DOM TINH SAMI SAMAR SRAP GAP TAME NGAK BRUK KARJA 2 PAKAT
Thứ tư, 15:54, 25/06/2025 ÁI NGHIÊM – MINH KIÊN ÁI NGHIÊM – MINH KIÊN
CHAM.VOV.VN - Tinh Tra Vinh padang ngak iek dahlau Pasak Duh bruk karja di 9 xa, phuong pasak. Dom tinh An Giang, Kon Tum daong jien pandar ka urang jakar tui sarak pagam tinh…
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Tinh Tra Vinh padang ngak iek dahlau Pasak Duh bruk karja di 9 xa, phuong pasak, dalam nan hu Tra Vinh, phuong Duyên Hải saong dom xa: Châu Thành, Càng Long, Trà Cú, Cầu Ngang, Tiểu Cần, Cầu Kè saong Ngũ Lạc. Dalam luac bruk ngak, dom jabat brei langyah dom bruk rah tabiak tapak hu pambuak tal bruk taduan, langyah harak gar karja ka kapul, menuac urang, dalam nan brei ka hu takik abih dua harak gar oh pambak tame labik karja pakat tinh.

Tui kuhria, tuk pagam tame 2 tinh Kien Giang saong An Giang, hu 2.228 urang jakar kong chuc, vien chuc mai meng An Giang tapa Kien Giang ngak bruk khin hu sang daok, dalam nan hu 903 mbang urang tut ngan daok di sang karja, daok veik khin pah sang daok. So Padang ngak Kien Giang ba tabiak jalan brei daok di sang karja, pah sang ka urang jakar, kong chuc, vien chuc hadei pagam tame hasa tinh. Tinh hu ba tabiak jien daong jien nao mai, jien pah labik daok glong abih lac 5,5 trieu dong sa urang sa bilan dalam 2 thun.

Tanut daong 25 trieu dong ngan haong yaok urang jakar mai ngak bruk di Pasak chinh tri – hanh chinh padang di tinh Quang Ngai saong jien padai piah daong, tanut piah pandar hu HĐ Bhap bini tinh Kon Tum brei tapa. Jien padai piah ngak hu meng kadung jien di tinh. UB Bhap bini tinh Kon Tum ciuk ka bruk mbaoh tangin ka harak angan saong pato tacei bayar jien tui sarak daong ka labaih 1.500 urang jakar, kong chuc, vien chuc, urang ngak bruk brei panduan mai ngak bruk di tinh Bahrau Quang Ngai.

TPHCM kham merat tal thun 2030 meda hu pandar taong abih radaih buyt dien, radaih pandar nang luong hacih sa-at. Piah ngak hu bruk nan, Ban raya daok kham merat ngak brei salih pandar radaih, paglong jitvu saong ba tame jalan peih radaih. TPHCM hu ngak salah blaoh bruk meriak gauk tame ngak tapa online pakat negar piah peih 37 radaih buyt dalam abih tih 55 jalan radaih khin ba tabiak ngak dalam thun ini. Dom jalan peih hu pandar radaih buyt ndien saong radaih peih meng nang luong hacih sa-at.

Page harei ini 25/6, di Sang mac ndien hareik hau Giang, Hoi dong am cuh klak – Chi cuc pasang iek darak pasar tinh Hau Giang ngak bruk am cuh klak ndap nda lac ndap nda ngak suan tui adat di karja njauk pataom mek meng bilan  1/2024 tal bilan 2/2025. Dom ndap nda njauk am cuh klak dalam nan hu takhaok, kalik juak, kadung teik, jru luk kalik, pandap mbang, pandap me-in uranaih, dom ndap nda njauk hu dalam sang,…Ini lac dom ndap nda pablei dauk tame negar, ndap nda oh thau mai meng halei, ndap nda kayua negar langiu ngak tabiak, ndap nda ngak ja angan je hu duah mboh hu, mek karreik, hu taong abih yaom jien labaih 1,7 ti dong.

Rajaei Philippines daok peih bruk daong menyek ka urang peih radaih dalam tuk menyek tagok yaom kayua mesruh metak di Trung Đông. Danak dak daong menyek hu yaom 2,5 ti peso hu harak mbaoh tangin di Mentri Nang luong Philippines. Mentri Jalan mbak saong dom jabat rajaei karei di Philippines abih hatai ngak tui jalan tacei ba di Tong thong. Dom urang hu ginup lagaih taduan bruk daong hu ba tame harak piah payua tal karja di bhum palei nan.

Dom urang daong di Indonesia hu kham merat daong sa urang tuai damuai mai meng Brazil laik trun kaplah ceik di sa baoh ceik apui Rinjani, di kaoh pulao Lombok – sa labik jirah danei angan di Indonesia. Ahaok par oh hu urang peih nduac di Indonesia hu duah mboh urang, payua mai meng thaik thaot, mboh daok diuk min ndih gindang langeik. Urak ini hu 2 kapul ngak bruk daong meng ahaok saong kapul daong meng tangin meng talei. Labaih 50 urang hu ba mai daong.

Karja di rilo bhum palei gaok kan kandah kayua hajan praong di tinh Quy Chau, nailati Trung Quoc, samar ba kapal ahaok oh hu manuac peih mai pajeng ndap nda piah palao trun dom labik daok gar cakak, gam pajeng ba bhap bini tabiak truh labik nan. Hajan praong dui atah rilo harei tapa ba tal ia kraong tagok glong di labik ban Khải Lý. Tok hasa baoh tatua pambuak palei haong gah langiu ye njauk ia ribuk dauk./.

ÁI NGHIÊM – MINH KIÊN

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023

URANG PANG DANAK DAK (THÍNH GIẢ VỚI CHƯƠNG TRÌNH)