Patui veik danak dak mbang ka 10, harei ini (5/12), Quoc hoi nyaom biai taong abih maong iek jalan buh jien tame Danak dak jalan ngak pakat negar ka palei pala bahrau, patrun kathaot karo kajap saong patagok kinh te - xa hoi bhum urang bangsa takik, bhum ceik tal thun 2035. Tui dom urang lambaok vakil, kan kandah praong abih ndih di kapul tanut patrun kathaot rilo gah, dalam nan hu jalan ngak “100% xa kathaot dalam negar hu patruh kathaot, bhum bangsa takik saong bhum ceik anak meta oh daok palei biak kan kandah”. Ini lac tanut hu taong yaom lac biak glaong tuk jeng daok rilo palei, xa biak kan kandah.

So Kong Thuong, So Tai chinh, Hiep hoi Doanh nghiep Tay Ninh saong Gilang pariak Karja di Bhum 13 birau pambuak harak Quy che pambuak bruk. Bruk praong di danak dak nan lac “ pambuak sa bruk” piah langyah ka phun jien, darak pasar saong sarak rak daong, ba klau bruk oh kurang hu daong ka gah ngak mbang pablei salih kajap. Tinh Tay Ninh urak hu labaih 1.800 doanh nghiep ngak bruk pablei salih tabiak negar langiu. Dom doanh nghiep caong khin hu daong phun jien, darak pasar saong salih taka so, njauk ndem tal bruk pablei salih dien tu tapa dom negar.

Ban raya Ho Chi Minh kuhria peih praong jalan Nguyễn Tất Thành tagok 30 - 40m, padang bahrau tatua Tân Thuận 1 saong labang luak Hoàng Diệu hu taong abih phun jien buh tame ngak jaik 3 ribau ty dong, piah langyah bruk gar jalan dui atah di pabah mbang pambuak pasak haong labik Meraong Ban raya. Jaik tal Ban raya Ho Chi Minh jeng brei peih ngak danak dak peih praong Gilang pariak Ho Chi Minh – hu labik dhan di Ban raya Ho Chi Minh di labik taneh Nhà Rồng – Khánh Hội, taneh praong labaih 329.000 m². Danak dak ini hu kuhria patagok jeng pasak di Labik ilamo Ho Chi Minh.

Hajan ribuk dalam harei 4 bilan 12 di tinh Lam Dong, tinh Binh Thuan dahlau diah) ngak dauk jaik 3.300 baoh sang dauk dalam ia; labaih 3.300 ha taneh pala drak ia dauk, gaok kan kandah khat lahik; 24 gilai ikan klaoh talei, kram: labaih 4.000 drei limo kubao, manuk ada metai, ia ba theik; khat lahik 300 met vuong danao raong ikan. Kuhria taong abih tih jien khat lahik labaih 88 ti dong. Hajan jeng ngak metai dua urang. Urak ini rilo labik bhum tasik daok dauk dalam ia.

Balai kuhria hajan ia sua Dong Nai khan brei thau, ia di angaok Kraong La Ngà daok tagok samar, di balai Phú Hiệp, ia tagok jaik tal tanut njauk kakei caga ka 1. Tanut ia bhum ala kraong Dong Nai daok tagok glaong tui tukvak ia ndik di harei Po Rami bilan 10 tui saka ia bulan, di balai Biên Hòa ia ndik tagok glaong, di tanut njauk kakei caga ka 1 (1,8m) saong tanut njauk kakei caga ka 2 (2m). Dalam 5 harei anak tal, di balai Biên Hòa tanut ia ndik patui veik daok tagok, tagok glaong abih meda tal tanut njauk kakei caga ka 2.

Kapal ahaok Phương Đông di Trung Quoc peih jalan ahaok par atah abih di dunya, meng Thượng Hải tapa New Zealand tal Argentina. Atah labaih 20.000 km, mbang apar atah abih kuhria meng lavik mai di dunya, ngak brei katut veik tukvak ahaok par meng Trung Quoc saong Nam Mỹ labaih 4 mon(tukvak). Urak ini, Trung Quoc hu dom jalan par tapak tal 83 taneh ia, ngan haong labaih 200 labik di dunya, kuhria rah tapa labaih 900 mbang apar tal dom taneh ia karei di dunya yaok harei.  

Jabat Sron mbon My, sa jabat hu padang 41 thun piah langyah dom asal kadha taong paoh saong mesuh metak di negar langiu bahrau hu salih angan jeng Jabat Sron mbon Donald J. Trump. Pathau khan hu vak di angaok mang xa hoi khan lac ong Trump sa urang pambuak ndom meyai naih joi abih dalam sajarah negar My. Kuhria meng tuk gilac mai Nha Trang di bilan 1/2025, ong Trump hu daong cakak klaoh 8 mbang mesuh metak, bahrau abih lac mesuh di Dai Gaza. Urak ini ong jeng langyah asal kadha di Nga saong Ukraine.

Quoc hoi Thụy Sĩ brei tapa jalan ngak cadu veik dom sarak pacang caga pablei phao vũ khí daong ka gah kong nghiep quoc phong daok gaok kan kandah, dalam tuk ndem lac bruk nan oh kan hagait tal sarak daong ka taneh ia. Dom kadha ramik pasiam veik birau, Thụy Sĩ brei harak pablei vu khi phao ndao tapa 25 taneh ia phuong Tay saong trun takik bruk likau ngak harak ngak veik phao ndao vu khi meng negar Thụy Sĩ. Yau nan min, hukum pakauk pablei phao ndao  tapa Thụy Sĩ daok ngak tui./.