoh tangin brei padang, peih praong, pasiam tapen Labik pablei salih bebas.

Urang jakar di UBND xã Long Hải, TPHCM ( Bà Rịa - Vũng Tàu dahlau diah) tame tal yaok baoh sang bhap bini piah pathau khan ka bruk pacang caga bruk taong chap kaya ia tathik suan hukum piah atah lang talaih pakat “the kanyik katam”. Di sang dom urang nao ngak mbang di tathik, kapol urang jakar dakwah pathau khan dom asar kadha pambak tal bruk kakei dahlau “pakat the kanjik katam” di EC. Tui nan pathau khan ka dom bruk yau taong chap kaya dalam ia suan hukum di bhum tathik negar langiu, cakak padam mac jamraih pasang iek bruk taong chap kaya ikan tathik. Urak ini, UBND xã Long  Hải hu labaih 1.200 kapla gilai nao ngak mbang di tathik.

Di tinh Lam Dong, hadah page ini, ia sua pagam hoang hajan praong ngak ka labaih 1.000 baoh sang rahra di palei 1 saong palei 2 Phước Thể, xa Liên Hương (huyen Tuy Phong, Binh Thuan klak) njauk ia dauk meng 1m – 1,5m. Labaih 100 ha taneh ngak nong di 2 tapen kraong Lòng Sông njauk ia dauk dalam; dom athur raong njauk ia theik. Taong abih khat lahik kuhria meng akaok meti di Liên Hương lac labaih 30 ty dong. Dalam tuk nan, UB Bhap bini phuong Hàm Thắng, njauk brei panduan rahra samar chip tal labik salamat.

Di xã Cái Bè, tỉnh Đồng Tháp daok rah tabiak rilo bruk ngak praong prang di Harei roya Ilamo - Yulit Palei meng kan Đông Hòa Hiệp mbang ka 6 kayua So Ilamo - The Thao saong Yulit Đồng Tháp peih ngak. Biak gheih karei nan lac bruk padang veik darak pasar angaok kraong Cái Bè, ini lac bruk pablei salih, mbak carak ilamo kaya mbang, ba mai ka tuai damuai rivang iek hu thau ka dom ilamo karei di bhum kraong ia. Darak angaok kraong Cái Bè hu meng abap 17. Ini lac labik peih bruk pakacah vah ghe di bhap bini dom tinh piah pablei salih ndap nda.

Kong an xa Hưng Thịnh, tinh Dong Nai (huyen Trảng Bom, tinh Dong Nai klak), taduan hu khau tin gai xang Hiệp Phú hu urang likei dam njauk chot pagat pablei tapa Campuchia. Nan lac Hảng A Chù (umo 18 thun, daok di Lào Cai). Dahlau nan Chù ngak krein saong sa urang angan Hiếu tapa mang xa hoi. Urang nan pagun sanya lac brei ngak bruk duh tuai di radaih hu jien bilan meng 5–6 trieu dong sa adit. Chù ndik radaih pajeng tuai meng Ha Noi tame Ban raya Ho Chi Minh. Tuk nao tal labik, sa urang peih nduac radaih mai raok saong pajeng nao tal gah Long An klak. Tuk maong mboh hala dok Campuchia, Chù meng thau lac drei njauk chot pagat. Dalam tuk urang peih nduac radaih dang radaih piah brei nao njuel drei, Chù klak nduac saong nduac takai tui gah tame Ban raya Ho Chi Minh. Kong an kakei rahra: Oh je dom panuac da-a ngak bruk ngan haong jien mek tame glaong oh yau bhian; oh jao harak gal di drei ka urang karei oh krein. Tuk thau medil ka bruk njauk chot pagat, brei khan tal jabat Kong an labik jaik abih.

Dom khat lahik kayua ribuk ia sua meng blaoh oh ka ramik blaoh, ye jabat chuc Thái Lan daok hajan praong ba tal ia di dom kraong tagok tal 2 met saong mbuan sre ar. Bhap bini daok tapen kraong, tacei pato pacang caga saong bhian khan brei thau, tacei ba meng jabat chuc nang. Dalam tuk nan, bol lin karja daok sami samar pasang iek, ngak brei kajap dom ar kraong ribong.

Malaysia brei pambuak veik bruk duah ahaok MH370 kuhria meng harei 30/12 anak tal. Bruk mbang ini brei pataom tame dalam dom labik hu taong yaom lac meda hu duah mboh ahaok par, yaom lac labik di nyu oh ka hu brei thau. Mbang par hu lek taka MH370 pajeng 227 tuai damuai saong 12 urang ngak bruk di angaok ahaok nan lahik biak kandauk meng jalan par meng Kuala Lumpur tal bac Kinh di thun 2014.

Lien hop quoc parabha 6 trieu dola My ka dom urang brei panduan ba nao labik karei kayua kalin kan di tinh gah barak Mozambique. Meng bilan 11 mbiah tal ini hu jaik 100.000 urang klak sang danaok kayua kalin kan taong paoh. Uranaih takik hu ia hacih piah pandar, dom bruk khik iek sangka prein yawa, jit ta aih caraoh daok pambak praong. Tui LHQ, jaik abih dom phun jien daong praong ralo abih. Jalan daong pahala  thun ini ka Mozambique tal labaih 28%./.