

Page ini, gam haong labaih 1,16 trieu anek saih dalam negar, jaik 100.000 anek saih di Ban raya Ho Chi Minh yam tame mbang pakacah tamat THPT thun 2025. Ban raya hu ramik 171 labik pakacah ngan haong labaih 4.200 bilik pakacah. Yaok labik pakacah jeng hu ramik 3 bilik caga piah langyah dom bruk karei. Ban raya hu jak ba 855 urang jakar dang akaok labik pakacah, labaih 12.700 urang iek pakacah. Jaik 3.000 urang duh ka labik pakacah saong kong an daok tapak di labik pakacah…
Tinh Trà Vinh hu labaih 10.000 anek saih tut angan pakacah tamat THPT, di 31 labik pakacah. Ta-eng labik pakacah di Sang bac THCS Lý Tự Trọng brei ka dom anek saih tut angan pakacah tui Danak dak Pato megru pho thong thun 2006. Tinh Tra Vinh jak ba labaih 1.900 urang jakar, kong chuc, vien chuc hu mbaok tame ngak dom bruk tame pakacah. Langiu di nan, hu labaih 400 sinh vien halan hatian tuk halei jeng hu mbaok di taong abih dom labik pakacah, daong ka anek saih hu lagaih.
Jaik 1.800 anek saih bangsa takik di tinh Kon Tum hu mbaok tame Mbang pakacah tamat THPT thun ini. Tinh oh luai ka anek saih halei njauk klak pakacah kayua baoh sang kan kandah ka jien padai jeng yau radaih piah nao mai. Piah daong dom adei anek saih bangsa takik baoh sang kan kandah, Ban Kon Tum saong dom huyen: Đăk Hà, Đăk Tô, Ngọc Hồi, Đăk Glei, Kon Plông, Kon Rẫy, Sa Thầy hu pandar kadung jien, gam haong nan jak ba dom kapul, menuac urang daong 632 trieu dong, yaok anek saih hu daong 340.000 dong.
Tinh Khanh Hoa daok sami samar ngak salah dom bruk ramik caga piah taduan raok jaik 2.300 urang jakar, kong chuc, vien chuc meng tinh Ninh Thuan mai ngak bruk hadei harei 1 bilan 7 anak tal. Hu 100 urang jakar brei tame daok di sang karja. Jaik 2.200 mbang urang daok veik hu tinh daong jien pah sang dalam 2 thun akaok mai ngak bruk di Nha Trang, kuhria jien abih tih jaik 160 ti dong meng kadung jien Karja. Khanh Hoa hu brei radaih buyt peih meng Nha Trang – Phan Rang daong labaih 2.300 urang jakar khin nao mai.
Tui Pathau khan di Mban Pato tacei brei abih baoh sang oh daok taik tahak tinh An Giang, taong abih hu padang salah blaoh, jao brei saong ba tame pandar lac 3.135 baoh sang, mek hu 100% jalan ngak, ngan haong taong abih jien buh tabiak labaih 207 ty dong. Langiu di nan, tinh An Giang daok padang veik 225 baoh sang ka dom baoh sang langiu harak angan ngan haong jien bih tabiak labaih 11 ty dong. Tinh jeng jak ba hu jaik 15.300 harei prein ngak meng dom kapul urang padang sang oh mek jien, urang ngak pahla, urang halan tian, kapul lin pan phao karaong, baoh sang hu praong laneing lanoi, kajap khang jang.
Kong ty tu nhan Ispace hu labik ngak bruk di Tokyo, Nhat Ban birau khan brei thau, bruk kham merat peih ahaok par pataok trun Ia bulan mbang ka dua di Nhat Ban gaok kan kandah kayua mac dut kuhria kapal haok glong khut. Oh huac kanda bruk kan kandah nan, Ispace khan lac daok caga veik bruk peih kapal haok par tagok Ia bulan mbang ka 3 thun 2027 pajeng hu rilo jang.
Rayo alam langik Vera C. Rubin bahrau ba tabiak dom thaik thaot alam langik dalam akaok meti, yaih khan yaok trieu thien ha, patuk saong dom patuk sit hu thaot meng mac thaot binguk ky thuat so praong abih dalam dunya. Ini lac jak jeng hadei 20 thun kuhria ro duah, daong rahra dalam dunya hu kein lagaih piah mboh alam langik hu cambaih laih yau ini. Meng baoh kareih pasang alam langik bahrau hu yaom 800 trieu dolla kayua My daong brei, hu padang di angaok tabung ceik Cerro Pachón di kreh negar Chile bo labaih 2 ribau patuk sit hu duah mboh.
Jabat Di tru New Zealand khan lac hu sa mbang payua harak gal likau thi thuc di cu ka urang buh jien tame ngak mbang di negar langiu glong ralo kuhria meng lavik mai tuk Rajaei taneh ia ini caong khin pacheih hu rilo urang hu drap ar kaya meda ralo mai tame ngak mbang patagok kinh te. Rajaei New Zealand taduan hu 189 harak gal likau thi thuc Urang buh jien tame ngak mbang samar Plus dalam tukvak oh ka bak 3 bilan. Jaik meteh dom harak gal nan lac dom urang ngak mbang negar My, negar Trung Quốc đại lục saong Hồng Kông (Trung Quoc).
Viết bình luận