Tui Mentri Kong an, mbiah tal ini, peih ngak hu 43 kadha siam lagaih lac tien ich di VneID duh ka bhap bini, doanh nghiep, tui jalan bhap bini, doanh nghiep lac pasak. Dalam nan, Mentri Kong an ba 6 nyaom harak gal tagok VneID, nan lac: harak peih radaih ndien tu, tut angan radaih; the BHYT saong so iek ruak ndien tu; harak gal lakhah; takik harak gal karja piah lagaih veik…Dom bruk lagaih nan hu daong ka 2 trieu 500 ribau bhap bini hu taduan mbang tui sarak an sinh xa hoi tapa tai khoan kuhria tui jien labaih 24.000 ti dong.

Tui Hiep hoi ngak ndap nda saong pablei kaya kan dalam ia di Viet Nam (iew lac Vasep), yaom lac bruk ngak di bilan 5  mboh lagaih min hadang pablei tabiak negar langiu dom bilan puac thun daok rilo kan kandah. Yau ye, bruk pablei hadang tabiak negar langiu bilan 5 mboh tagok hu rilo hadang gam pablei hu yaom glong, njauk ndem tal dom darak pasar yau ye: Mỹ saong Trung Quoc. Yau nan min, urak ini kayua daok sahaneng  di dom urang ngak mbang pablei tabiak negar langiu, abih di nyu di Mỹ meda suai hu mbaoh harak kakei blei tuk harak jien je oh ka thau yau halei.

Tinh Vinh Long peih radaih taduan raok pajeng ba oh mek jien yaok harei ka labaih 400 urang jakar, kong chuc, vien chuc sang daok di Ben Tre saong Trà Vinh(klak) nao ngak bruk di tinh Vinh Long saong mai veik. Tui nan, yaok harei hu 4 sruh radaih meng Ben Tre - Vĩnh Long saong Trà Vinh - Vĩnh Long,  peih meng mon 5 tuk 30 minit page, biar harei 17h30 yaok harei. Ini lac bruk ba mbuan lagaih  ka dom urang jakar kong chuc, vien chuc nao  Vĩnh Long dil sumu tukvak ngak bruk.

TPHCM kham merat ngak brei cakrok patagok labaih 199.000 baoh sang daok ka rahra meng thun 2021 tal thun 2030. Tui So Padang ngak TPHCM piah ngak hu bruk cang khin nan, anak meta, ban raya brei pasang iek dom sarak daong blei sang daok ka rahra di klauk tinh, ban klak nan lac Ban raya Hồ Chí Minh, Bình Dương, Bà Rịa - Vũng Tàu piah hu daong samu yau gauk, ba mbuan lagaih ka po buh jien tame ngak. Tui nan pambuak haong dom jabat pataom tame ngak brei cakrok patagok sang daok ka rahra brei ka urang kong chuc, dom urang gru iek ruak, gru pato, urang nghe si, urang pakacah the thao…hu rik daong ka ban raya; sang daok ka urang ngak kong.

Tinh Ca Mau peih ngak danak dak abih baoh sang taik tahak ka labaih 2.500 baoh sang dalam sarak karja, kham merat ngak salah dahlau harei 24 bilan 7, pambak praong hatai anit ranam saong ilamo diukrai“ menyum ia hadar tal halau ia”. Di xã Phuoc Long, karja xã hu padang kapol daong, tui iek yaok baoh sang piah khik hu siam saong ngak njauk tukvak. Tui nan, jak ba taong abih urang ndoan, kong an, bol lin daong ngak bruk. Dom baoh sang hu padang birau daong ka dom urang dalam sarak karja hu labik daok tani tanat jeng yau ngak brei pambak praong bruk anit daong ba gauk di bhap bini di bhum gah Meraong negar.

Bhap bini Han Quoc daok haduh hatai birau ka bruk My kham peih pabah mbang darak pasar Han Quoc ka rilaow limo meng dom drei limo raong praong 30 bilan. Urang di Han Quoc  huac kandah bruk atah klak dom paga pacang nan dalam mbang ginum biai ka bruk pablei salih di Han Quoc saong My meda mbuan lahik bruk khik pandap hacih sa-at.

Di Tay Ban Nha, langik pandiak dalam dua bilan ini tagok tak 40 do C ba tal 1.180 urang daok di taneh ia ini metai nan lac glong ralo mbang dut saong tukvak ini thun dahlau. Ralo lac urang metai umo labiah 65 thun saong meteh dom urang nan lac kumei. He thun dahlau, Tay Ban Nha hu abih tih 2.191 urang metai kayua langik pandiak.

Gah Tui iek quyen anek manuac di Siry khan lac, hu 37 urang metai dalam bruk kandah gauk ka bangsa agama rah tabiak dalam dua harei tapa di gah meraong negar ini. Bruk taong paoh gauk rah tabiak jhak trak di Syri hadei Karja pakat negar  di Tong thong Bashar Al Assad jaleih trun di bilan 12 thun dahlau saong urak ini jeng bruk kan kandah praong abih di karja birau di Syri./.